ИИМ академиясынын курсанты Айза Улан кызынын өлүмүнө шектүүнүн бөгөт чарасы Биринчи Май райондук сотунда каралып, эки айга камакка алынды. Маркумду быйыл январда жөө жүргүнчүлөр тилкесинен машине коюп кеткен. Башкы прокуратура унааны мурда кармалган шектүү эмес, анын уулу башкарганын аныктаган.
12 -майда Бишкекте оркестрлер арасында II республикалык сынак жыйынтыкталды. Ага өлкөнүн бардык аймактарынан 600гө жакын өнөрпоздор катышып, таланттарын тартуулашты.
Жаз-жай айларында шаардан көчө музыканттарын кезиктирүү кадыресе көрүнүш. Бул маданият Бишкекте кандай өнүгүп жатканын “Азаттык плюстан” көрүңүз!
Чүйдө согуштун ардагерине автоунаа жана Ленинград блокадачысына үй берилди. Биздин каармандар урушта бир туугандарынан, ата-энесинен ажырап, далай оор күндөрдү баштан кечирген. Ардагерлер дүйнөдө болуп жаткан соңку окуяларга кейип, согуш кайталанбасын деп тилешет.
Фрилансерлердин, аралыктан иштеген адистердин көбөйүшү менен Кыргызстанда коворкингдердин саны артууда. “Азаттык+” шаардагы коворкингдерди кыдырып, ижарага иш орун алып иштөө маданияты кандай өнүгүп жатканына кызыгып көрдү.
Улуу Британиянын Тышкы иштер жана эл аралык өнүгүү министрлигинин санкциялар боюнча директору Дэвид Рид Бишкектеги сапары жана Батыштын Орусияга салган санкцияларын сактоонун талабы тууралуу "Азаттыктын" суроолоруна жооп берди.
Салтка айланып калган кезектеги эл аралык жаз фестивалы Бишкекте өттү. Он сегизинчи ирет өтүп жаткан саамалыкка бул ирет Кыргызстан, Австрия, Италия, Израил өлкөсүнүн музыканттары катышты.
Саясий популизм деген эмне? Кыргызстанда популист саясатчылар көппү? Популизмдин коомго, ар бир жаранга таасири кандай? Бул суроолорду “Эркиндик үнү” подкастынын бул чыгарылышында Жогорку Кеңештин депутаты Дастан Бекешов менен талкууладык.
Балбан Айсулуу Тыныбекова Астанада өткөн кыз-келиндер күрөшү боюнча Азия чемпионатында алтын байге утуп, беш жолу Азия чемпиону аталган алгачкы кыргызстандык балбан кыз болуп калды.
Өлкөдөгү ар кандай туруксуз саясий кырдаалдарда, кыйын учурларда, ошол эле чек ара чырында, пандемияда жаштар дайыма өз салымын кошот, ыктыярчы болуп, ар кандай демилгелүү топторго уюшат.
Орусия Украинага кол салып, согуш башталгандан кийин Кыргызстанда деколонизацияга байланыштуу талкуу жанданды. Деколонизация деген эмне? Кыргызстанга эмне үчүн маанилүү?
Соңку күндөрү Кыргызстанда катуу баракан автоунаа көчөдө жөө бараткандарды коюп кеткен бир нече каргашалуу окуя болду. Мындан улам жолдо жүрүүнүн коопсуздугу чоң баш ооруга айланды. “Азаттык+” дал ушу маселеге кайрылды.
Нооруз майрамында жаштар кошумча киреше таап калууга шашат. Алар сүмөлөк, өнгөн буудай, боорсок сатып, элге ар кандай кызматтарын сунуштайт. “Азаттык+” майрам күнү шаар кыдырып, майрамдан акча жасагандарды издеди.
Коомчулук жаштар арасында, айрыкча мектеп окуучулары арасында электрондук тамеки кеңири жайылып, кадыресе көрүнүш болуп калганына тынчсызданууда. “Азаттык+” ушул теманын айланасында талкуу курду.
Токтоболот Абдумомунов атындагы Кыргыз улуттук академиялык драма театрында белгилүү журналист, акын, "Азаттыктын" редактору Кубат Оторбаевдин “Гүлдөр күтөт” аттуу ыр жыйнагынын бет ачар аземи өттү.
Кыргызстанда ар кандай саясий окуялар, чек ара чыры, пандемия болгондо активдүү жарандар демилгени колго алып, муктаждарга жардамге келет. “Азаттык+” жарандык активизмдин мааниси жөнүндө ар кыл тармактагы активдүү кыздарды кепке тартты.
Жыл сайын чет өлкөдө билим алууну каалаган жаштардын саны өсүүдө. Аларды негизинен үч багыт: АКШ, Европа жана Азия өлкөлөрү кызыктырат. Кантип бул өлкөлөргө окууга тапшырса болот? Кандай мүмкүнчүлүктөр бар? “Азаттык плюстан” көрүңүз.
Кыргыз тилин кантип үйрөнөбүз? Тилди тез үйрөнүп, суудай сүйлөгөн замандаштарыбыз да бар. Алар менен “Азаттык+” тааныштырат.
Жасалма интеллекттин тез ыргакта өнүгүшү кандай өзгөрүүлөргө алып келет? Жасалма интеллект кандай мүмкүнчүлүктөрдү жана тобокелдиктерди берет? Биз эмнелерге басым жасашыбыз керек? “Азаттык+” программасынан көрүңүз.
Учурда жерине жеткирип берүү кызматтарында жүздөгөн адам курьер болуп иштейт. Алардын басымдуусу жаштар. Курьерлердин биз билбеген түйшүгүн, тооруган тобокелдиктерин, максат-тилегин “Азаттык+” программасынан көрүңүз.
Дагы жүктөңүз
