Аксы окуясына 17-мартта сегиз жыл болду. Анда окко учкандарды бүгүн Бишкекте Элдик курултай эскерди. Аксы окуясына байланышкан кылмыш иштерине чекитти Жогорку Сот 2007-жылы койгон. Жабырлануучулар жана алардын тарапкерлери болсо ушу күнгө чейин кандуу окуяга укуктук да, саясий да баа бербей келатат деп бийликке нааразы.
Элдик курултай бүгүн Социал-демократтар партиясынын баш кеңсеси жайгашкан Медиа-форум комплексинин аймагында өтмөй болду. Мындай чечимди кечээ БЭКтин саясий бюросу кабыл алып, аны оппозициянын сунушун бийликтин колдобой койгондугу менен негиздеди. Курултайга өлкөнүн ар тарабынан 7 миң чамалаш киши чогулат деп күтүлүүдө.
АКШнын Борбордук Командачысы Дэвид Петреус Бишкекке келип кетти. Бул сапарга аралаш Аксакалдар Кеңеши АКШнын Транзиттик Борборун Кыргызстандан чыгарууну бийликтен талап кылды. Бул апта ичинде катталган Кыргызстандагы олуттуу саясий окуялардын бири болду.
Конституциялык Сот 2-мартта “Жарандардын тынч, куралсыз чогулуу, митингдерди, демонстрацияларды эркин өткөрүү жөнүндөгү” мыйзамдын 3-беренесин жокко чыгарды. Укук коргоочунун датынын негизинде кабыл алынган мындай чечим коомчулукта олуттуу талаш-тартыштарга жем таштады.
Ушул күндөрү айрым жарандык коомдор алдыдагы бийлик жана оппозиция курултайларына бирдей катышаарын билдирип жатышат. Алардын бири - “Демократия жана жарандык коом үчүн” коалициясы. Коалициянын лидери Динара Ошуракунова “Азаттык” менен ой бөлүштү.
Кыргызстандын чек ара коопсуздугу тууралуу белгилүү талдоочу Орозбек Молдалиев “Азаттыкка” маек курду.
“Эл пикир” аттуу коомдук пикирлерди иликтөө жана болжолдоо борбору жакында баалардын өсүшүнө байланыштуу бишкектик миң киши менен баарлашып, сурамжылоо жүргүзгөн. Анын жыйынтыктары тууралуу “Эл пикирдин” адиси Эрмек Батырканов “Азаттыкка” маек курду.
Адам укуктарынын бүгүнкү абалы тууралуу “Азаттыкка” “Кылым шамы” укук борборунун башчысы Азиза Абдрасулова маек курду.
Дубай-Бишкек сапарында “Жундала” аттуу террорчу уюмдун лидери саналган жүргүнчүнүн Иранда кармалышынын айланасында окуялардын өнүгүшү тууралуу Иран таануучу, саясат талдоочу Самат Бекибаев “Азаттыкка” маек курду.
2-мартта Кара-Кулжада элдик жыйын өттү. Анда талкууланган маселелердин айланасында Кара-Кулжа районунун Алайкуу айыл округу боюнча депутаты Мамытбек Салибаев “Азаттыкка” маек курду.
Өлкөдөгү диний кырдаал жана Египетте өткөн мусулмандардын жыйыны тууралуу өкмөттүн алдындагы Дин иштери боюнча комиссиянын башчысы Каныбек Осмоналиев “Азаттык” менен ой бөлүштү.
Каракулжалыктар 2-март 2005-жылды Март ыңкылабы башталган күн деп санашат. Бул тууралуу 1-мартта район борборунда уюштурулган жыйында кабарланды. Бул жыйында революциялык комитет түзүлүп, анын жетекчилиги шайланды. Кара-Кулжадагы жаңы ревкомдун максат милдеттери тууралуу анын жаңы теңтөрагасы Алмамат Атыркулов “Азаттыкка” маек курду.
Мигранттардын абалы, алардын саламаттыгы жана көйгөйлөрү тууралуу миграция жаатында бир катар долбоорлорду ишке ашырып келаткан Аялдар конгрессинин лидери Замира Акбагышева “Азаттык” менен ой бөлүштү.
Бүгүн (1-мартта) мурдагы тышкы иштер министри, оппозициядагы саясатчы Аликбек Жекшенкуловго байланышкан соттук териштирүү соңуна чыгат. 26-февралдагы отурумунда мамлекеттик айыптоочу Аликбек Жекшенкуловду төрт жыл шарттуу кесүүнү соттон сурады. Буга байланыштуу “Ата мекен” партиясынын лидери Өмүрбек Текебаев “Азаттыкка” маек курду.
Ирандын аскерий учактары “Дубай - Бишкек” сапарында келаткан «Кыргызстан» авиакомпаниясынын “Боинг-737” учагын 23-февралда Бендер е Аббас шаарындагы аба майданына күч менен кондуруп, андан террорчу деп шектелген эки жүргүнчүнү түшүрүп калды. Бул окуя эл аралык деңгээлдеги териштирүүлөргө жем таштаган аптанын олуттуу окуясы болду.
Иран бийлиги 23-февралда “Кыргызстан” авикомпаниясынын “Дубай-Бишкек” каттамындагы “Боинг” учагын өз аймагына мажбурлап кондуруп, ирандык эки жүргүнчүнү террорчу катары шектүү деп алып калган.
Ишембиде БЭКтин Улуттук Кеңеши жыйын курду. Анда Бириккен оппозиция өлкөнүн коомдук-саясий, экономикалык абалына баа берип, алдыдагы иш-пландарын тактады. БЭК Элдик Курултай өткөрүү жана Ынтымак Курултайына катышпоо чечимине келди.
"Президент Курманбек Бакиев Конституциянын кепили катары менин тагдырыма кайдигер карабашы керек" деп билдирип, мамлекет башчынын сотко келип көрсөтмө беришин суранды экс-министр Исмаил Исаков. Республикалык Аскер соту Исаковдун сунушун кабыл алган жок.
Орусиянын президенти Кыргызстандын, Тажикстандын Бирдиктүү Экономикалык Аймакка мүчө болуу укугун өлкө жетекчилеринин жүрүм-турумуна жараша аныктайт. Президент Д.Медведев Омскиде 15-февралда энергетика жыйынында ушинтип билдиргенин Орусиянын маалымат каражаттары жазышты.
12-февралда Жогорку Кеңеш "Конституцияга өзгөртүү киргизүү жөнүндөгү" мыйзам долбоорун биринчи окулушта кабыл алды. Президент Курманбек Бакиевдин демилгеси менен өзгөртүлүп жаткан Баш мыйзамдын өзөгүн президенттин убактылуу милдетин аткаруучу тарапты аныктоо түзүүдө.
Дагы жүктөңүз
