7-апрелде жаракат алгандардан Улуттук госпиталда абалы оор болуп жаткан Белеков аттуу жигит каза болду. 1-майга карата ВИЧ/СПИД менен расмий катталгандардын эсеби Кыргызстанда 2929 адамга жетти. Кыргызстанда куш тумоосун алдын алуу боюнча адистердин даярдыгы кандай? Соңку убакта Кыргызстанда бөйрөк дартына кабылгандардын саны өсүүдө.
12-майда Бишкек шаарындагы Жал кичи районунда апрель окуяларында курман болгондордун элесине арналып бактар тигилди. Кыргыз Мамлекеттик Техникалык университетинин студенттеринин демилгеси менен уюштурулган бул иш-чаранын жүрүшүндө Тыналиева көчөсүнүн боюна 250 даанага жакын жаңы көчөт отургузулду.
6-майдан тарта интернет дүйнөсү өзгөрүүлөргө дуушар болду. Буга чейин маалымат желесиндеги сайттардын аты жалаң латын арибинде жазылып келген болсо, эми башка ариптерди да колдонууга мүмкүнчүлүк түзүлдү.
7-апрелдеги окуялардан бери бир айдан ашык убакыт өткөнүнө карабастан Өкмөт үйүнүн жанына келип, курман болгондорго арнап куран окуткандардын саны азая элек.
Бишкек шаарында Улуу Ата Мекендик согуштун урматына тургузулган алты эстелик- комплекси бар. Булардын катарына Жеңиш аянтындагы, Жаш гвардия бульварындагы жана Панфилов паркындагы эстеликтер кирет.
9-Майга жакын калганда кара жана саргылт түстөрдөн турган Георгий тасмаларын тагынган адамдарды, бул тасма байланган автоунааларды шаар көчөлөрүнөн көп көрүүгө болот.
Кыргызстан эгемендүүлүктү алгандан кийин кийим сатып алуунун өзгөчө борборлору, атап айтсак секонд хенддер пайда болду. Батыш өлкөлөрүндө мурда кийилген кийимдер Кыргызстанда күн өткөн сайын өз ордун бекемдеп келе жатат. Учурда секонд хэнд кийимдери кандай суроо талапка ээ? Жаштар эмне үчүн секонд хэнд кийимдерин сатып алышат?
7-апрелде орун алган кагылышууларда жаштардын орду чоң болгондугун окуянын дээрлик көп күбөлөрү айтышып, окко учкандардын жарымынан көбү жаштар болгондугун белгилешет. Ошол эле учурда кээ бир күбөлөр жаштардын арасында эмне жасап, эмне максат менен аянтта жүргөнүн билбегендери да болгонун билдиришет. Деги эле апрель окуяларында жаштардын орду кандай болгон?
Бишкек шаарындагы Республикалык кан борборуна түңкү тополоңдо жабыр тарткандарга кан берүүнү каалаган тургундар байма-бай келип жатышат. Аталган борбор 7-апрелде түнү бою иштеп, учурда да тынымсыз кан алынууда. Натыйжада 8-апрелде түшкү саат бирге чейин аталган борборго 280ден ашык адам келип кан тапшырды. Мындан сырткары мектеп окуучуларынан тартып кары-картаңдарга чейинки 200дөн ашык адам имарат сыртында өз кезектерин күтүп жатышат.
"Бишкек консенсус" экономикалык изилдөөлөр институтунун эсептөөсүнө караганда, Кыргызстанда жыл сайын той-топур, аш-тойлорго 40 миллиард сомдон ашык каражат сарпталат. Бул көрсөткүчтөрдүн көп пайызы үйлөнүү үлпөт тойлоруна туура келет.
Бүгүн Кыргызстанда жоогазын ыңкылабынын беш жылдыгы белгиленүүдө. Бул күнгө карата Бишкек шаарынын мэриясы тарабынан Эски аянтта спорттук оюндар, көргөзмөлөр уюштурулду. Күүгүм киргенде иш-чаралар кыргыз эстрада жылдыздарынын катышуусундагы майрамдык концерт менен уланды.
Акыркы убакта жаштар арасында кулакчын аркылуу музыка угуу адатка айланды. Дарыгерлердин айтымында, бул куралды күнүнө 3-4 сааттан, жогорку децибелде, узак убакыт бою колдонгон адам бара-бара укпай да калат. Кулакчын ден-соолукка терс таасирин тийгизип гана тим болбостон коомдо ар кандай жагымсыз окуяларды да пайда кылышы мүмкүн.
2004-жылдан баштап Азия Өнүктүрүү Банкынын колдоосу менен Кыргызстанда 302 жамааттык бала бакча ачылган. Учурда мындай бала бакчаларда өлкө боюнча 13 100 жеткинчек тарбияланып жатышат. Кадимки бакчалардан айырмаланып жамааттык бакчалар жергиликтүү башкаруу органдары жана ата-энелер тарабынан каржыланат.
12-мартта Бишкек-Ош жолунун 246- километринде түшкөн кар көчкүдөн улам жол үч күнгө жабылды. Өзгөчө кырдаалдар министрлиги тарабынан жолду тазалоо иштерине алты жол тазалоочу техника тартылып, жол толук тазалангыча шашылыш болгон жеңил автоунаалар тоо бооруна кошумча салынган жол аркылуу өткөрүлүп турду. Бирок жолдун ачылышын күтүп калган Чычкан постундагы жүргүнчүлөр, тазалоо иштери жай жүрүп жаткандыгын белгилешип нааразылыктарын билдиришти. Ошол эле учурда Өзгөчө кырдаалдар министрлигинин өкүлдөрү колдон келген аракеттер жасалып жасалып жаткандыгын белгилешти.
АКШнын киноакадемиясынын 82-жолку "Оскар" сыйлыгын тапшыруу аземи 7-мартта Лос-Анжелес шаарындагы "Кодак" театрында өттү. Дүйнөлүк кино жылдыздарды бир учурда, бир жерде топтогон бул азем “Буга чейин мындай "Оскарды" көргөн эмессиңер!” деген ураан алдында өтүп, кино жаатындагы 24 багыт боюнча "Оскар" сыйлыгы тапшырылды.
Азия Өнүктүрүү Банкынын каржылык колдоосу астында быйыл Бишкек-Торугарт жолунун эң татаал эки бөлүгүн оңдоо иштери башталмакчы. Аталган эл аралык уюм Кыргызстандын энергетика, транспорт жана соода тармагын өнүктүрүүгө БАРЕК программасынын алкагында жыл сайын 60 млн. доллар берип жатат.
