Жогорку Кеңеш бүгүн Конституцияга өзгөртүү киргизүү жөнүндөгү мыйзам долбоорун биринчи окулушунда кабыл алды. Аталган долбоордун эң маанилүү жаңылыгы - 52-беренеге сунушталган толуктоодо президент милдетин убактылуу аткаруучу адамды Мамлекеттик кеңеш аныктайт деп жазылган. (салыштырма таблицаны караңыз).
Эл аралык басмасөз институтунун жаңы иликтөөсүнө караганда, акыркы он жылда дүйнө жүзүндө кесибине байланыштуу 735 журналист өлтүрүлгөн.
Украинадагы президенттик шайлоодо кайсы талапкердин ташы өөдө кулайт деген суроо кыргызстандыктардын да бүйүрүн кызытууда. Кыргызстандык айрым талдоочуларда эки талдоочунун тирешүүсү үчүнчү айлампаны шарттайт деген көз караш да болуп жатышат. Бул аралыкта Бишкекте шайлоого катышкан украиналыктардын 81 пайызы Виктор Януковичке добуш бергени такталды.
Америкалык фотосүрөтчү Сергей Мелникоффго байланышкан саясий жаңжал өтүп бараткан аптадагы коомчулуктун бүйүрүн кызыткан башкы окуя болду. Бул жаңжал мамлекеттик бир жооптуу кызматкердин кызматтан алынышын шарттап, абройлуу чөйрө катышат деп күтүлгөн “Кыргыз жери” фотоальбомунун бет ачаарына тыюу салынды.
Кыргызстандын Украинадагы мурдагы элчиси, мамлекеттик ишмер Эсенгул Өмүралиев Украинадагы президенттик шайлоонун экинчи айлампасында эки талапкер тең жеңишке жете албай калышы ыктымал деп эсептейт.
Жогорку Кеңештеги СДПнын эки депутатты мандатынан ажыратууну чечти. Бул отурумда Бакыт Бешимовдун атынан комитетке жолдонгон кат каралган жок.
Мамлекет башчысы өз милдетин аткара албай калган шартта анын милдетин ким аткарышы керек деген маселе апта бою көңүл чордонунда болду. Ушул маселенин өзөгүн түзгөн Конституцияга өзгөртүү киргизүү жөнүндөгү мыйзам долбоорун талкуулоонун экинчи баскычы бул аптада парламенттин фракцияларына чейин жетип токтоду.
Мектептеги кылмыштуулук тууралуу “Азаттыкка” Коммунисттер фракциясынан Жогорку Кеңештин депутаты Гүлжамал Султаналиева маек курду.
Мурдагы коргоо министри, оппозиция лидерлеринин бири Исмаил Исаковду камактан бошотуу талабы менен 12-январда башталган ачкачылык акциялары уланууда. Ачкачылык жарыялагандардын башында турган Саясий тутукундарды коргоо комитетинин жетекчиси Топчубек Тургуналиев талаптар аткарылмайын акция токтобосун айтат.
Журналисттердин коопсуздугу тууралуу Жалал-Абат телерадиокомпаниясынын төрайымы, белгилүү журналист Бактыкан Ажымаматова “Азаттыкка” маек курду.
ЖК Конституцияга өзгөртүү киргизген мыйзам долбоорун карашы күтүлүп жатат. Жаңы долбоорго киргизилген сунуштар боюнча БЭКтин мүчөсү, ЖКнын мыйзам чыгаруу жыйынынын мурдагы төрагасы Мукар Чолпонбаев "Азаттык" менен ой бөлүштү.
Кыргызстандагы маалымат каражаттарынын мыйзамдык негиздери жана журналисттердин коопсуздугу боюнча суроолорго Жогорку Кеңештеги “Ак жол” фракциясынын мүчөсү, депутаттык этика, регламент комитетинин төрага орун басары Динара Молдошева жооп берди.
27-январда Жогорку Кеңештин фракцияларында Конституцияга өзгөртүү киргизүү мыйзам долбоору каралат. 26-январда Конституциялык мыйзамдуулук комитети долбоорго өзгөртүү киргизип, президенттин милдетин Президенттик кеңеш эмес, Мамлекеттик кеңеш аныктайт деген сунушту берди. Буга байланыштуу комитеттин мүчөсү, Социал-демократтар фракциясынын башчысы Роза Отунбаева “Азаттыкка” маек курду.
26-январда Коомдук палата, башкача айтканда Ордо кеңештин расмий ишке киришкенине 1 жыл толду. Өткөн жылы, 26-январда Коомдук палатанын 45 кишиден турган курамы түзүлгөн болчу.
Мындан 20 жыл мурда, 1990-жылдын 25-26-январында Бишкекте коммунисттик режимге каршы алгачкы демонстрация болгон. Бул акциянын активдүү катышуучуларынын бири, алгачкылардан болуп ошол жерде сөз сүйлөгөн, азыр көз карандысыз журналист Бакыт Орунбеков менен биз “Азаттыктын” түз обосунда ошол окуяга кайрылдык.
Мындан 20 жыл мурда дал ушул күнү кыргызстандык жаштар өздөрүнүн социалдык укуктарын коргоп, алгач ирет коммунисттик режимге каршы демонстрацияга чыккан. Алардын башында кезинде “Ашар” кыймылы турган болчу. Бул кыймылдын негиздөөчүлөрдүн бири Ракыя Жусупова менен “Азаттыктын” түз обосунда ошол 90-жылдарга кайрылдык.
Экс-коргоо министри Исмаил Исаковго боштондук талап кылып ачкачылык акциясында отургандар максатына жетмейинче акыр аягына чейин турмакчы болуп жатышат. Максаты - бардык аракетти күчөтүп, жалындаган массалык каршылык акцияларына жеткирүү. Жаңы жыл менен кошо кирген кымбатчылык, курчуган социалдык проблемалар элдин нааразылыгын күчөтүп, кырдаалды ушуга жеткирет деген үмүт бар. Бийлик тарап сыр бербей, сөзгө да келбей, "билгениңерди кылгыла" деген кыязда карап турат.
Мурдагы коргоо министри, Бириккен элдик кыймылдын мүчөсү Исмаил Исаков күчөтүлгөн тартипте сегиз жылга эркинен ажыратылышы ыктымал. Мамлекеттик айыптоочу Бишкек шаардык гарнизондук сотунан ушундай жаза сурап жатат. Сот жараянындагы мындай бурулуш Исаковдун тарапкерлеринде нааразылыкты жаратып, алар коомчулукка жана бийликке кайрылуулар менен чыга башташты.
“Жаңы Кыргызстан” партиясынын төрагасы Үсөн Сыдыковдун уулу, “Манас” аба майданынын жетекчиси Бакыт Сыдыковдун сабалышына байланыштуу түрдүү жоромолдор айтылууда.
Кыргызстандын парламенти 20-ноябрда 70 жылдыгын расмий белгиледи. Президент Курманбек Бакиевдин катышуусундагы бул салтанат жыйынга оппозициядагы азыркы жана мурдагы депутаттар катышкан жок.
Дагы жүктөңүз
