“Азаттыктын” Бишкектеги кабарчысы. 2011-жылы Мамлекеттик Ардак грамота менен сыйланган. Кыргыз улуттук университетинин филология факультетин аяктаган.
Ынтымак курултайынан оң натыйжа чыкпайт деп эсептейт саясатчы Мирослав Ниязов. Анын айтымында, бул курултайды элди сооротобуз деген жол менен өткөрүп атышат, бирок эми элди сооротой албай калды. Бул курултайдан эч кандай натыйжа чыкпайт.
7-февралда Украинада президенттик шайлоонун экинчи айлампасы өттү. Алдын-ала жыйынтыктар боюнча “Региондор” партиясынын лидери Виктор Янукович алдыда баратат. “Азаттык” шайлоого Кыргызстандан байкоочу болуп барган Жанарбек Акаев менен байланышты.
Орусиянын миграция кызматынын маалыматы боюнча өткөн жылы 41 миң кыргызстандык орус жарандыгын алган. Адистер бул Кыргызстандагы чакан бир шаардын эли менен барабар экенин айтып, жыл сайын бирден шаар жок болуп жатканына тынчсызданууларын билдирип жатышат.
Америкалык сүрөтчү Сергей Мельникоффдун Кыргызстанда өтө турган көргөзмөсүнөн чыккан жаңжалдуу окуя “Азаттыктын” Бишкектеги студиясында талкууга алынды.
Саясий камактагылардын боштондугун талап кылган ачкачылык акциясы башталганына үч жуманын жүзү болду. Бул аралыкта расмий бийлик буга карата эч кандай мамилесин билдирген жок. И. Исаковдун Алайдагы тарапкерлери генералдын акталышын талап кылып, митинг-пикет сыяктуу нааразылык иш-чараларын баштап атышат.
Мурдагы тышкы иштер министри, оппозициялык “Акыйкат үчүн” кыймылынын лидери А. Жекшенкулов өзүнө коюлуп жаткан айыптарды мойнуна алган жок. Бул тууралуу ал бүгүн Биринчи Май райсотунда көрсөтмө берип жатып айтты.
Быйыл пахта менен тамекинин баасы көтөрүлөөрүн ишендирген Айыл чарба министрлиги дыйкандарды жазында буудайдын ордуна техникалык өсүмдүктөрдү айдоону сунуш кылууда. Дыйкандар болсо өткөн жылкы бааларды мисал келтирип, жайды жайлай кылган мээнет акталбай эле күйүп кетип жаткандыгын, мамлекет тарабынан дыйканчылыкты көтөрүүгө эч кандай жардам берилбей атканын айтышууда.
Сопу-Коргондогу Исмаил Исаковду коргоо комитети саясий ачкачылык менен гана чектелбей, 3-февралдан тарта мөөнөтсүз митинг-пикеттерге чыгышаарын жарыя кылышты. Бишкекте жана Алайдын Сопу-Коргон айылында болсо ачкачылык акциялары уланууда.
Дүйнө өлкөлөрү Ооганстандагы саясий кырдаалды турукташтыруу үчүн 140 млн. доллар бөлө турган болду. Буга байланыштуу Транзиттик борбор орун алган Кыргызстандын ишкерлери ооган элин азык-түлүк менен камсыз кылууга чоң салым кошо алат, деген пикирлер айтыла баштады.
Орусияда кыргыз президентинин уулу Максим Бакиевге тиешелүү ишканалар текшерилип жатканын КМШ институтунун Кыргызстандагы бөлүмүнүн жетекчиси Александр Князев Бишкектеги маалымат жыйынында билдирди. Кыргыз президентинин катчылыгы болсо саясат таануучунун бул маалыматын жокко чыгарууда.
Мындан жыйырма жыл мурун 25-январда Кыргызстанда коммунисттик режимге каршы чыккан жаштар Ала-Тоо аянтында алгачкы демонстрациясын өткөргөн. Анда жаштарды турак-жай жана жумуш менен камсыз кылуу талабынан тышкары алгачкы саясий талап – союздун курамынан чыгып, өз алдынча мамлекет болуу талабы коюлган.
Президенттик кеңешме мамлекет башчы өз ыйгарым укуктарын аткара албай калган учурда анын милдетин аткаруучу адамды аныктай албайт. Конституциялык Соттун чыгарган корутундусунда президенттик кеңешме –кеңешүүчү орган болгондуктан президенттин милдетин аткаруучуну аныктоо укугуна ээ эмес экендиги айтылат.
Сегиз жылга кесилип, абакта жаткан генерал Исмаил Исаков кыргыз элине, саясий үзөңгүлөштөрүнө жана тарапкерлерине кайрылуу жасап, ачкачылык акциясын токтотууну өтүндү. Бул арада анын боштондугун талап кылган ачкачылык акциясына дагы эки киши кошулуп, нааразылык чара токтотулбасын билдиришүүдө.
Саясий камактагыларды бошотуу талабы менен ачкачылык акциясына чыккандарга бүгүн “Ата мекен” партиясынын аппарат башчысы Алманбет Шыкмаматов кошулду. Ал саясий ачкачылыкка партиянын атынан Кыргызстандын демократиялык келечегин сактап калуу максатында барып жаткандыгын “Азаттыктын” кабарчысына берген маегинде билдирди.
Саясий камактагыларды бошотуу талабы менен кечээ башталган ачкачылык акциясы уланууда. Бүгүн ачкачылык жарыялагандардын катарын дагы эки киши толуктады. Алайда болсо түштөн кийин Ош–Эркеч-Там жолу буулуп, күч менен кайра ачылды.
Бириккен элдик кыймылдын төрагасы А. Атамбаев бийлик элге кас болуп, өлкөнү жарандык согушка алпаратат деп айыптоодо. Ал ошону менен катар кыргыз бийлигинин чектен чыккан мыйзамсыз аракеттерине көз жумду мамиле кылып, кош жүздүү саясат жүргүзүүдө деп АКШнын позициясын да сынга алды.
Бүгүн БЭКтин курамындагы “Саясий камактагыларды коргоо” комитетинин демилгеси менен мөөнөтсүз ачкачылык акциясы башталды. Ачкачылык жарыялагандар бийликтен репрессияны токтотууну, саясий куугунтуктун негизинде камалып жаткандарды бошотууну талап кылышууда. Бул иш-чара Алайда да башталуунун алдында.
Жогорку Кеңештеги Коммунисттер фракциясы 9-январда электр кубатына тарифтердин жогорулашы жөнүндө маселени талкууга алып көчмө жыйын өткөргөнү жатат. Коммунисттер фракциясынын мүчөсү Бүмайрам Мамасейитова “Азаттыктагы” маегинде аталган жыйында жоюлуп калган жеңилдиктер жөнүндө да сөз болорун билдирди.
Өткөн жылы 8-январда маркум Медет Садыркулов президенттик администрациянын башчысы кызматынан бошотулган эле . Анын эки айдан кийинки өлүмү расмий түрдө жол кырсыгынан болду деген менен көпчүлүк бул табышмактуу өлүм Садыркуловдун саясий ишмердигине байланыштуу болду деген божомолду айтып келатышат. Бул темада жаш саясат талдоочу Мирсулжан Намазалиев өзүнүн ой-пикирин бөлүшөт.
Эл аралык кризис тобу мигранттарды тосуп алууга камылгалар көрүлбөсө Борбор Азия мамлекеттеринде туруксуз кырдаал болушун эскерттти. Эл аралык эмгек уюмунун Борбор Азиядагы программасынын координатору Кылычбек Исаны “Азаттык" ушул темада кепке тартты.
Дагы жүктөңүз
