Жогорку Кеңеш 11-ноябрдагы отурумунда «Жергиликтүү өз алдынча башкаруу жана жана жергиликтүү мамлекеттик администрация жөнүндөгү мыйзамга өзгөртүү киргизүү жөнүндөгү» президент сунуштаган долбоорду колдобой койду. Муну төрага долбоордун кыргыз тилиндеги нускасы жок экендиги менен түшүндүрдү. Бирок иш жүзүндө долбоор сессияда кескин сынга кабылды.
90-жылдардан тарта ишкер жана саясатчы катары коомчулукка таанылган экс-депутат Данияр Үсөновдун биринчи вице-премьерлик кызматка 8-ноябрда парламенттен макулдук албай калышын саясатчылар ар кыл өңүттө талдап жатышат. Президент Курманбек Бакиев Данияр Үсөновду биринчи вице-премьер-министрдин милдетин аткаруучу кылып 10-октябрда дайындап, 28-октябрда парламентке сунуштаган.
Жогорку Кеңеш 8-ноябрда башкы прокурордук кызматка Камбараалы Конгантиевдин талапкердигине макулдук берди. Ал эми биринчи вице-премьер-министрликке сунушталган Данияр Үсөнов парламентте колдоо таппай калды.
Президент Курманбек Бакиев журналисттер үчүн апта ортосунда уюштурган маалымат жыйынында саясий партияларга байланыштуу эки багытта көз карашын билдирди. Башкача айтканда, мамлекет башчы өлкөнүн бардык кызыкчылыктарына төп келген кубаттуу партия түзүлүшүнө кызыкдар. Экинчиден, партиялардын шайлоого катышуу тууралуу жобосунун Конституцияга киргизилишин жактабайт. Мындай көз караш коомчулукта түрдүү пикирлерди жаратууда.
Кыргызстанда коомдук-саясий кырдаал президенттин жана өкмөттүн толук көзөмөлүндө турат. Президент Курманбек Бакиев премьер-министр Феликс Кулов менен бирге 2-ноябрда өкмөт үйүндө уюштурган маалымат жыйынында ушундай билдирүү жасады. Бул маалымат жыйынында эки лидер өлкөдөгү саясий кырдаалга, конституциялык реформага, кыргыз-америка аскерий кызматташтыгына байланышкан суроолорго жооп беришти.
1-ноябрда Кыргызстанга АКШнын аскерий кол башчысы Жон Абизейд келип, президент Курманбек Бакиев баштаган бир катар мамлекеттик ишмерлер менен жолугуштуу. Жолугушууларда аскерий кызматташтык маселелери талкууга алынды.
Кыргызстан аймагында тынч митингдерди уюштуруп, жүрүш жасоого убактылуу тыюу салуу маселеси кайрадан көтөрүлө баштады. Акыркылардан болуп мындай сунуш менен президентке жана Жогорку Кеңештин төрагасына Кыргызстан жазуучуларынын жамааты кайрылды. Буга чейин мындай демилгени октябрь айынын башында ЖК депутаты, учурда баш прокурордун милдетин аткарып жаткан Камбараалы Конгантиев көтөргөн. Ушул эле өңүттөгү көз карашын президент Курманбек Бакиев акыркы жыйындардын биринде билдирди.
Жогорку Кеңештин депутаты Тынычбек Акматбаев баштаган төрт адамдын №31-түрмөдө атып өлтүрүлүшү Кыргызстандын түзөтүү жайларындагы акыркы жылдары топтолгон проблемалардын бетин ачты. Ушундай пикирдеги адистер реформалоого олуттуу маани бермейинче, системаны иретке келтирүү мүмкүн эмес, деп санашат.
Жогорку Кеңеш 25-октябрда депутат Тынычбек Акматбаевдин өлүмүнө байланышкан кырдаалды талкуулап, депутаттык комиссия түздү. Парламенттин сессиясында башкы прокурордун милдетин аткаруучу Камбараалы Конгантиев, Коопсуздук кеңешинин катчысы Мирослав Ниязов, юстиция министри Марат Кайыпов, ички иштер министри Мурат Суталинов жана коопсуздук кызмат башчысынын биринчи орун басары Абдижалил Жамалов маалымат беришти.
Кыргызстан аймагында иштеп жаткан 90дон ашык бейөкмөт уюм Конституциялык кеңешменин ишине байланыштуу кайрылуу менен чыкты. Президент Курманбек Бакиевге жолдонгон бул кайрылууда жарандык коом кеңешмеде регламенттик жоктугуна тынчсыздануусун билдирген.
Жогорку Кеңештин кыйла депутаттары Улуттук Банк башкармалыгынын башчысы менен мүчөлөрүнүн маянасын «Мамлекеттик кызмат жөнүндөгү» мыйзамга ылайык, президент аныкташы керек деп эсептешүүдө. Бирок буга байланышкан мыйзамга экс-президент вето койгон. Депутаттар жетекчи кызматкерлердин чоң өлчөмдөгү маянасын күчүндө калтырган бул ветого каршы туруунун аргасын издеп жатышат.
Жогорку Кеңеште тартипти чыңдоо максатында «Регламент жөнүндөгү» мыйзамга өзгөртүүлөр киргизилиши ыктымал. Мындай пикирин төрага Өмүрбек Текебаев парламенттин бейшембидеги отурумунда билдирди. Мындай көз караштын пайда болушуна Жогорку Кеңештин пленардык жыйындарына, комитет отурумдарына депутаттардын толук кандуу катышпай жатышы негиз берди.
АКШнын мамлекеттик катчысы Кондализа Райс Кыргызстанга сапарынын учурунда Кыргызстандын президенти Курманбек Бакиев менен көзмө-көз жолугушуп, эки тараптуу кызматташтык маселелерин талкуулашты. Жолугушуунун соңунда журналисттер үчүн маалымат жыйыны уюштурулду.
Жогорку Кеңеш 30-сентябрда президент менен өкмөт башчы сунуштаган вице-премьер-министрге, беш министрге жана бир комитет төрагасына иштөөгө макулдук берди. Булардын ичинен вице-премьер-министрликке талапкер катары Жогорку Кеңештин депутаты жана вице-премьер министрдин милдетин аткаруучу Адахан Мадумаров парламентке алгачкы ирет сунушталды. Калгандары мурдагы добуш берүүдө өтпөй калган талапкерлердин ордуна кайрадан көрсөтүлгөн.
1992-жылдан бери 2 миңден ашык кыргызстандык жаран Америка Кошмо штаттарында билим алып келген. АКШ билим берүү жаатында Кыргызстан менен мындан ары да кызматташтыгын улантууну көздөп жатат. Бул тууралуу АКШнын Кыргызстандагы элчиси Мари Йованович Бишкекте уюштурган маалымат жыйынында билдирди.
Жогорку Кеңеш 27-сентябрда түштөн кийин өкмөт курамын карап, сунушталган он алты талапкердин онуна макулдук берди. Өтпөй калгандардын катарында тышкы иштер министринин милдетин аткаруучу Роза Отунбаева, социалдык байланыш министринин милдетин аткаруучу Алевтина Проненко, транспорт министринин милдетин аткаруучу Ишенбай Кадырбеков бар.
Жогорку Кеңеш шейшембиде өкмөттүн курамын кароого киришти. Бирок түшкө чейинки отурумунда эч кандай тыянакка келе алган жок. Анткени, президент 1-вице премьер-министрлик орунга байланышкан сунушун кайра кайтарып алды. Парламентке берилген үч талапкердин экөөнүн бул кызматтан өз каалоосу менен баш тартышы президенттин ушундай чечим кабыл алынышына негиз берди.
Мурдагы башкы прокурор Азимбек Бекназаровду коргоо комитети жекшемби күнү Аксыда президент Курманбек Бакиевдин кызматтан кетишин талап кылган кайрылуу кабыл алды. Ал эми «Аксы коомунун» Бишкекте жашаган жоон топ өкүлдөрү дүйшөмбүдө өкмөт үйүнүн алдына кайра пикетке чыгышты. Алар азыркы бийликти коррупцияга аралашып кетти деп айыптап жатышат. Нааразылык акцияларына карата расмий пикир билдириле элек.
Жогорку Кеңештин депутаты Баяман Эркинбаевди ким өлтүрдү деген суроо жоопсуз калууда. Анткен менен депутаттын өлүмүнүн артында ким турат деген маселе жеке эле тартип коргоо кызматтарында эмес, коомдук-саясий чөйрөлөрдө да ар кандай божомолдор жаралууда.
Бишкек коомчулугу 23-сентябрда Жогорку Кеңештин депутаты Баяман Эркинбаевди акыркы сапарга узатты. Узатуу митинги Жогорку Кеңештин имаратынын алдында өтүп, ага Жогорку Кеңештин төрагасы Өмүрбек Текебаев баштаган депутаттар, Конституциялык соттун төрайымы Чолпон Баекова, биринчи вице-премьер министр Медетбек Керимкулов баштаган өкмөт мүчөлөрү катышты.
Дагы жүктөңүз
