“Азаттыктын” Бишкек бюросунун кызматкери, веб-редактор. Жусуп Баласагын атындагы Улуттук университеттин бүтүрүүчүсү.
Кыргыз Уикипедиясындагы маалымат саны 21 миңден ашты. Жыл өткөн сайын улуттук казынага толуктоо киргизген ыктыярчылардын да саны арбып барат. Кыргыз Уикипедиясы акыркы жылдары кандай өзгөрүүгө ээ болду жана кандай иштер жасалып жатат?
Кыргыздын фантаст жазуучусу Беганас Сартовдун “Мамыры гүлдөгөн маалда” повести англис тилинде жарык көрдү. Учурда ал немис жана орус тилине которула баштаган кези.
Бактыгүл Бокоева акыркы жылдары Жакомо Пуччининин “Мадам Баттерфляй” операсындагы баш каарман Чио Чио Санды аткарып жүрөт. Сопрано үндүү ырчы, искусство төрүнө кантип келип калган?
Журналист Мамат Сабыровдун жаңы жарык көргөн “Дублер палван” аталыштагы аңгемелер жыйнагы окурман дүйнөсүндө талкуу жаратты. Автордун буга чейин "Жол", "Балалыктын теректери", "Ажылык сапары" деген жыйнактары жарык көргөн.
Бишкекте азербайжан акыны Низами Гянжевинин 870 жылдыгы белгиленет. Орто кылымда жашап өткөн улуу акын "Сырлар кенчи", "Хосров менен Ширин", "Лейли менен Межнун” ж.б. чыгармалары менен тарыхта калган.
Борбор калаада “Жаз - Бишкек - Күз” фестивалы өтүп, Америкадан келген Жаз оркестри концерт тартуулады. Алардын аткаруусундагы жаз менен кыргыз музыкасы да жаңырды
Бишкекте Улуу Кыргыз каганаты тууралуу илимий конференция өттү. Эки күнгө созулган иш-чара азыр жаңыдан жазылып жаткан кыргыз тарыхына жаңы барактарды ачканын окумуштуулар белгилешти. Ошол эле учурда ар кайсы өлкөдөн келген окумуштуулар Борбор Азияда кайсы бир улут артыкчылык кылган деген ойдон алыс болууга үндөштү.
Кыргыз-немис дипломатиялык алакасынын 20 жылдыгына карата Бишкекте немис киносунун фестивалы өттү.
70 жашка толуп жаткан Абдылас Малдыбаев атындагы опера жана балет театрында чыр от алды. Маарекенин урматына ноябрь айынын ортосуна белгиленген фестивалга театр жетекчилиги чет өлкөдөн жана КМШдан опера жылдыздарын чакыруу менен зоболосун көтөрүүнү көздөөдө. Бирок театр жамааты улуттук опера, балет өнөрпоздорунун кадырына доо кетирип жатат деп, доомат артууда.
“Аруузатым” ыры менен элге таанылган Аскат Мусабеков учурда чыгармачылык изденүү үстүндө. Элдик ырларды ийине жеткире аткарган жаш ырчы учурда “Кара кыз” аттуу жаңы ырын жаздырып бүттү.
Чыңгыз Айтматов атындагы орус драма театрында мода жумалыгы өтүп жатат. Бир жума бою созулган бул иш-чарада жаш модельерлер ой чабытынан жаралган эмгектерин сынга коюуда.
Жыл сайын 5-7-8-ноябрда 1938-жылы атылган репрессия курмандыктары эскерилет.
Кырк жылдан кийин жаңыртылып, сахнага чыгарылган “Аста-секин колукту” музыкалык комедиясы дагы эле көрүүчүлөрдүн кызыгуусун арттырууда. Абдылас Малдыбаев атындагы опера жана балет театрынын күзгү репертуарына кирген бул опереттага баргандардын басымдуу бөлүгү жаштар.
Бишкекте Улуттук китепканада атактуу тарыхчы жана ойчул Лев Гумилевдин 100 жылдыгына арналган көргөзмө ачылды. Борбор Азиядагы чыгыш элдердин тарыхын изилдеген окумуштуу көчмөндөр тууралуу мурдатан калыптанган ой-пикирди жокко чыгарганы менен дүйнөгө таанылган.
Советтик сахнанын жылдызы Муслим Магомаев тирүү болгондо быйыл 70 жашка чыкмак.
Советтик киного өзгөчө стили менен кирип, кыска өмүрүндө кайталангыс тасмаларды жаратууга жетишкен Динара Асанова тирүү болгондо быйыл 70 жашка чыкмак.
Азимбек Бекназаров Конституциялык палатанын судьялыгына талапкерлигин коюп өтпөй калды. Саясатчыны жактагандар бул жогору жактын буйругунан болду дешсе, экинчи тарабы укук коргоочулардын басымынан улам болду деген пикирде.
Кыргызстанда “Таза суу” программасынын жаңы долбоору сунушталууда. Курулуш жана аймактык өнүктүрүү агенттиги түзүп чыккан долбоорго ылайык, таза суу менен камсыз кылуу программасын каржылаган эл аралык донорлор борбордук органдар менен эмес, жергиликтүү бийликтер менен тикелей иш алып бармакчы.
Кыргызстанда ислам жана православ лидерлери өлкөдөгү абалды оңдоого биргеликте кол кабыш кылуу керек деген бүтүмгө келди.
Бишкекте немис композитору Рихард Вагнердин 200 жылдыгына арналган классикалык музыка фестивалы аяктады.
Дагы жүктөңүз
