"Азаттык" радиосунун журналисти жана алып баруучусу. Сезимтал журналистика, кесиптик этика боюнча адис.
Тажикстанда Өзбекстандын маданият күндөрүн өткөрүү боюнча Дүйшөмбүнүн расмий сунушун Ташкент жоопсуз калтырганы айтылууда. Тажик өкмөтү бул кабарды четке кагып жатат.
Македония полициясы менен Грециядан өтүп келаткан качкындардын 10-апрель күнкү кагылышуусунан 300дөй адам жараат алды.
Стамбулдан Кыргызстанга келип, жергиликтүү кызга баш кошуп жаткан теги өзбекстандык жаран досу менен нике күнү камакка алынды. Милиция алардын максаты - жалалабаддыктарды Сирияга жалдоо экени айтууда.
Арам акчаны адалдаган аттуу-баштуулар жөнүндөгү “Панама-гейт” баяндамасында президент Нурсултан Назарбаевдин небересинин аты аталганы менен Казакстанда бул маалымат элди көңүлкош калтыргандай.
The Washington post гезитине чыккан макаладан соң Москва прокуратурасы оппозициядагы саясатчы Алексей Навальныйдын Коррупция менен күрөшүү фондунун каржы булактарын иликтөөгө киришти.
Өзбекстандын күч органдары мамлекеттик саясатка каршы сүйлөгөндөр тууралуу маалымат топтоо өнөктүгүн жүргүзө баштады.
АКШ өкмөтү атомдук куралдарды кыскартуу боюнча эки тараптуу милдеттүү келишимге карабай, Орусия беш жыл ичинде баллистикалык ракеталар үчүн стратегиялык дүрмөттөрдүн санын көбөйткөнүн маалымдады.
2-апрелде Тоолуу Карабакта башталган куралдуу кармашта Азербайжандын 12, Армениянын 18 аскери жана жайкын тургундар да мерт кеткени айтылууда.
Тажикстандык белгилүү адвокат эл аралык уюмдарга кайрылып, чет элден жумуш табууга көмөктөшүүнү суранды. Ал өз мамлекетинде “Адвокаттык ишмердик жөнүндө” мыйзамдын күчүнө кириши укук коргоочулардын жумушуна чектөө коюп жатканын белгилейт.
Өзбек бийлиги мамлекеттин башка облустарынан Ташкент шаарына жана Ташкент облусуна конокко келгендерди беш күн ичинде сөзсүз түрдө каттоого турууга милдеттендирген буйрук чыгарды. Аны аткарбагандар баш калаадан мажбурлап чыгарылат.
БУУнун эл аралык трибуналы 31-мартта Серб радикал партиясынын мурдагы лидери Воислав Шешелди бардык айыптар боюнча актады.
АКШнын Финансы министрлиги экономикалык санкцияларды ашыкча колдонуу Кошмо Штаттардын каржылык системасына зыянын тийгизип, башка мамлекеттерди долларды дүйнөлүк резерв валютасы катары кабылдоодон алыстатат деп эскертти.
Кипрдин Ларнак шаарындагы аба майданга Египеттин учагын мажбурлап кондурган, борттогуларды “учакты жардырам” деп коркуткан жаран кармалды.
Вашингтондо АКШ конгресси жайгашкан Капитолийге белгисиз киши ок чыгаргандан кийин коопсуздук чаралары күчөтүлдү.
Казакстанда “Таблиги жамаат” уюмунун лидери аталган жаран менен анын эки санаалашы абакка кесилди. Соттолуучулардын жакындары мындай чечимге нааразы.
Эл аралык Amnesty International уюму Өзбекстандын түрмөлөрүндө кыйноолорго каршы өнөктүк башталганын жарыялап, өзбек бийлигине кайрылуу жолдоду.
Эл аралык издөөдө жүргөн Адил Тойгонбаевди Интерпол Дубайда кармады. Аны Кыргызстанга экстрадициялоо маселеси качан чечилери белгисиз.
Украинада киши колдуу болгон журналист Георгий Гонгадзенин сөөгү 16 жылдан кийин гана жерге берилди. Анын жакындары өлүмдүн себеби аягына чейин ачылбай жатканын, адилеттик үчүн күрөш уланарын билдиришти.
Германиянын Мюнхен шаарында жайгашкан BMW музейиндеги унааларды көргөнү жыл сайын 250 миңден ашуун адам келет. 5000 метр квадрат жерди ээлеп, бир канча кабаттан турган имаратта BMW тарыхында чыгарылган дээрлик бардык машинелердин үлгүсү экспонат катары коюлган.
Европа биримдиги менен Түркия ортосунда качкындар маселесин жайгаруу боюнча келишим түзүлдү. Европага мыйзамсыз кирген мигранттар 20-марттан тарта Түркияга кайра жөнөтүлөт.
Дагы жүктөңүз
