"Азаттыктын" Прагадагы кеңсесинин кызматкери, журналист, саясат жана экономика тармактары боюнча адис. Кыргыз улуттук университетинин журналистика факультетин аяктаган.
Украинадагы президенттик шайлоодо буга чейин орусиячыл турумду карманып келген саясатчы Виктор Янукович жеңишке жетишти. Бул жеңиш акыркы беш жылдан бери расмий Киевдин эски совет аймагындагы эң башкы өнөктөшү болуп келген Грузия үчүн эмнени туюндурат?
Балтика деңизинин айланасындагы өлкөлөрдүн лидерлери бүгүн Хельсинкиге чогулду. Деңизди жана анын экологиясын коргоо саммиттин күн тартибиндеги башкы маселе.
Дүйнөнүн автоунаа жасоочу эң ири компаниясы - Toyota эң акыркы моделдеринин сатылып кеткен жарым миллионго жакын даанасын кайра артка кайтарып аларын кечээ жарыялады. Муну менен компания өткөн айдан бери эле чакыртып аларын айткан автоунаалар саны сегиз жарым миллионго чыгып олтурат.
Франция Орусияга “Мистраль” деген үлгүдөгү согуштук кемесин сатууга макул болду. Согуштук техника боюнча Москва менен НАТОго мүчө өлкөнүн ортосундагы бул алгачкы ири соода Орусиянын коңшуларын, анын ичинде Грузияны катуу камтамага салды.
Казакстанда качып жүргөн ири ишкердин президенттин күйөө баласына койгон дооматтары боюнча иликтөө жүргүзүү чакырыктары айтылып жатат. Мындай билдирүүнү өлкөдөгү айрым саясий партиялар жасашты.
Иран аз байытылган уранын ийине жеткире байытуу үчүн башка өлкөгө жөнөтүүгө даяр экендигин билдирди. Бул жарыя расмий Тегерандын турумундагы олуттуу өзгөрүү болушу ыктымал.
Н.Назарбаевдин улуу күйөө баласы Рахат Алиев акыркы жылдары мурдагы кайнатасын ашкерелөө менен дүрбөлөң салса, ортончу күйөө бала Тимур Кулибаев учурда өзүнө каршы жарыяланган компромат материалдар аркылуу көңүл бурдуруп жатат.
“Орусия 88” деп аталган көркөм тасма былтыр Берлиндеги кинофестивалда бет ачарын өткөргөн соң өлкөнүн өзүндө көргөзүлүп, бир катар сыйлыктарга арзыды. Бирок орус скинхеддери тууралуу баяндаган фильм ошол эле учурда айыптоолорго да кабылып, Орусиянын ашынган улутчулдар боюнча туруму олку-солку экенин да көргөздү. Фильмге эми экстремисттик чыгарма катары тыюу салынып калуусу да мүмкүн.
Лондондо Ооганстан боюнча эл аралык жыйын аяктады. 70 чакты мамлекет өкүлдөрү катышкан жыйын соңунда айтылгандай, талиптерди жай турмушка тартуу үчүн кор түзүлөт.
Босния – Герцеговинанын курамындагы Серб Республикасынын өкмөтүнүн референдум өткөрүү демилгеси эл аралык чөйрөдө сынга алынууда.
28-январда Лондондо Ооганстан боюнча эл аралык конференция өтөт. Ооган президенти Хамид Карзай бул маанилүү жыйынга Талибан менен элдешүүнү караган план даярдады. Анын сунушу 26-январда Ооганстанга коңшу өлкөлөрдүн Стамбулдагы жыйынында колдоо тапты. Карзайдын планы канчалык жөндүү?
Ооган президенти Хамид Карзай Стамбулда түрк жана пакистан кесиптештери менен жолукту. Үч тараптуу сүйлөшүү Лондондо Ооганстан боюнча эл аралык конференция өтөр алдында болду.
Өлкөнүн шайлоо комиссиясы май айына белгиленген шайлоону сентябрга которду жана өз чечимин бир катар себептерге байланыштырды. Кабулдун Батыштагы өнөктөштөрү мындай чечимди кубаттоо менен кабыл алчудай.
Азербайжандын башкалаасы Бакуга советтик аскерлердин киргизилген күнгө жыйырма жыл толду. Бирок анда Кремлдин коммунисттик бийликти сактоо жана Азербайжандын көз карандысыздыкты көздөгөн кыймылын басуу аракетинен майнап чыккан эмес.
Адам укуктарынын олуттуу бузулушу үчүн жоопкер өкмөттөр өткөн жылы адам укугун коргоочуларга жана укук бузууларды документтештирген уюмдарга каршы чабуулун күчөттү. Бул тууралуу Хюман Райтс Уотч уюмунун жаңы жарыяланган жылдык баяндамасында айтылат.
Украинадагы президенттик шайлоонун биринчи айлампасы бул ирээт Интернеттеги коомдук байланыш түйүндөрүндө да кеңири чагылдырылды. Долбоордун колдоочулары аталган көрүнүштү айкындуулуктун жеңиши катары мүнөздөштү. Бирок ошол эле учурда жаңы технология адаттан тыш эмес, кадимки көрүнүшкө айлануусу үчүн Украинага али убакыт керектигин айтып жаткандар да бар.
Ооганстанда бир жылы ичи берилген паранын өлчөмү улуттук дүң өндүрүштүн дээрлик чейрек бөлүгүнө же апийим соодасынан түшкөн жылдык кирешеге барабар. Мындай тыянак Улуттар уюмунун жаңы баяндамасында айтылат.
Журналист Геннадий Павлюктун өлүмүнө Кыргызстандын атайын кызматтарынын катыштыгы бар деген маалыматтар казак басма сөзүнө чыкты. Бирок расмий деңгээлде комментарийленген жок. Мунун артында эмне жатуусу мүмкүн?
Адам укуктары боюнча кыргыз комитети да оппозициялык саясатчы И. Исаковдун камалышын кескин айыптаган билдирүү таратты. Учурда Венада жүргөн бул уюмдун төрагасы Р. Дырылдаев Кыргызстандагы адам укуктарына байланышкан жагдай боюнча “Азаттыктын” суроолоруна жооп берди.
Кариб деңизиндеги аралда жайгашкан жакыр өлкө - Гаитидеги зилзаладан өмүрү кыйылгандар саны баштапкы эсептер боюнча бери дегенде жүздөп саналат. Кызыл чырым уюму жер титирөөдөн жапа чеккендердин жалпы саны 3 миллионго жетиши мүмкүн экенин билдирүүдө.
Дагы жүктөңүз