Парламенттик шайлоого идеологиялык багыты боюнча кескин айырмаланган партиялар ат салышууда. Ошол эле учурда багытын так аныктоого мүмкүн болбогон, же бири-бирине коендой окшош партиялар да депутаттык орун үчүн атаандашып жаткан кездери.
Парламенттик шайлоого үгүт өнөктүгү башталган үч күн ичинде айрым партия өкүлдөрү көчөлөрдөгү чаптама жарнактары алынып салынганына нааразычылыктарын билдиргенге да жетишти. Шаар бийлиги көрнөк-жарнактарды кайсы жерге илүүнүн тартиби бар экенин эскертүүдө.
Борбордук шайлоо комиссиясы парламенттик шайлоого катыша турган партиялардын тизмесин аныктады. Ага ылайык жалпы 29 партиянын талапкерлери депутаттык орун үчүн ат салыша турган болду. Анткен менен парламентке барам деп белсенип жаткан талапкерлердин деңгээли жана дарамети коомчулукта күмөн суроолорду жаратып, шек саноолорго себеп болууда.
Бишкекте тынчтык митингдерди ээн-эркин өткөрүүнү шарттаган мыйзам долбоору талкууга алынды. “Тынчтык чогулуулар жөнүндөгү” бул жаңы мыйзам долбооруна ылайык, Кыргызстандын аймагында ар бир адамга улутуна, коомдук абалына карабай каалаган учурда, каалаган жерде тынчтык митингдерин өткөрүүгө мүмкүнчүлүктөр берилет.
7-апрелдеги ок атууларга катыштыгы болгон деген айып менен камакка алынган атайын даярдыктагы «Альфа» аскердик тобунун командири Алмазбек Жолдошалиев жана аталган топтун үй камагындагы жети аскеринин соту парламенттик шайлоодон кийин болот.
БШКдан биринчилерден болуп эки партия - "Ата Журт" жана "Ата Мекен" каттоодон өттү. "Ата Журт" партиясынын тизмесиндеги талапкерлердин катарында кылмыш иши козголуп, издөөдө жүргөн адамдардын болгондугу БШКда бир катар талаш туудурду. Бирок БШКнын көпчүлүк мүчөлөрү сот чечими чыкмайынча эч ким күнөлүү деп эсептелбейт деген жүйөөгө таянып, тизмедеги адамдарды толук бекитип беришти.
1-сентябрда Кыргызстанда кеминде эле 90 миңден ашуун окуучу биринчи класстын босогосун атташты. Ошол эле учурда мектепке барбай калган балдар да жок эмес. Айрым ата-энелер болсо шаар жеринде балдарды мектепке киргизүү кымбатка туруп жатканын айтышууда.
Кыргызстандын эгемендик күнүнө арналган салтанат быйыл жылдагыдай "Ала-Тоо" аянтында эмес, өкмөт үйүнүн алдында өттү. Салтанат 7-апрелдеги ыңкылапта окко учкандарды эскерүү менен башталды. Президент Роза Отунбаева өлкө учурда оңой эмес кырдаалда экенин, алдыда чоң саясий өнөктүктөр турганын белгиледи.
Кыргызстандагы сегиз жүзгө жакын тигүү ишканаларында 150 миңдей тигүүчү иш менен камсыз болгон. Өлкөдө апрель жана июнь айларында болуп өткөн тополоңдордон улам чек аралар жабылып, бул тармакта өндүрүштүн темпи басаңдап, ишкерлер кыйынчылыкка кабылышты.
Бул багыттагы суроолорго Улуттук коопсуздук боюнча мамлекеттик комитет алдындагы чек ара кызматынын штаб башчысы Чолпонбек Турусбеков жооп берет.
Кыргызстанда кумар оюндарына азгырылып, тагдыры ойрон болгон адамдар көбөйүп жатат. Ошол себептүү "Сезим” борборунун адистери өлкөдө мындай кумар жайларга тыюу салууга чакырышууда. Бул демилгени кумар оюндардан тагдырлары бузулган адамдардын жакындары биринчи иретте колдоого алышууда. Бирок мамлекеттин кумарканаларды тыйып коюуга азыр мыйзамдык жолу жок.
Жакында гана АКШда окуп келген ырчы Омар “Азаттык плюс” уктуруусунун коногу болуп, чет өлкөдөн топтоп келген тажрыйбасы менен бөлүштү. Анын пикиринде Кыргызстандагы ырчылык өнөрдүн деңгээлин көтөрүү үчүн которулган ырларга жол бербөө керек.
Кыргызстандын түштүгүндө июнь айында болуп өткөн окуялардын себептерин иликтөө үчүн түзүлгөн Улуттук комиссия эки жумалык байкоолорунун болжолдуу жыйынтыктары менен тааныштырды. Анда 11- июнда башталган жаңжал өзүнөн өзү чыкпагандыгы, абдан мыкты даярдалганы айтылат.
Нарын облусунун мурдагы губернатору Тынчтыкбек Чекиевди 13-августта түн ичинде өзүнүн үйүнөн атып кетишти. ИИМ бул кылмыш каракчылык максатында болгон деген версияны айтып жатат. Аталган ишмер райондук жана областтык деңгээлдеги жетекчи болуп иштеп жүргөн адам катары элге белгилүү эле.
12-август - Жаштардын эл аралык күнү. Бул күнү Бириккен Улуттар уюмунун чечими менен жарыяланган жаштардын эл аралык жылы расмий түрдө старт алды. 2010-жылдын 12-августунан баштап, 2011-жылдын 11-августуна чейин созула турган бул жылда Кыргызстанда Жаштар иштери боюнча министрликке көп үмүттөр артылууда.
Бишкек жана Ош шаарларындагы жогорку окуу жайларда курулуш бөлүмдөрүндө билим алган айрым студенттер Кыргызстандын түштүгүнө өз ыктыяры менен барып, шаарды оңдоп-түзөө иштерине катышуу демилгелерин көтөрүшүүдө.
Акыркы жылдары өзгөчө жаштар жана өспүрүмдөр арасында насыбай колдонуу көрүнүшү кеңири жайылууда. Саламаттыкты сактоо министрлигинин берген маалыматтары боюнча учурда Кыргызстан элинин 8 пайыздан ашыгы насыбай чегишет. Насыбайдын зыяндары туурасында дарыгерлер, наркологдор коңгуроо кагып маселе көтөргөнүнө карабастан, базарларда, көчө бурчтарында ал кенен-кесири эле сатылып келүүдө.
Кыргызстанда акыркы айларда психикалык жактан жабырланган адамдардын саны өсүүдө. Адистер мунун себебин өлкөнүн аймагында апрель жана июнь айларында болгон кандуу окуялар менен байланыштырышууда. Муктаж болгондорго толук кандуу жардам көрсөтүү үчүн тишелүү адистердин жетишпегени жана жапа чеккен адамдардын психолог, психиатрларга кайрылуудан тартынып жатканы маселени тереңдетүүдө.
Жалал-Абад аймагындагы тополоңдорду уюштурду деген шек менен издөөдө жүргөн Санжар Бакиев кечээ Сузак районунда ички иштер кызматкерлеринин колуна түштү. Учурда ал Бишкекке алынып келинип сурак берип жатат. Санжар Бакиевдин кармалышы Кыргызстандын түштүгүндө болгон тополоңдорду уюштургандарды таап, башаламандыктарды токтотууда канчалык деңгээлде салмактуу болоору, кандай натыйжаларды берери көпчүлүктүн көңүл борборунда турган чак.
БШК 2 миллион 700 миңге жакын бүллетен жасалып, өлкө аймагында 2281, чет өлкөлөрдө 38 добуш берүүчү жай референдум өткөрүүгө даярдалды. Референдум жакындаган сайын добуш берүү жайларында коопсуздук сакталып, ал таза өтөбү деген күмөндүү суроолор да пайда болууда.
Дагы жүктөңүз
