"Азаттык" радиосунун "Мигрант медиа" долбоорунун журналисти
Кыргызстан менен Тажикстандын чек арасы такталган соң эки өлкө ортосундагы жер алмашуу айрым тургундардын тагдырына да таасирин тийгизди. Баткендин Лейлек районунун тургуну Ыхыбал Абдувалиева жер алмашуунун жыйынтыгында үй-жайсыз калганын айтууда.
Алайлык Кадырбек Жээнбаев үч айылдашы анын апасын зордуктап, бирок жазасыз калганын айтып, тиешелүү органдардын эшигин каккылап жүргөнүнө көп болду. Ал зордуктоодон улам энеси бир айда каза тапканын айтып, үч шектүү бат эле мунапыс менен эркиндикке чыгып кетти деп нааразы.
Словакияга барганына эки жума болгондо Казим Керимбек уулу сууга чөгүп каза болду. Учурда сөөктү Кыргызстанга алып келүү иштери жүрүүдө. Орусияда миграциялык мыйзамдар катаалдашканы борборазиялыктар, анын ичинде кыргызстандыктар Европа өлкөлөрүнө оой башташкан.
Орусиянын бир катар аймактарында күйүүчү май кризисинин кесепети эмгек мигранттарына да тийүүдө. Айрыкча такси жана жеткирүү кызматында иштеген кыргызстандыктар май куюу жайларындагы кезектерден улам түн ичинде май куюуга аргасыз болуп жатышат.
Орусиянын “Юнармиясынын” окуучулары Кыргызстандын Кант шаарындагы авиабазада сабактан кийин 1,5-2 саат машыгат. Ага окуучулар кыз, эркек экенине карабай тартылат. Кыймылга кирип жаткандар “Служу России” деп ант берет, ок атуу, жарадарларга жардам берүү сыяктуу согуштук көндүмдөрдү үйрөнүшөт.
Алайлык Кадырбек Жээнбаев үч айылдашы анын апасын зордуктап, бирок жазасыз калганын айтып чыкты. Анын айтымында, зордукталган апасы алган жараатынан улам, окуядан бир ай өтүп каза тапкан.
31-июлдан 2-августка чейин Ысык-Көлдө жогорку ылдамдыкта сүзгөн кайыктардын дүйнөлүк чемпионаты өткөнү жатат. Туризм департаменти бул иш-чара өлкөнүн эл аралык туристтик жана инвестициялык дараметин жогорулатарын айтууда.
Ысык-Көлдө өтүүчү суу кайыктарынын чемпионатынын алкагында мамлекеттик экологиялык экспертизанын баштапкы жыйынтыгы оң көрсөткүчтө чыкканы белгилүү болду. Уюштуруучулар мелдешке чейин жана кийин төрт этап менен экологиялык экспертиза жүргүзүлөт деп убада берип жатышат.
Президент Садыр Жапаров блогерлерди, IT, кинофильм өндүрүүчүлөрдү баш кылып, креативдүү чыгармачылык менен алектенгендерди беш жылга салыктан бошотуу жарлыгына кол койду.
Аялдарга зомбулукту баяндаган “Курак” фильми Кыргызстанда көрсөтүлбөйт. Буга “Кыргызтасмасы” мамлекеттик киноборборунун прокаттык каттоо күбөлүгүн берүүдөн баш тартканы себеп болгон.
Бишкек мэриясы шаардын түштүк-батыш тарабында жайгашкан Кыргыз-Түрк “Манас” университетинин аймагы аркылуу жол куруу ишин баштады. Окуу жайдын администрациясы ал жерде кампус курулуп жатканын айтып, жол салынышына каршылыгын билдирди.
Түркияда Кыргызстандын жараны Эрмек Сабыржанов диниятчы Фетхулла Гүлендин “Хизмет” (Түркия “Фетхуллачы террордук уюм” деп жарыялаган) кыймылына байланышы бар деген шек менен кармалды.
“Служу России” деп ант берген “юнармиячылар” учурда Кыргызстандагы Кант авиабазасында машыгышат. Ага 6-7 жаштан 18ге чейинки окуучулар кыз, эркек экенине карабай кабыл алынат. Алар курал атуу, жарадарларга жардам берүү сыяктуу согуштук көндүмдөргө үйрөтүлөт.
Чүй облусундагы Милянфан айылы Кыргызстандагы дунган жамаатынын белгилүү конуштарынын бири. Бул жерде жашаган элдин турмушу, салт-санаасы жана укуктук маселелери көп учурда коомчулуктун көңүл чордонунда.
Акыркы жумаларда Орусияда эки жолу интернет жапырт өчүрүлдү. Бардык аймактарда банктар, банкоматтар, уюлдук операторлор эки сааттай иштебей калды. Негизи эле интернет чектелип жатат. Мындай жагдай такси, курьер болуп иштеген мигранттардын ишинде кыйынчылык жаралды.
Союз учурунда Жалал-Абаддын Чаткал районундагы Сумсар, Шакафтар айылдарында коргошун, уран казылып турган. Жабылган кендердин уулуу калдыктары жарым кылымдан бери толук зыянсыздаштырылбай турат.
Жалал-Абад облусунда фостердик үй-бүлөдө жашап жатып каза тапкан 15 жаштагы кыздын апасы окуяны кылдат териштирүүнү суранууда. Милиция секелек кыз малканадагы жипке асынып алган деп билдирген. Бирок апасы мамлекеттик органдар анын эки баласын багуучу үй-бүлөгө негизсиз өткөрүп коюшканын айтууда.
Былтыр жыл соңунда Жалал-Абад облусунун Ала-Бука районунда 15 жаштагы Жибек Сулайманова фостердик үй-бүлөдө каза тапкан. Милициянын маалыматында, секелек кыз малканадагы жипке асынып алган.
28-февралда Израил менен АКШ Иранга каршы “ири аскердик” операция жарыялагандан бери Жакынкы Чыгыштагы кырдаал курчуду. Өзгөчө Иран менен Израилдин бири-бирине чабуулдары токтобой, бул өлкөлөрдө жашаган кыргызстандыктардын коопсуздугу күн тартибине чыкты.
Кыргызстан Иран, Израилдеги кыргызстандыктардын бир тобун чыгарып, калганын да алып чыгып кетүү аракетин көрүп жатат. “Азаттык” Иран жана Израилдеги кыргызстандыктар менен байланышып, алардын жагдайын сурады.
Дагы жүктөңүз
