"Азаттыктын" штаттан сырткаркы журналисти. Эл аралык AIB сыйлыгынын жеңүүчүсү (2011).
Грузияда кечээ өткөн парламенттик шайлоодо --> http://rfe.azattyk.org/rubrics/politics/ky/2008/05/64B95DA6-860C-4A1A-B1C5-08250B979504.asp президент Михаил Саакашвили өзүнүн Бириккен Улуттук кыймылы конституциялык көпчүлүккө ээ болду деп ырастоодо. Бирок Бириккен оппозиция блогу шайлоонун жыйынтыгын тааныбай тургандыгын айтып чыкты.
Азербайжандын президенти Илхам Алиев --> http://rfe.azattyk.org/rubrics/politics/ky/2008/05/2210AAA6-82F1-4478-9C0D-989419E0D9A7.asp ушул аптада Түркмөнстандын президенти Гурбангулы Бердымухамедов менен сүйлөшүү жүргүзүп, "ортодогу бардык маселелер чечилди" деп жарыялады. Ошондо, Бакы калаасындагы сүйлөшүүдө кандай макулдашуулар жетишилди?
Бул узак таймаштын аягы дале көрүнбөйт. АКШ президенттигине --> http://rfe.azattyk.org/rubrics/politics/ky/2008/05/87B72996-7C9E-435F-B784-8D216780B999.asp Демократиялык партиядан талапкер болуп көрсөтүлүү жарышында Барак Обама менен Хиллари Клинтон экөө тең дагы жаңы чектерди алышты. Обама "марага жеткени калдым" деп айта баштады, бирок Клинтон мелдештен баш тартпай тургандыгын билдирүүдө.
Британияда жашаган пакистандыктардын --> http://rfe.azattyk.org/rubrics/security/ky/2008/03/07727C81-3C1F-4C4E-8F3E-9B661BD70F3D.asp арасында өлүмгө алып келүүчү оорулардын көбөйүшү жакын туугандардан келин алуунун коркунучуна көңүл бурдурууда. Ошол эле мезгилде айрым окумуштуулар мындай коркунучка илимий баа бериш керектигин айтышууда.
Мянманын --> http://rfe.azattyk.org/rubrics/society/ky/2008/05/8998BEEC-2960-4CC8-97D9-17DC4BDEF3F0.asp өкмөтү бүгүнгө чейин тышкы дүйнөнү жана өз элин "үч жума мурдагы каргашалуу жаратылыш кырсыгынын кесепеттерин өзүбүз жоебуз" деп ишендиргенге аракеттенип келди. Бирок өлгөндөр менен дайынсыз жоголгондордун саны 130 миңден ашкандан кийин гана өлкөнү башкарган генералдар акыры 3 күндүк аза күтүү жарыялап, эл аралык чукул жардамга эшигин бир аз кененирээк ача баштады. Бирок эл аралык гумжардам агенттиктеринин айтымында, Рангун өкмөтүнүн бул кадамдары жапырт жапа тарткандардын азап-тозогун жеңилдете албайт.
AKШнын президенти Жорж Буш бүгүн Жакынкы Чыгыш --> http://rfe.azattyk.org/rubrics/politics/ky/2008/05/9204C4C8-0EE2-469D-BBEA-D13D325CD468.asp өлкөлөрүнө кайрылуу жасайт деп күтүлүүдө. Аймакты кыдырып жүргөн Буш бүгүн Египетеги Дүйнөлүк Экономикалык форумда чыгып сүйлөйт. Анын алдын ала таркатылган сөзүндө Жакынкы Чыгыш лидерлерине демократияны жана атуулдук эркиндиктерди күч алдырууга чакырык камтылган. "Байманалуу бейкут турмуштун бир гана жолу – саясий жана экономикалык эркиндиктерди кеңейтүү болуп саналат" деп айтылат текстте.
Польшадан кийин эми Литва --> http://rfe.azattyk.org/rubrics/politics/ky/2008/05/C7421178-DD4E-45DA-8F23-11D49B741712.asp Евробиримдиктин Орусия менен келишим түзүүгө каршылык көрсөтүүдөн баш тарта тургандыгы айгине болууда. Бирок маселе Евробиримдиктин ушул айдын аягындагы жыйынында такталмакчы. Литванын өткөн аптада мындай сүйлөшүүгө вето коерун жарыялашы Евробиримдиктин жаңы мүчөлөрү өз кызыкчылыктарын биримдиктин стратегиялык кызыкчылыктарынан өйдө коюп жаткандыгын айгинеледи.
Саударабстан Иранды --> http://rfe.azattyk.org/rubrics/politics/ky/2008/05/445F74DE-57F7-45ED-AB34-71C7DCC6195C.asp Ливанда төңкөрүш уюштурууну көздөйт деп айыптады. Тегеран бул кинени караманча четке качууда. Ливандагы соңку кандуу көчө уруштарынан кийин орун алган бул кайым айтыш ал-Рийядда жана Жакынкы Чыгыштагы дагы башка борбор калааларда Ирандын таасиринин өсүп жатышына тынчсыздануунун айгинеси.
"Жаман туугандан жакшы коңшу" артык демекчи, ушул күндөрү мамлекет болуп түзүлүшүнүн 60 жылдыгын салтанатуу майрамдап жаткан Израилдин --> http://rfe.azattyk.org/rubrics/politics/ky/2008/05/13AADD22-53E5-4944-A0DE-CC637FF702BA.asp коңшудан жолу катуу экени маалым. Бул өлкөнү айрыкча жектеген Иран "Израилди жер бетинен жок кылууга" чакырган. Эл аралык дипломатияда өтө осол кабылданган бул чакырыгы үчүн Ирандын президенти Махмуд Ахмединежадды Австралия сотко бере турган болууда. Анын аралыгында Ахмединежад "Израил жер менен жексен болуунун алдында турат, анын 60 жылдыгын майрамдоо болгону бул өлкөнү сактап калуунун амалы гана" деп чыкты.
Литва Европа Биримдиги менен Орусиянын ортосундагы кызматташттык тууралуу сүйлөшүү баштоого каршы чыгып келген эле. Мына эми Европа Биримдигинин --> http://rfe.azattyk.org/rubrics/economics/ky/2008/05/E1DCF636-69F8-4561-AA11-24ECBF91C72E.asp бир нече тышкы иштер министрлери Литва менен макулдашуу жетишилгенин, Вильнюс өкмөтү бул сүйлөшүүнү баштоого макул болгонун жарыялашты. Литванын, Польшанын, Швециянын жана Словениянын министрлери жарыялаган билдирүүдө тараптар Литванын тынчсыздануусун көңүлгө алуунун жол-жобосун аныкташкандыгы айтылат. Ошентип, Литва эмнеге жетише алды?
Жорж Буш эртең (14-майда) Жакынкы Чыгышка аттанууда. Бул анын АКШнын президенти катары Израилге акыркы сапары болуп калмакчы. Буш Израилдин --> http://rfe.azattyk.org/rubrics/politics/ky/2008/05/58988E70-6F5F-4138-B734-C5379A332523.asp түзүлгөндүгүнүн 60 жылдык мааракесине катышат. Бирок бул сапарда америкалык президентти Жакынкы Чыгыштын көптөгөн чийелешкен көйгөйлөрү да күтүп атат.
Дүйнөлүк Банктын эсебинде, Кыргызстанда --> http://rfe.azattyk.org/rubrics/economics/ky/2008/03/F6FD17E7-AF77-45B1-8254-9B52E6A6F026.asp ишкердүүлүккө жагымдуу шарт бар. Мисалы жаңы иш баштоо Казакстанга жетпеген менен, коңшулаш башка өлкөлөрдөн жеңилирээк. Бирок ишкердүүлүккө инвестиция табуу өтө кымбат. Ошого карабастан, банктар көбөйүп, кредит алуу барган сайын жеңилдеп баратат. Бул тууралуу жакында “Кричн Сайенс Монитор” гезитинде жарык көргөн макалада айтылат.
Сеператисттик абхаз өкмөтүнүн өкүлдөрү Грузиянын --> http://rfe.azattyk.org/rubrics/security/ky/2008/04/D7BBB6A8-FFAB-4ED2-A370-4AC419214785.asp эки учак-автоматын атып түшүрдүк деп ырастаган эле. Тбилиси Абхазияда аталган убакта учагыбыз болгон эмес деп айтууда. Грузия менен Москва колдогон Абхазиянын ортосундагы ушул окуяга байланыштуу Кошмо Штаттары менен Европа Биримдиги тараптарды сабырдуулукка чакырышты.
Азия өнүгүү банкы тамак-аштын кымбатташынан запкы тарткан өлкөлөргө жардам берүү үчүн чукул жардам кору түзүлгөнүн жарыялады. Испаниянын баш калаасында өтүп жаткан жылдык жыйынында Азия өнүгүү банкы ошондой эле азык-түлүктүн --> http://rfe.azattyk.org/rubrics/economics/ky/2008/04/AF7B9416-1A12-447E-BA5A-6E15CF2B5DFD.asp кымбаттап жатышы Азияда экономикалык өсүшкө кедерги болушу мүмкүн экендигин эскертти.
АКШнын коргонуу катчысы Роберт Гейтс "Кошмо Штаттары Ооганстандын --> http://rfe.azattyk.org/rubrics/security/ky/2008/04/3093103F-D7FA-49AB-995F-322622AF8E91.asp түштүгүндөгү НАТОнун командачылыгын өткөрүп алышы мүмкүн" деп билдирди. Бул аймакта АКШнын союздаштары кошумча күч кошуудан тайсалдап келатышканы маалым. Анын аралыгында, АКШнын маалымат каражаттары Кошмо Штаттары Ооганстанга келерки жылы дагы кошумча аскер жиберет экен деп жазып чыгышты.
AКШнын Мамлекеттик департаменти дүйнө жүзүндөгү терроризм --> http://rfe.azattyk.org/rubrics/security/ky/2008/03/CDBF863C-EABB-43DD-91E5-AEA5B82C8869.asp боюнча жылдык отчетун жарыялады. Анда Ирандын 2007-жылда терроризмди колдогон негизги мамлекет болгон деп табылганы таң калыштуу эмес. “Азаттыктын” Вашингтондогу кабарчысы Эндрю Тули бул отчеттун авторлорунун бири, Мамдепартаменттин контртерроризм бөлүмүнүн координатору Делл Дейли (Dell Dailey) менен баарлашкан.
Азербайжан Иран менен чек арасында Орусиядан Иранга бараткан өзөктүк --> http://rfe.azattyk.org/rubrics/security/ky/2008/03/72FAAB01-1A4B-49AD-AFED-B90DDA7571CB.asp жабдыктарды дале кармап жатат. Азербайжан бийликтери бул жүктү кое берүүдөн мурда, анын бардык документтерин көрсөтүүнү талап кылууда. Орусия Ирандын Бушер ядролук ишканасына бараткан жабдыктардын бардык документтери толук жана туура толтурулганын айтып келет. Анда жүк эмнеден кармалып жатат?
Тажикстанда --> http://rfe.azattyk.org/rubrics/politics/ky/2008/04/E8C0805E-4AED-4C64-B749-AF69B472E042.asp Кыргызстандагыдай парламентте бир партия – бийлик партиясы үстөмдүк кылат. Айрымдардын шектенгени, парламент президенттин сөзүнөн чыга албагандыктан, олуттуу маселелерди көтөрө албайт. Натыйжада депутаттар ачарчылык коркунучун эмес, жеңил машиналардын терезесин караңгылатып алган туурабы, же жокпу деген сыяктуу жеңил-желпи маселелер менен алек. Ал эми эл сууктан кайыгып, ачка калган өткөн кышта парламент "сыйкырчы жезкемпирлерге тыюу салууну" талкуулаган. Мындай парламентке элдин мамилеси да арыдан бери экендиги таң калтырбайт.
Америкалык өкмөттүк эмес Фридом хауз уюму дүйнөгү сөз эркиндигинин --> http://rfe.azattyk.org/rubrics/free_speech/ky/2008/04/D344792D-8A97-4B58-B9D2-5F4F0223A96D.ASP абалы боюнча кезектеги жылдык отчетун жарыялады. Ага ылайык, Кыргызстан "эркин болбогон" өлкө деп таанылып, дүйнөдө 70-орунда турат. Ал эми Борбор Азиядагы калган бардык жумурияттар Кыргызстандан да артта.
Орусияда Дмитрий Медведев --> http://rfe.azattyk.org/rubrics/politics/ky/2008/03/3A130B05-6363-49CB-ABA5-6B6ACC33E178.asp президент болуп шайлангандын эртеси атактуу рок жылдызы Андрей Макаревич жана анын "Машина времени" деген тобу Кызыл аянтта Кремлди колдогон жаш активисттердин сүрмө тобуна концерт берген эле. Мындан эки күндөн кийин ДДТ рок тобунун жетекчиси Юрий Шевчук Санкт-Петербургда шайлоо жыйынтыгына нааразы болгондордун, "Макул эместердин" жүрүшүнө кошулду. Ошентип Орусияда рок музыкасы кайрадан саясий кырдаалдын лакмус кагазына айланууда.
Дагы жүктөңүз
