"Азаттыктын" Прагадагы кеңсесинин кызматкери, журналист, саясат жана экономика тармактары боюнча адис. Кыргыз улуттук университетинин журналистика факультетин аяктаган.
13-май - Өзбекстандын Анжиян шаарындагы кан төгүүнүн беш жылдыгы. Бирок өлкөнүн өзүндө бул окуянын курмандыктары ачык эскерилбей турганы анык. Бул аралыкта адам укугун коргоочулар кыргын боюнча эл аралык иликтөө жүргүзүү жөнүндөгү талап али актуалдуу экенин айтып жатышат.
Британияда 12-майда Дэвид Камерон өлкөнүн жаңы премьер-министри катары алгачкы иш күнүн баштады. Ал кайнаса каны кошулбаган эки партия түзүүчү коалициялык өкмөттү жетектери кечээ анык болду.
Учурда Британияда кечээги тарыхый парламенттик шайлоонун жыйынтыгы чыгарылып жатат. Өлкө бул ирээт “асылма парламент” деп аталып калган көрүнүшкө кабылчудай. Мындай кырдаал Британияда 1974-жылдан бери түзүлө элек болчу.
Айыл чарба тармагындагы көйгөйлөр, аларды чечүү жолдору тууралуу Кыргыз дыйканчылык илим изилдөө институтунун директору, академик Жамин Акималиев “Азаттыкка” маек курду.
Кыргызстандагы 7-апрел ыңкылабы жана ага чейинки окуялар тууралуу Кыргыз эл акыны Анатай Өмүрканов “Азаттыктын” обого түз чыккан берүүсү маалында өз пикирин билдирди.
Европа өлкөлөрү менен Эл аралык валюта кору Грекияны карыздан куткаруу боюнча планды ушул апта ичи бекиткен жатат. Үч жылга жана бир нече нече миллиард еврого эсептелген планды тараптар кечээ макулдашты. Афинадан болсо акча алыш үчүн ашкере үнөмчүлдүк талап кылынат.
Нурсултан Назарбаев Кыргызстанда 7-апрелде болгон окуяларга терс баасын берди. Алматыда шейшемби күнү башталган медиа форумда сүйлөгөн сөзүндө ал Кыргызстандагы бийлик алмашууну ыңкылап деп эсептебесин айтты.
Конгресстин кичи комитети “Манас” аба бекетиндеги мурдагы аскерий база же азыркы транзиттик борбордун иши менен байланышкан келишимдерде коррупция бар-жогун иликтөөгө киришти.
7-апрелде жана андан кийин орун алып жаткан окуялар жөнүндө эл аралык маалымат каражаттарында арбын сөз болуп жаткандыктан, андан Батыш өлкөлөрүнүн тургундары да учурунда кабар алууда. Кыргызстандагы акыркы жараяндар талкууланган жыйындардын бири жакында Швейцарияда өттү.
Бийликтен кулатылган Курманбек Бакиевдин Беларустан башпаанек табышын беларус талдоочулары бир катар себептер менен байланыштырышууда. Бул аралыкта Евробиримдик жана Хьюман Райтс Уочт уюму азыркы кыргыз бийлигин апрелдеги кан төгүүнү кылдат иликтөөгө чакырды.
Маевка айылындагы 19-апрелдеги тополоң жана бүгүнкү кырдаал тууралуу аталган айылдын өкмөт башчысы Азиз Сейталиев “Азаттыкка” маек курду.
Өлкөдөгү соңку саясий кырдаал, милиция кызматкерлеринин бүгүнкү абалы, 7-апрелдеги окуяларды иликтөө иштери тууралуу “Кылым шамы” бейөкмөт уюмунун жетекчиси Азиза Абдрасулова “Азаттыкка” маек курду.
Экономика илимдеринин доктору Айылчы Сарыбаев өлкө финансылык кыйынчылыктарды тартпаш үчүн убактылуу өкмөт ишти мындан ары бир калыпта алып кетүүгө болот, эгер баалар көтөрүлө турган болсо эл аны түшүнүү менен туура кабыл алышы керек деп эсептейт.
Мамлекеттик департаменттин өкүлүнүн кечээ билдиргенине караганда, Вашингтон учурда эки жак менен тең байланышта турат. Америкалык басма сөздө "Манас" аба бекетиндеги транзиттик борбордун келечеги бүдөмүк экени айтылууда.
АКШ жана Орусия президенттери бейшембиде тарыхый келишимге кол коюшту. Эки өлкөнүн колундагы өзөктүк куралдын санын кыскартууну караган документке кол коюу жөрөлгөсү Чехия борбору Прагада өттү.
Экономика илимдеринин доктору, мурдагы айыл чарба министри Жумакадыр Акенеев Орусия Кыргызстанга жөнөтүлчү күйүүчү майга экспорттук бажы төлөмүн киргизишинин артында эки өлкө алакаларынын соңку кездери сууй түшүүсүнүн таасири бардыгын айтат.
Өзбекстандык экологдордун назарына эми Тажикстандын экономикалык мааниси чоң экинчи ишканасы түштү. Соңку күндөрү алюминий өндүрүүчү ири заводдун экологияга тийгизген таасирине нааразылык билдирилген пикет-жыйындар бери дегенде төрт ирээт өттү. Эки коңшунун мамилесиндеги чыңалууну эске алган байкоочулар маселенин экологиялык гана эмес, саясий өңүтү да бардыгын белгилешүүдө.
Казакстанда журналисттерди кабатырланткан жагдай пайда болду. Мындан улам журналисттик уюмдарынын бир нечеси өкмөттү өлкөдө Интернет сайттардын жабылышына алып баруучу мазмун кандай критерийлердин негизинде аныкталарын ачыктоого чакырып жатат.
Улуттар уюмунун башкатчысы Пан Гин Мун ушул жана келерки апта ичи Борбор Азия өлкөлөрүн кыдырат. Бул – азыркы башкатчынын Борбор Азиядагы алгачкы сапары жана анын максаты аймактык кызматташтыктын жакшыруусуна жардам берүү экендиги айтылууда.
Жыл башынан тарта Казакстан аймагы аркылуу товар ташуу кайрадан кыйындагандан бери Кыргызстанда Орусия, Беларус, Казакстандын Бажы Биримдигине тезирээк кирүү сунушу айтылууда.
Дагы жүктөңүз
