Чет өлкөдө бийликти социалдык тармактар аркылуу сындап келген ишкер, активист Сыргак Кенжебаев кармалып, Кыргызстанга алып келинди.
Жогорку Кеңештин депутаты Айсаракан Абдибаеваны депутаттык мандатынан ажыратууну талап кылган петицияга 30 миңге жакын адам кол койду. Петиция депутаттын жашы жете электерге карата сексуалдык кылмыштар боюнча пробациялык көзөмөлдү колдонуу мүмкүнчүлүгүн кароо тууралуу сунушунан кийин башталган.
Бишкекте 2021-жылдан бери курулушу бүтпөй, акчасын дагы кайтарбай жатканын айтып бир нече киши өлкө жетекчилигине кайрылды. "Ханстрой" же, дагы бир аталышы, "Брэнд Хаус" компаниясы борбор калаада салып жаткан үч турак жай комплекси ар кандай себептер менен курулбай калганын айтууда.
Таласта азыр төө буурчактан түшүмү кызуу жыйналган маал. Таң аткандан күн батканча талаада техника тынымсыз иштеп, дыйкандар бир жыл бою күткөн түшүмүн жыйнап жатышат. Бул жерде төө буурчак миңдеген үй бүлөнүн негизги киреше булагына айланганына 20 жылдан ашты.
"75чилердин каты" иши боюнча прокуратура, айыпталуучулар Биринчи май райсоту чыгарган өкүмгө каршы Бишкек сотуна апелляциялык арыз берди. Шаардык сот ишти 10-августта карай баштайт. Соттолгон сегиз саясатчы тең шаардык сотко даттанды.
Кабминдин башчысы Адылбек Касымалиев күйүүчү-майдын баасы дагы көтөрүлүшү мүмкүн экенин эскертти. Ал учурда эл көп колдонгон АИ 92 бензиндин баасын өкмөт субсидия менен кармап турганын билдирди. Ал тапта өлкөдө дагы да болсо бензин, дизелдин тартыштыгы сезилип жатат.
Акын Аскат Жетиген абактан кат жазып, саламаттыгы начарлап кеткенин кабарлады. Жазаларды аткаруу кызматы муну четке кагып, анын саламаттыгы канааттандырарлык экенин билдирүүдө.
Камактагы активист Тилекмат Кудайберген уулу өзүнө козголгон кылмыш ишин кайрадан карап чыгууну суранды. 10-июлдагы соттук жараянда активист абакта негизсиз отурганын айтып чыкты. Кудайберген уулунун ишине жакында экс-депутат Эмил Жамгырчиевдин маегинен соң кайрадан көңүл буруп жатат.
Өткөн аптада УКМКнын экс-төрагасы Камчыбек Ташиев баш болгон сегиз киши "бийликти күч менен басып алууга" күнөөлүү деп табылып, бирок пробация менен эркиндикте калды. Активисттер жана юристтер мындай гумандуу чечим буга чейин пикири үчүн камалгандарга да колдонулушу керек деген пикирде.
Күн мурун президент Садыр Жапаров Улуттук коопсуздук мамлекеттик комитетинин башчысы Жумгалбек Шабданбековду кызматтан алды. Анын ордуна бир жылдан бери баш прокурор болуп келген Максат Асаналиев дайындалды. Негизги күч түзүмдөрүнүн башчыларынын алмашуусу коомчулукта талкууга жем таштады.
Кыргызстандын биринчи президенти Аскар Акаев Ысык-Көл эл аралык форумуна келди. Ал өлкө кыска убакытта "экономикалык керемет” жаратканын жана аны улантуу үчүн президент Садыр Жапаровго кошумча мандат берүү керектигин айтты. Акаев бул үчүн 10 жылга чейин убакыт зарыл экенин белгиледи.
18-июнда Биринчи май райондук сотунда “75чилердин иши” боюнча кезектеги отурум айыпталуучулардын бири Эмилбек Узакбаев келбей калгандыктан башка күнгө жылды.
УКМКнын мурдагы төрагасы Камчыбек Ташиевдин жана анын жакын тарапташы делген Нургазы Анаркуловдун сурагы делген видео соцтармактарга тарады. Белгисиз булактардан тараган бул видео “75чилердин каты” боюнча биринчи ачык сот отурумунан кийин жарыяланды.
Жарандык активист Мавлян Аскарбеков УКМКнын тергөөчүсүнүн өтүнүчү менен бул мекеменин тергөө абагына эки айга камакка алынды. Адвокаты бөгөт чарасын өзгөртүү үчүн кийинки соттук инстанцияга арыз берилерин, айып "кастыкты козутуу" деген негизде тагылганын билдирди.
Кыргызстан авиа коопсуздук боюнча Евробиримдиктин "кара тизмесинен" чыкты. Кыргыз авиакомпаниялары бул тизмеде 20 жылдан бери жүргөн.
3-июнда парламент Борбордук шайлоо комиссиясынын жаңы курамын шайлады. Президент жана Жогорку Кеңеш сунуштаган БШКнын жаңы курамына мурдагы депутаттар жана бийликке жакын адамдар кирди. Буга чейин БШКнын мүчөлөрүнүн саны азайтылып, бул органдын көз карандысыздыгына байланыштуу талкуулар болгон эле.
Президент Садыр Жапаров Виртуалдык активдер жана блокчейн-технологиялар боюнча кеңешти агенттик кылып өзгөрттү. Ал криптовалюта жаатында мамлекеттик саясатты жүргүзгөн туруктуу орган болмокчу. Жапаров тиешелүү кеңешти былтыр түзгөн жана эл аралык Binance криптобиржасынын негиздөөчүсү Чанпэн Чжаону өзүнө кеңешчи кылып алган. Бийлик анын жардамы менен Кыргызстандын алгачкы USDKG криптовалютасын чыгарган. Аз күн мурдараак Улуу Британия Кыргызстандын дал ошол компаниясына санкция салды.
УКМКнын мурдагы башчысы Камчыбек Ташиев баштаган сегиз айыпталуучунун соту 1-июнда Бишкектин Биринчи май райондук сотунда уланды. Буга чейин процессти ачык өткөрүү боюнча өтүнүч берилип, судья аны четке какканы белгилүү болду.
28-29-май күндөрү Астанада ЕАЭБдин саммити өттү. “ЕАЭБ глобалдык санарип жарышында: жасалма интеллектке басым” деп аталган жыйынга Орусиянын, Беларустун, Казакстандын жана Кыргызстандын президенттери катышты. Армениянын өкмөт башчысы Никол Пашинян саммитке орун басарын жөнөткөн.
Кыргызстанда инфляциянын деңгээли өсүүдө. Улуттук банктын эсебинде майга карата расмий инфляциянын көрсөткүчү 10,9% жетти. Айлык акылар инфляцияны кууп жете албай келет. Азык-түлүк баасы менен кызмат көрсөтүүнүн акысы кескин өстү.
Дагы жүктөңүз
