"Азаттыктын" Прагадагы кеңсесинин кызматкери, журналист, саясат жана экономика тармактары боюнча адис. Кыргыз улуттук университетинин журналистика факультетин аяктаган.
Тажикстан Өзбекстан менен мамилесиндеги кыйынчылыктар тууралуу Улуттар уюмундагы маалымат жыйында айтып чыкты. Өлкөнүн премьер-министри жүк салган вагондордун кармалуусу боюнча өзбек тараптын түшүндүрмөсүн шылтоо деп мүнөздөдү.
Коомчулук жыйынтыгы менен сабактарын баалоого келгенде экиге бөлүнүп калган 24-марттын беш жылдыгында аймактык эксперттер ал окуядан кийинки жараяндар негизги суроолорго жооп бере албаганын, Кыргызстан андан бери коңшуларына жакшы үлгү көрсөтпөстөн, жаман үйүттү үйрөнгөнүн, эркиндиктин желаргысы Борбор Азияга да тарайт деген үмүттөр таш капканын белгилешүүдө.
Ооган президенти Хамид Карзай өлкөдөгү согушкерлердин экинчи ири тобунун өкүлдөрү менен алгачкы ирeт жолукту. Бул маалыматты эки жак тең ырастады. АКШ тарап болсо ооган бийлиги жана согушкерлер ортосунда тынчтык сүйлөшүүлөрү башталуусун этияттык менен кубаттады.
Үстүбүздөгү айдын алгачкы жарымы Набукко газ кууру долбоорун ишке ашыруу жаатында жылыштар бар экенин көргөздү. Акыркы апталарда добушу кайрадан угула баштаган долбоорду тейлеп жаткандар көгүлтүр от Европага мерчемделген мөөнөттө жетерине ишеним билдиришүүдө.
Татарстанда эки күн мурда таанымал илимпоз, коомдук ишмер Мансур Хасановду акыркы сапарга узатышты. Ал кезинде Орусия курамындагы бул республикада өзүнчө илимдер академиясы түзүлүүсүнүн демилгечиси жана анын биринчи президенти болгон.
Таиландда үч күндөн бери он миңдеген адамдар катышкан демонстрациялар өтүп жатат. Алар өкмөт парламентти таратып, жаңы шайлоо жарыялашын талап кылышууда. Бирок Таиланддын премьер-министри кечээ бул талапты аткаруудан баш тартты.
Кандагар провинциясынын губернатору ооган өкмөтүн көбүрөөк аскер жөнөтүүгө чакырды. Мындай чакырык шаардагы жардыруулардан 30тай кишинин өмүрү кыйылып, 50дөн ашууну жаракат алган соң жасалды. Бул кандуу окуя НАТО жана ооган күчтөрү провинцияда кеңири масштабда операция өткөрүүгө даярданып жаткан кезде коопсуздук жаатындагы мүчүлүштүктөрдү көргөздү.
Пакистандын Сват өрөөнүндө жанкечтинин бүгүнкү чабуулунан кеминде он үч адамдын өмүрү кыйылды, элүүдөн ашууну жаракат алды. Акыркы бир суткадан аз убакыт ичиндеги экинчи жарылуу өлкөнү кыянатчылыктардын жаңы толкуну каптайбы деген кооптонууларды жаратты.
Казакстан кытай товарларынын Кыргызстан аркылуу “контрабандасын” токтотууну убада кылууда. Бул тууралуу казак премьер- министри Карим Масимов өкмөт жыйыны учурунда билдирген. Мындай билдирүү кыргызстандык ишкерлер үчүн Казакстан аркылуу жүк ташуу кайрадан татаалдашкан учурда айтылып жатат.
Америкалык “ Форбс” журналы дүйнө миллиардерлеринин жаңы тизмесин жарыялады. Мурдагыдай эле АКШ көч башында, бирок ашынган байлардын саны Азия аймагында быйыл эки эсеге жакын көбөйгөн. Ал эми коңшу Казакстандан миллиардерлер тизмесине кирген беш адамдын, экөөсү -президенттин үй –бүлө мүчөлөрү.
Мусулмандардын эң таанымал жана таасирлүү динаятчысы шейх Мухаммад Саед Тантави сексен бир жаш курагында дүйнө салды. Исламдын сунни агымынын өкүлү болгон Тантави өзүнүн байистүү көз-караштары менен белгилүү эле.
АКШнын вице- президенти Жо Байден Жакынкы Чыгыштагы тынчтык жараянын жок дегенде кыйыр сүйлөшүүлөр аркылуу жандандыруу аракетинде бүгүн палестин жетекчилиги менен жолукту. Бирок Израилдин Чыгыш Иерусалимде дагы бир миң алты жүз үй курарын жарыялоосу сүйлөшүүлөргө көлөкө түшүрдү.
Орусиянын Түндүк Кавказындагы майда калктардын бири – балкалар Борбор Азияга айдалганынын кезектеги жылдыгын эскеришти. Күч менен көчүрүү 1944-жылдын 8- мартында ишке ашырылган эле. Балкар ишмерлери орду толгус жоготуу алып келген бул окуянын эл турмушундагы кесепеттери азыркыга чейин уланып жатат деп эсептешет.
Ооганстандын түштүгүндөгү Гилменд провинциясында НАТО жана ооган күчтөрүнүн Талибанга каршы ири операциясы жүрүп жатканына бүгүн жетинчи күнгө аяк басты. Кабарларга караганда, чабуулдун негизги бутасы -Маржа шаарында козголоңчулар аялдар менен жаш балдарды тирүү калканч катары пайдаланышууда.
Евробиримдиктин тышкы иштер министрлери 22-февралда Беларус боюнча шашылыш талкуу өткөргөнү жатат. Өлкөдөгү поляк азчылыгынын активисттерине каршы куугунтуктун уланып жатышына кыжырданган Варшава Минскиге ал шаркеттин деңгээлинде жазаланарын эскертти.
Апта башында Орусиянын Сибирдеги Ханты-Мансийск автоном округунун депутаттары губернаторлукка Москва көргөзгөн талапкерди бир добуштан бекитти. Бирок ошол эле учурларда аймактардан губернаторду тикелей шайлоо тажрыйбасына кайтуу чакырыктары барган сайын катуурак айтылууда.
Батыш өлкөлөрү Ирандагы адам укуктарынын абалына олуттуу тынчыздануу билдиришти. Расмий Тегерандын дарегине карата сын Женевада, БУУнун Адам укуктары боюнча кеңешинин жыйынында айтылды. Аталган эл аралык мекеме 2006-жылы түзүлгөндөн бери Ирандагы адам укуктарынын абалына биринчи жолу кайрылууда.
Региондор партиясынын лидери Виктор Янукович Украинадагы президенттик шайлоонун жеңүүчүсү деп расмий жарыяланды. Бирок премьер- министр Юлия Тимошенко атаандашынын жеңишин тааныбай, шайлоо жыйынтыгын сотко берерин айтууда. Шайлоо комиссиясы болсо Тимошенконун дооматтарын карабай турганын билдирди.
Евробиримдик каржы каатчылыгына кабылган Грекияга жардам көргөзүлөрүнө ишендирип жатат. Бирок Афинаны карыздын сазынан алып чыгууну караган пландын чоо-жайы келерки аптада гана барып белгилүү болчудай.
Украинада президенттик шайлоонун алдын ала жыйынтыгы оппозиция лидери Виктор Янукович 3,5 пайыздай артыкчылык менен жеңгенин көргөздү. Бирок анын атаандашы, премьер-министр Тимошенко жеңилгенин али моюнга ала элек.
Дагы жүктөңүз
