"Азаттыктын" журналисти. Касым Тыныстанов атындагы Ысык-Көл мамлекеттик университетинин журналистика бөлүмүн аяктаган.
"Билимдүү Кыргызстан" жана KG Analitics соңку 4 айдан бери билим берүү тармагында жүргүзгөн талдоосун жыйынтыктады. Анда мектептердеги китептердин жетишсиз экени, бул көйгөй чечилбесе, келечек муунду окутуу кыйынга турары айтылат.
Камакта жаткан журналист, Temirov Live жана «Айт айт десе» долбоорунун жетекчиси Махабат Тажибек кызынын денесинде тактар бар экенин Акыйкатчы институту тастыктады. Тажибек кызы абак кызматкерлеринин орой мамилесине жана алардын кол көтөргөнүнө даттанган.
Кыргызстанда көзү ачык, бүбү-бакшыларды жарнамалоого тыюу салуу сунушталды.
Орусиянын президентин шайлоо боюнча Кыргызстанда төрт шайлоо тилкеси ачылды. Анын бири - Бишкектеги орус элчилигинин имаратында. Ал жерде элдин узун кезеги пайда болду.
Charge fast каржылык компаниясына алданганын айткан ондогон жарандар укук коргоо органдарына кайрылганы белгилүү болду.
Бишкектин Биринчи Май райондук сотунда жарым жылдан бери тергөө абагында отурган Жогорку Кеңештин депутаты Адахан Мадумаров суралып бүттү. Оппозициячыл саясатчыга “мамлекеттик чыккынчылык” жана “алдамчылык” боюнча айып тагылган. Мадумаров айыптоолорду негизсиз деп четке каккан.
Кыргызстанда мындан ары мектеп директорлугуна сынактар жаңы эреже менен өтө турганы белгилүү болду. Мындан эки жыл мурда беш жылдан ашык иштеген мектеп директорлору кызматтан кетип, ордуна cынак жарыяланышы керек деген талап коюлган.
Бишкекте коммерциялык багытта салынган деген имараттын тургундары бир суткадан бери суу, электр жарыгы жок, суук батирлерде үшүп отурганын айтууда.
Бишкектин Ленин райондук соту камактагы активист Афтандил Жоробековдун ишин кароону лингвистикалык эксперт келбегенине байланыштуу 12-мартка жылдырды.
Бишкекте "Хово" (Howo) үлгүсүндөгү оор жүк ташуучу машинелердин айдоочулары митинг өткөрдү. Алар ашыкча жүк үчүн айдоочуларга салынган айып пул өтө эле көп экенине нааразы. Өкмөт жүк ташууда эреже-мыйзамдарды бузгандарга жаза катаалдашканын эскерткен.
Бишкекте 11 журналист кармалып, камакта жатканына туура бир ай болду.
Жогорку Кеңеште "Кемпир-Абад иши" боюнча маалымат угуу сунушу берилди. Айыпталуучулар соттон президент баштаган бийликтеги аткаминерлерди күбө катары суроону талап кылышты. 14-февралда Бишкектин Биринчи Май райондук соту тыныгуудан кийин ишти кароону айыпталуучулардын катышуусуз уланткан.
Жогорку Кеңеш “"Коммерциялык эмес уюмдар жөнүндө" мыйзамга жана Кылмыш-жаза кодексине өзгөртүүлөрдү киргизүү жөнүндө” мыйзам долбоорун кайра парламенттин Конституциялык мыйзамдар, мамлекеттик түзүлүш, сот, укук маселелери боюнча комитетине кайтарды.
Абактагы активист Афтандил Жоробековдун иши тергелип бүтүп, Бишкектин Ленин райондук сотуна өткөнү белгилүү болду. Мамлекеттик тууну өзгөртүүгө каршы чыккан 40 жаштагы активисттин камалганына үч айга чукулдап калды. Ага “Массалык башаламандыктар” беренеси менен айып тагылган.
Караколдогу №2028 аскер бөлүгүнүн кызматкери социалдык тармак аркылуу өлкө жетекчилигине кайрылуу жолдоп, жоокерлер кодуланарын, азык-түлүктүн сапаты начар экенин айтып чыкты. Чек ара кызматы кайрылуу боюнча иликтөө жүргөнүн, зордук-зомбулуктун белгилери аныкталбады деген таризде жооп кайтарды.
Бишкекте жаңы үйлөрдү борбордук жылуулукка кошууга тыюу салынат. Министрлер кабинетинин төрагасы Акылбек Жапаров баш калаанын мэрине, Архитектура, курулуш жана турак жай-коммуналдык чарба мамлекеттик агенттигинин директоруна ушундай тапшырма берди.
Кыргызстандын Саламаттык сактоо министрлиги 2023-жылы 22 миң киши эмдөөдөн баш тартканын билдирди. Өткөн жылдан бери кызамык күч алып, эки жылда тогуз бала чарчап калды. Вакцинадан баш тарткандардын көбү мындай чечимге диний түшүнүктөн улам барганы айтылат. Дүйнөдө да оору жайылып баратат.
Кыргызстандын Сокулук райондук соту үрөй учурган үй-бүлөлүк зомбулук окуясы боюнча өкүм чыгарды. Ага ылайык, судья мурдагы аялынын кулак-мурдун кескен Азамат Эстебесовду узак мөөнөткө - 20 жылга соттоду. Айыпталуучу өкүм менен макул эместигин айтты. Ал эми жабырлануучунун жакындары аны өмүр бою соттоону талап кылып келген.
Дагы жүктөңүз
