Мирлан Кадыров

Кургакчылык кесепети: жем-чөп кымбат, мал арык

"Насыя алдым, таттуу сатам..." Кымбатчылыкта кыйналган мугалимдер

Казакстандагы жут Кыргызстанга кандай таасир этет?

Быйыл кургакчылык Орто Азия чөлкөмүн катаал сыноого салды. Айрыкча Казакстандын Мангыстау облусунда тарыхта болуп көрбөгөндөй жут ушу күнгө чейин бери эле дегенде үч миңдей мал жандыктын башын жалмады. Казакстанда болуп жаткан жуттун кесепети Кыргызстанга кандайча таасирин тийгизиши мүмкүн?

Нарын: арышы арбыбаган шырдак фестивалы

Нарында “Шырдак” фестивалы онунчу ирет өттү. Эл аралык деп айтылган бул иш-чарада 7 облустун уздарынын кол эмгектери көрсөтүлдү. Кыргыз шырдагын дүйнөгө таанытууну көздөгөн бул фестивалга чет өлкөлүк туристтер келгени менен кол өнөрчүлөрдүн соодасы анчейин кызыган жок.

Ат-Башы: помидор өстүрүп, салат саткан жеңелер

Кара-Булуң айылынын тургундары "Ат-Башыда жашылча бышпайт" деген көз карашты бузушту. Азыр бул айылдагы 30дай аял тамаркага помидор, бадыраң, капуста сыяктуу жашылчанын түрүн айдап, түшүмүн жыйнап жаткан учур.

“Мугалимдин маянасы бир айга өп-чап жетет”

Бегай Жунусалиева 10 жылдан бери Нарын районунун Жан-Булак айылындагы орто мектепте физика сабагынан мугалим болуп иштейт. Ал кесибин сүйүп, балдарды окутуудан ырахат алганын айтканы менен тапкан айлыгы төрт баласын багып, өстүрүүгө өп-чап жетип жаткан убак.

Ат-Башы: Босогонун көркүн ачкан конок үйлөр

Турганбүбү Океева Ат-Башынын Босого жайлоосуна туристтер үчүн мейманкана ачып кызмат көрсөтүп жатат. Өзгөчө конок үйлөрдү тоолуктар жаңылык катары кабыл алышууда. Акыркы жылдары Ат-Башыда ички туризм да өнүгө баштады.

Талибдер курчаган Кабулда кыргыздар да бар

Үркүн быйыл жупуну эскерилди

Масадыков vs Ташиев: маектен чыккан талкуу

Кара-Кечедеги көмүр чыры жетекчини каматты

“Кыргызкөмүр” ишканасынын эмгек жамааты мамлекет башчысына кайрылуу жасады. Алар коррупцияга шектелип камакка алынган жетекчисине жалган жалаа жабылып жатат деп эсептешет. Кайрылууда 370 миң тонна көмүр уурдалууга мүмкүн эмес экени жазылган.

Айсулуу элди бириктирди

Кыргызстандык балбан Айсулуу Тыныбекованын финалдагы беттешин жүздөгөн күйөрмандар, өлкө жетекчилери, өзүнүн жакындары түз эфирден көрүп турду. Тыныбекова финалда жапониялык Юкако Каваи менен беттешип, элине күмүш медал белек кылды.

Жайлоодогу көчмө мончо

Эдилбек Курманалиев Ат-Башынын Босого жайлоосуна көчмө мончо жасап, малчыларга кызмат көрсөтүүдө. Ал жуунучу жайды кадимки эле ЗиЛ автоунаасынын буткасына уюштурган. Эдилбектин эмгегине малчылар гана эмес, чет элдик туристтер да кызыгып жаткан учуру.

“Ысырап кылсаң, айыпка жыгыл”: талкууга түшкөн мыйзам

Той-аштардагы ысырапкорчулукту ооздуктаган мыйзам долбоору парламентте биринчи окуудан өттү. Анда ашыкча ысырапкорчулукка барган той ээси айыпка жыгылары жазылган. Ушундай эле мыйзам долбоору буга чейин бир нече жолу көтөрүлүп, колдоо тапкан эмес.

Бир күндө 100 чакырым жөө баскан Черикбай

Ак-Талаа районунун Баетов айылынын тургуну Черикбай Баялиев күн алыс жайлоого жөө барып келет. Айыл менен жайлоонун аралыгы 100 чакырым. 60ка чыккан аксакалдын Бишкекке чейин жөө барсам деген тилеги да бар.

"Миграция эмгекчилдикке үйрөттү"

Нарындын Ак-Талаа районундагы Баетов айылынын тургуну Сарыгул Кубанычбек уулу алты жыл Орусияда миграцияда жүрүп келгенден кийин айылына чакан тигүү цехин ачты. Учурда ал айылдаштарына жумуш орундарын түзүп берип, өндүрүштөн чыккан калдыктарды кайра иштетип, гүл челектерди жасап жатат.

Чек арачылардын айылына жарык берилди

Ат-Башы районунун аймагындагы Кыргызстан менен Кытайдын чек ара тозотуна электр кубатын жеткире турган зым тартылды. Бул тозотко жана анын жанында жайгашкан чек арачылардын айылына 30 жылдан бери жарык туруктуу берилген эмес. Айылда 16 кожолук бар.

Түндүк-түштүк жолу: депкомиссия түзүлдү

Кыргызстан-Еврошаркет: 30 жылдык алака

Мажитов мекенине кайтарыла элек

Тажикстандын өтүнүчү менен Орусияда кармалган кыргыз жараны Эсенбай Мажитовду камактан бошотуп, Кыргызстанга алып келүү аракеттеринен азырынча майнап чыга элек.