"Азаттыктын" Прагадагы кеңсесинин кызматкери, журналист, саясат жана экономика тармактары боюнча адис. Кыргыз улуттук университетинин журналистика факультетин аяктаган.
АКШ президенти Барак Обама айрым маанилүү дайындоолору оңунан чыкпай калганын жаңы администрациянын "жаңылыштыгы" деп атады. Бирок президенттин сынчыл маанайдагы сөздөрү кызматкерлерине эмес, өзүнө багытталды. Обама мамлекет башчысы үчүн адаттан тыш ачыктык менен жоопкерчиликти өзүнө алды.
Казакстанда шаршемби күнү улуттук акча - теңгенин чет элдик негизги валюталарга карата алмашуу курсу бир заматта бери дегенде 25%га арзандады. Мунун алдында өлкөнүн Улуттук банкы теңгенин мурдагы курсу кармалбай турганын жарыялаган эле.
Казакстанда өлкөдөгү эле эмес, КМШдагы эң ири коммерциялык банктардын бири жана Кыргызстанда да иш жүргүзгөн БТА банк мамлекеттин көзөмөлүнө өттү. Ал эми банктын жетекчиси, оппозициянын мурдагы белгилүү ишмери Мухтар Аблязов өкмөттүн аракетин "мамлекеттин рейдерлиги" деп атады.
Иракта ушул ишембиде өткөн чечүүчү жергиликтүү шайлоонун жыйынтыгы жарыялана элек. Бирок баштапкы бейрасмий маалыматтарга боюнча, премьер-министр Нури ал-Маликинин байыстуу жана секулярдык багытты карманган партиясы алдыга чыккандай. Бул шайлоонун дагы бир өзгөчөлүгү - өлкөдөгү сунни азчылыгынын добуш берүүгө кайтуусу болду. Алар 2005-жылкы шайлоону бойкоттошкон болчу.
Орусиянын президенти Дмитрий Медведевдин Борбор Азияда болочок ГЭСтердин курулушу боюнча жакында Ташкентте айткан сөздөрүнөн кийин Тажикстан Орусияга нота жолдоду. Кыргызстанга болсо орус өкмөт башчысынын орун басары мурда жарыяланбаган иш сапар менен келип кетти. Ал эми айрым байкоочулар Москванын айткандары менен жасагандары шайкеш келбей жатканын белгилешүүдө.
Эгер экономикалык кризис улана берсе, дүйнөдө жумушун жоготкондор саны быйыл 51 миллионго чейин жетүүсү күтүлөт.
Вашингтондо Конгресстин Эл өкүлдөр палатасы президент Барак Обаманын экономиканы кайра жандандыруу боюнча 825 миллиард долларга эсептелген планын кабыл алды. План үчүн Палатада көпчүлүктү түзгөн демократтар колдоосун билдиришти. Республикачылдар Обаманын планы өтө кымбат деген негиз менен ага добуш беришкен жок. Эми бул мыйзам долбоору Сенаттын кароосуна жиберилет.
Эл аралык Набукко газ кууру боюнча Будапеште өткөн бир күндүк конференция бул долбоорду каржылоо боюнча убадалар менен аяктады. Алгачкы баскычтагы жумуштар быйыл эле башталары айтылды. Бирок Орусия менен Украинанын Европаны газсыз калтырган талашынан кийин мааниси арта түшкөн долбоорго ким канча акча ажыратары азырынча аныктала элек.
Быйылкы жылдын башталышы Европада газ тартыштыгы менен эсте калды. Европаны эки апта камтамага салган Украина менен Орусиянын өзү бул күндөрү каржы жагынан жоготууга учурады. Бирок узак мөөнөттөн алганда эки коңшунун талашынын кесепеттери мындан да олуттуу болуусу мүмкүн.
Кошмо Штаттар Орусиянын аскерий эмес жүктү Ооганстанга ташууда жардам көргөзүү жөнүндөгү сунушун кубаттады. Ал эми Орусиянын НАТОдогу элчисинин айтымында, Москва менен альянстын алакасы жакшырууда.
Казак президенти Нурсултан Назарбаев төрт күндүк иш сапар менен Индияда жүрөт. Ишембиде Делиде эки тарап Казакстандын Индияга өзөктүк отун сатуусуна жол ачкан келишимге кол коюшту.
НАТОнун башкатчысы Яап де Хооп Схеффер бейшембиде Пакистанга барды. Эки тараптуу сүйлөшүүлөрдө исламчыл согушкерлерге каршы күрөшүүгө байланышкан маселелердин кеңири чөйрөсү талкууланчудай.
Дүйнө АКШдагы тарыхый окуяга, өлкөнүн кырк төртүнчү жана биринчи ындыкара президентинин кызматка киришүү салтанатына күбө болду. Ага катар бул күндөрү АКШнын жаңы президенти жана анын администрациясы туш келүүчү көйгөйлөр дүйнө өлкөлөрүнүн ММКларында кызуу талкууланды. Бирок айрым мамлекеттердин ММКлары бул окуяны жээригендей да болушту.
Барак Обама АКШ президентинин кызматына расмий киришкенден бир нече сааттан кийин эле Гуантанамодогу талаштуу түрмөнү жабууга багытталган биринчи кадамды жасады. Эгер Гуантанамо түрмөсү чындап жабылса, ал жерде отургандарды кай жакка жөнөтүү керек деген маселе чыгат.
АКШ президенти Барак Обама бүгүнкү алгачкы иш күнүн экономикалык кеңешчилери жана аскерий жетекчилер менен жолугушуудан баштаганы жатат. Каржы кризиси, Ирак менен Ооганстандагы согуштар кечээ АКШнын 44-президенти катары ант берген Барак Обаманын алдында турган башкы маселелер.
АКШда Барак Обама өлкөнүн 44-президенти катары ант берип, кызматына киришти. Сиз жана сиздин өлкө Барак Обамадан жана америкалык жаңы администрациядан эмнени күтөт, эмнеге үмүттөнөт? "Азаттык жана Эркин Европа" радиосунун берүүлөрү тараган аймакта биздин кабарчылар ушундай суроо менен жергиликтүү саясатчыларга, эксперттерге кайрылды.
Эки аптага жакын тыныгуудан соң Орусиянын көгүлтүр оту Украина аркылуу Европага кайрадан ага баштады. Мунун алдында эки өлкөнүн газ компаниялары Москвада он жылга эсептелген келишимге кол коюшкан эле. Жаңы макулдашуунун чоо –жайы кандай?
Казакстанда "Азаттык жана Эркин Европа" үналгысынын казак кызматынын кабарчысы жана мультимедиа редактору Ермек Болтай катуу токмок жеди. Окуя ушул жекшембинин кечинде Алматыда, журналист жашаган үйдүн жанында болгон. Жарандык коомдун өкүлдөрү акыркы кездери өлкөдө көз карандысыз калемгерлерге карата кысым күчөгөнүн белгилешүүдө.
Кошмо Штаттарда бүгүн Барак Обама АКШнын 44-президенти катары ант берет. Салтанатты көрүү үчүн АКШнын борборуна 2 миллиондон ашуун адам жыйналууда. Сандык көрсөткүчтөрү боюнча Барак Обаманын ант берүү аземи буга чейинки ушундай окуяларда катталган рекорддордун баарынан ашып өтөрү күтүлүп жатат.
АКШнын шайланган президенти Барак Обама 20-январда мамлекет башчысынын кызматына киришүүсү менен өлкөнүн биринчи айымынын милдети анын жубайы Мишель Обамага өтөт. Америкалык биринчи айымдардын коомдогу ролу жана макамы кандай?
Дагы жүктөңүз
