“Азаттыктын” Бишкектеги кабарчысы. 2011-жылы Мамлекеттик Ардак грамота менен сыйланган. Кыргыз улуттук университетинин филология факультетин аяктаган.
ИИМдеги соңку маалыматтар боюнча 13-мартта кырсыктаган “Лексус” автомашинасында күйгөндөрдүн бири М. Садыркулов болушу мүмкүн. Бул тууралуу ички иштер министри Молдомуса Конгантиев бүгүн билдирүү жасады. Анын айтуусунда, автокырсыкты иликтөө иштеринин алгачкы натыйжасы өрттөнүп кеткен “Лексус” автомашинасынын ичинде М. Садыркулов, С. Слепченко жана айдоочу болгондугунан кабар берүүдө.
Былтыр кант кызылчасынын он беш миң тоннадан ашуун түшүмү жарымы малга тоют болуп, жарымы кар алдында калган. Өкмөт болсо быйылкы жылы он миң гектар жерге кант кызылчасы айдалат, деп ишендирүүдө.
“Акыйкат үчүн” кыймылынын лидери, БЭКтин Улуттук кеңешинин мүчөсү Аликбек Жекшенкуловду бүгүн ИИМ тергөөчүлөрү камакка алышты. ИИМдин маалымат кызматы аталган саясатчынын тапанчасынан 2007-жылы Таласта түрк жараны өлтүрүлгөнү аныкталганы жөнүндө маалымат таратты. БЭК бул ишти саясий куугунтуктун жеткен чеги деп айыптоодо.
Европадагы Коопсуздук жана Кызматташтык Уюмунун сөз эркиндиги маселелери боюнча өкүлү Миклош Харашти кыргыз бийликтерине кайрылуу жолдоп, “Репортер-Бишкек” басылмасынын серепчиси Сыргак Абдылдаевге болгон кол салууну токтоосуз жана кылдат иликтөөгө, журналисттерге зордук-зомбулук жасоону токтотууга чакырды.
Президент Курманбек Бакиев 4-мартта Би-Би-Си Дүйнөлүк кызматына берген маегинде “Манас” аба базасын сактап калуу үчүн АКШ менен сүйлөшүүлөрдү жүргүзүүгө эшик ачык экенин билдирди. Бирок бул жолу АКШ башка шарттар, башка келишим менен келиши керек.
Дүйнөлүк экономикалык кризистин капшабы менен күн өткөн сайын өсүп жаткан баалардын таасири кыргызстандыктарга да терс таасирин тийгизүүдө. "Адам жана базар" түрмөгүнүн бул жолку чыгарылышында мына ушул маселеленин тегерегинде сөз болот.
Оппозиция жалпы өлкө боюнча жазгы акцияларды уюштурууну март айынын аягына белгиледи. Ал эми бийликчил партия мүчөлөрү элди азыр митинг-пикеттерден көрө жазгы талаа иштери көбүрөөк кызыктырарын айтышууда.
Эгер АКШ өкмөтү аскердик аба базаны калтыруу үчүн Кыргызстанга көбүрөөк акча-төлөм сунуштаса, анда кыргыз бийлиги буга макул болот. Ал эми “Манас” аба базасынын чыгарылып кетиши Борбор Азиянын коопсуздугу үчүн жоготуу деле болбойт, анткени бул аймакты бүлүндүрө турган негизги коркунуч –экономикалык чабалдык, коррупциянын өнүгүшү сыяктуу ички факторлор, деп эсептейт Эл аралык Кризис тобунун Борбор Азиядагы өкүлү Пол Куинн-Жадж.
Айрым саясатчылардын айтуусунда “Манас” аба базасын Орусия АКШга өзүнүн теңаталыгын көрсөтүү үчүн негизги курал катары колдонуусу ыктымал. Антитеррордук базанын Кыргызстанда жайгашып турушуна Орусиянын өзү да кызыкдар.
БЭК президент К. Бакиев эл ишеничинен чыкты деп белгилеп, жазында массалык нааразылык чаралары башталарын айтууда. Айрым бийликчил партия өкүлдөрү болсо оппозиция бийликти алууга аракеттенип жатат деп эсептешет.
АКШ базасын чыгарууга ЖКда Социал-демократтар фракциясы гана каршылык билдирди. Аба базанын тегерегиндеги “Азаттыктын” суроолоруна фракция башчысы Бакыт Бешимов жооп берди.
Парламенттеги “Ак жол” жана Коммунисттер фракциялары “Манас” аба базасын өлкө аймагынан чыгарууга макулдугун билдиришти. Социал-демократтар фракциясы болсо ага көпчүлүк добуш менен каршы чыкты.
Оппозиция жазгы нааразылык акцияларын “Бакиевсиз шайлоо”, “Бийлик шайлоону бурмалайт” деген ураандын алдында өткөрүүнү көздөөдө. Оппозициялык лидерлер келерки шайлоо деле кайрадан одоно мыйзам бузуулар, административдик жана криминалдык кысым көрсөтүү менен коштолот деп белгилеп жатышат.
Жаңы салык кодексинин айланасында ишкерлердин нааразылыгы басаңдай элек. Ишкерлер союзунун президенти Чыныбай Турсунбеков жаңы салык кодексинен келип чыккан проблемалар жөнүндө “Азаттыкта” маек курду.
Жаныбарлардын саламаттыгын коргоочу эл аралык уюмдун талабы боюнча Кыргызстандагы ветеринардык-биологиялык дары-дармектерди чыгарган бирден бир ишкана жабыла турган болуп жатат. Бул маселенин чоо жайын “Азаттыкта” Кыргызстандын мамлекеттик ветеринария департаментинин жетекчиси Калысбек Жумаканов айтып берди.
Саясат талдоочу Кубан Абдымендин пикиринде, коомдук-саясий маселелерди чогуу отуруп, сүйлөшүү жолу менен чечүү тууралуу бийликтин оппозицияга жасаган сунушу колдоого аларлык. Бирок бийликтин сөзү менен иши айкалышпаганы өкүнтпөй койбойт.
Өлкө башчысы кечээ экинчи мөөнөт үчүн шайлоого катышаарын жар салып, муну экономикада жагдай жакшырып баратканына негиздеди. "Азаттыктын" түз ободогу талкуусунда өлкөдөгү азыркы абал, президенттик шайлоонун мөөнөтүү тууралуу сөз болду.
Суу-энергетика маселелери боюнча “Азаттыктын” түз ободогу суроолоруна ЖК депутаты, Коммунисттер фракциясынын мүчөсү Анаш Сейитказиев жооп берди.
Өлкөдөгү саясий-экономикалык абал, мамлекеттик жогорку кызматтардагы кадр алмашуу маселесинин тегерегинди “Азаттыктын” түз ободогу суроолоруна коомдук ишмер Кадыр Кошалиев жооп берди.
Эл аралык “Журналисттерди коргоо” комитети Кыргызстандагы сөз эркиндигинин абалы боюнча маалыматын жарыялады. Анда акыркы үч жыл ичинде өлкөдө сөз эркиндиги катуу кысымга туш болуп жатканы тууралуу айтылган. Мына ушул жагдайда “Журналисттер” коомдук уюмунун төрагасы Марат Токоев таңкы “Азаттыкка” маек куруп берди.
Дагы жүктөңүз
