"Азаттыктын" иликтөө журналисти. Ош мамлекеттик университетин бүтүргөн.
Жаштар арасындагы жумушсуздукту кыскартуу, аларды суроо-талап күчтүү болуп жаткан адистиктерге кайра даярдоо боюнча иш-чаралар колго алынат. Бул багытта эмгек, жумуштуулук жана миграция министрлиги жаңыдан түзүлгөн Жаштар министрлигинин көмөгү менен биргеликте “Сен өзүң чечесиң” деген аталыштагы долбоордун алкагында айыл жаштарынын арасында кеңеш берүү, колдоо жана багытоо иш-чаралары жүргүзүлөт.
Курамына дүйнөнүн 57 мусулман өлкөсү кирген Ислам Конференциясы уюму башалмандыктардан кыйроого учураган Ош жана Жалал-Абад шаарларын калыбына келтирүүгө ири каржылык жардамын көрсөтөт.
Кыргызстандын Каржы полициясы Ички иштер министрлигинин курамына киргизилиши мүмкүн. Бул багытта аталган кызматты реформалоо жана анын ишинин натыйжалуулугун аныктоо боюнча мамлекеттик комиссия түзүлдү.
Парламенттик шайлоо жакындаган сайын саясий партиялар негизги күчтөрүн топтоштуруу жана саясий майданга бирге аттануу маселеси менен алек. 29-июлда “Бүтүн Кыргызстан” менен “Эл арманы” партиялары кошулганын жарыялады.
Кыргызстандын түштүгүндөгү кандуу окуяларды жана андан кийинки абалды чагылдырууда жергиликтүү жана эл аралык маалымат каражаттары калыстык, акыйкаттык жана бейтараптуулук принциптерин кармана алышкан жок.
Июнь айындагы этностор аралык араздашууга алып келген коогалаңдын себептерин жана кесепеттерин иликтөө боюнча түзүлгөн улуттук комиссия мүчөлөрү жеринен иликтөө иштерин жүргүзүү үчүн 28-июлда Ош жана Жалал-Абад шаарларына жөнөп кетишет. 36 адамдан турган комиссия курамы бир канча багыттар боюнча иш алып барып, ушул жылдын аягына чейин жалпыланган корутундунун негизинде окуяга саясий баа берилмекчи.
Жогорку Кеңештин имараттынын алдында Кыргызстандын түштүк аймагына Европадагы Коопсуздук жана Кызматташтык Уюмунун эл аралык полиция кеңешчилерин киргизүүгө каршы коомдук уюмдардын жана жаштар бирикмелеринин нааразылык акциясы өттү.
Дин иштери боюнча мамлекеттик комиссиянын төрагасы Болот Абдрахманов Ош жана Жалал-Абаддагы кандуу окуяларга жергиликтүү диний лидерлердин да тиешеси болушу мүмкүн деп эсептейт.
БШК төрагасы шайлоодо чыр пайда кылчу маселелердин башын азыр ачып албаса күздөгү парламенттик шайлоо аягына чыкпай калышы мүмкүн деп эсептейт.
Кыргызстанда жаңыдан түзүлгөн өткөөл мезгилдин өкмөтү менен бирдей эле мурдагы убактылуу өкмөттүн декреттерди кабыл алуу укугу сакталып калууда. Муну укуктук чалкештик жана кош бийлик катары мүнөздөгөн “Жарандык коом жана демократия үчүн” бирикмеси түзүлгөн укуктук жагдайды тактап берүү үчүн сотко кайрыла тургандыгын жарыялады.
Кыргызстандын түштүк аймагына ЕККУнун кеңеш берүүчү эл аралык полиция тобун киргизүү маселеси бир айдын ичинде чечилет.
Ош, Жалал-Абаддагы кандуу коогалаңдын кесепеттерин жоюу боюнча Еврошаркеттин, ЕККУнун сунуш демилгелери колдоого алынууда. Ошол эле учурда талдоочулар чыр-чатактан кийинки оор кырдаалды жөнгө салууда Кыргызстан туруктуу мүчө болуп келген Жамааттык Коопсуздук Келишими жана ЕврАзЭШ сыяктуу уюмдар кайдыгерлигин жана алсыздыгын көрсөтүштү деп сынга алышты.
Германиянын тышкы иштер министри Гвидо Вестервелле жана Франциянын тышкы иштер министри Бернар Кушнердин Кыргызстандагы иш сапары жыйынтыкталды. Кандуу калаба болгон аймактардагы абал менен таанышып кайткан министрлер Бишкекте өлкө президенти Роза Отунбаева менен жолугушту.
Кыргызстанда убактылуу башпаанектеп жүргөн казакстандык жаран Самал Кесметова дайынсыз жоголду. Бул тууралуу билдирген анын күйөөсү Диянат Ердешев буга чейин Казакстандын улуттук коопсуздук кызматы тарабынан диний көз караштарынан улам куугунтуктоого кабылып, 2009-жылы Кыргызстанга баш паанек издеп келишкендигин белгиледи.
Эл аралык Human Rights Watch эл аралык уюму Кыргызстандын түштүгүндө күч органдары көпчүлүк өзбек улутундагы адамдарды камап, кыйноо аркылуу көрсөтмө алып жатышканын, бул улуттар аралык кагылышуунун кайталанышына алып келиши мүмкүндүгүн эскертти. Анткен менен ички иштер жана коопсуздук органдарынын жетекчилери муну чындыкка туура келбеген билдирүү катары баалап жатышат
УТРКны коомдук телеканалга айлантуу боюнча Убактылуу өкмөт декрети аткарылышы кечеңдеп жатканына тынчсызданган байкоочулар кеңешине мүчөлүккө талапкерлер маселени кароо атайылап кечеңдетилүүдө деген пикирде.
“Ата Мекен” партиясынын төрагасы Өмүрбек Текебаев мурдагы бийликтин күчтөрү жаңыдан түзүлгөн төрт-беш партиянын алдына биригишкендигин белгилеп, реваншисттик күчтөр парламенттик шайлоодо кандай гана жол менен болбосун, чыр-чатак чыгарып болсо дагы бийликке келүүнү көздөп жатышат
Кара-Балтадагы уюшкан кылмыштуу топтун анабашы катары ИИМдин каттоосунда турган Алмаз Бокушев анын жактоочуларынын кысымы астында баш коргоо чарасы өзгөртүлүп, тергөө абагынан бошотулду. Адам уурдоо, акча талап кылуу жана карактоо сыяктуу жасалган оор кылмыштарга тиешеси болушу мүмкүн деп шектелип жаткан Алмаз Бокушев өзүнүн үйүнөн 11-июндун таңында кармалган болчу. Бир катар талдоочулар милиция уюшкан кылмыштуулук менен күрөшүүдө алар менен эсептешүүгө барып, алсыздыгын көрcөтүп жатат деп айыпташууда.
Ушул жуманын ичинде Убактылуу Өкмөт толугу менен кызматтынан чегинип, техникалык деген аталыштагы жаңы өкмөттүн курамы дайындалышы күтүлүүдө. Бирок партиялык тизме менен парламенттик шайлоого барууну ниет кылып, кызматтынан чегинген убактылуу өкмөт мүчөлөрү мыйзам чыгаруу ассамблеясы аркылуу Өткөөл мезгилдин Президентинин чечимдерин кабыл алууда добуш берүү укуктарын сактап калышат. Ал эми бир катар министрлер убакыт чукул экендигине карабастан парламенттик шайлоого баруу же кызматта калуу маселесин али чечише элек.
Жакында Кыргызстанда парламенттик шайлоонун күнү жарыяланат. Бирок шайлоо өнөктүгүнүн башталышына чукул убакыт калгандыгына карабастан саясий партиялардын биригүү жараяны жай жүрүүдө. Талдоочулар мындай абалда көпчүлүк саясий партиялардын ар бир аймактан нөл беш пайыздык тосмодон өтүү мүмкүнчүлүгү төмөн бойдон калат деп эскертишет.
Дагы жүктөңүз
