3-сентябрда Берлинде кыргыз диаспорасынын өкүлдөрү Кыргызстандын Германиядагы элчилиги менен биргеликте Эгемендүүлүктүн 31 жылдыгына арналган майрамдык иш-чара уюштурушту. Латвия, Чехия, Польшада жашаган журтташтар футбол, волейбол жана стол тенниси боюнча күч сынашты.
Чет өлкөдө жашаган кеминде бир таанышыңыз болушу мүмкүн. Себеби расмий статистикага ылайык, Кыргызстандын ар бир алтынчы жараны чет жакта жүрөт. Алардын арасында алыста туруп, Ала-Тоонун алдыга жылышына акысыз салым кошуп жаткан жигердүү кыргызстандыктар бар.
27-28-августта АКШнын Нью-Жерси штатында Кыргызстандын эгемендик күнүнө арналган иш-чаралар уюштурулду. Анын алкагында "Азаттык" радиосунун кыргыз кызматынын түптөөчүсү Азамат Алтайдын 100 жылдык мааракеси белгиленди. Анда Азамат Алтайдын баскан жолу тууралуу "Азаттыктын" атайын тасмасы көрсөтүлдү.
Бир жылдан бери Ооганстанды "Талибан" кыймылы бийлеп келатат. 20 жылдан кийин бийликке кайтып келген талибдердин башкаруусуна кандай баа берсе болот? Алар бир жыл мурун берген убадаларын канчалык аткара алды? Дүйнө өлкөлөрү талибдердин бийлигин таанышы керекпи?
Өзбекстандын Каракалпакстан автоном республикасындагы соңку элдик толкундоодо 18 адамдын өмүрү кыйылды. Жүздөгөнү жараат алды, жоон топ адам камалды. Каракалпакстандагы кандуу тополоңго ким жооптуу? Эми республиканы эмне күтөт? “Биз жана дүйнө” программасынан көрүңүз.
Украинада мерт болгон кыргызстандыктардын бири согушка Чеченстан аркылуу кеткени ачыкка чыкты. Кыргыз жарандарын орус күчтөрүнүн катарына кошулууга ким же эмне жетелейт? Украин тарапта согушкан чет элдиктерди, алардын ичинде кыргыз, казакты кандай тагдыр күтөт?
Украинанын Кыргызстандагы толук ыйгарымдуу элчиси Валерий Жовтенко «Азаттык» радиосуна курган маегинде украиналыктар азыр башынан кечирип жаткан трагедия, Орусиянын согушту баштоо менен кандай максатты көздөгөнү, украиндердин НАТОго жана Евробиримдикке умтулуусу жөнүндө айтып берди.
Эки жумадан бери кырдаал курчуп турган Тоолуу Бадахшанда эмне себептен улам бир жаңжал чыгат? Расмий Дүйшөмбүнүн жоопкерчиликти аймактагы жикчилерге жана сырткы күчтөргө түртө салганы канчалык жүйөлүү? Кыргызстан Тоолуу Бадахшандагы соңку окуяларга эмне үчүн көңүл бурууга тийиш?
Орусияда укук коргоочулар аскерге жарактуу эркектерди согушка тартуу, же жарыяланбаган «жылма мобилизация» жүрүп жатканын айтышууда. Кремль мобилизация тууралуу маалыматтарды азырынча четке кагып келет. Аскердик комиссариаттарга соңку жумаларда чакыруулар эмнеге күчөдү?
Орусия Украинага кол салгандан бери Кремль эркин маалымат каражаттарынын ишин чектөөнү күчөттү. Тескерисинче мамлекеттик медианы каржылоо көбөйдү.
Украинанын орус аскерлеринен бошотулган аймактарынан жүздөгөн жай тургундардын сөөгү табылып жатат. Эл аралык уюмдар ондогон аялдар жана балдар да зордукталганы тууралуу кабар таратууда.
Быйыл кыргызстандыктар үчүн Британияга барып иштеп келүүгө жол ачылууда. Кыргыз өкмөтү эмгек мигранттарын кантип расмий жол менен уюшкан формада чет өлкөлөргө жибере алат? Жарандарды сыртка чыгарбай эле өлкөнүн өзүндө жумуш орундарын түзүп, кармап калуу үчүн эмне иштер жасалышы керек?
Украинада миңдеген кишинин өмүрү кыйылып, шаар-кыштактар талкаланып, калкынын чейреги жер которууга аргасыз болгон маалда Борбор Азия мамлекеттери так позициясын билдирбей, бейтарап калууну тандагандай.
Орусия Украинага басып киргенине туура бир ай болду. Бул согушта орус армиясынын катарында жүргөн 19 жаштагы кыргыз жигит каза болду. Тажикстанга согушта мерт болгон кеминде төрт жарандын сөөгү жеткирилди. Украинада кимдер согушууда? Кремль Украина боюнча өз максатын ишке ашыра албай калдыбы?
Украинадагы согуштун жана Орусияга киргизилген санкциялардын кесепети тууралуу Эл аралык валюта фондунун Жакынкы Чыгыш жана Борбор Азия боюнча департаментинин башчысы Жихад Азур "Азаттыкка" маек курду.
Украинага чабуулун улантып жаткан Орусия Евразия Экономикалык Биримдигиндеги мамлекеттерге дан азыктарын сатууга тыюу салды. Буудайды көп эккен Киев дагы экспортун токтотту. Бириккен Улуттар Уюму мындан улам элүүдөй мамлекетте азык-түлүк кымбаттай турганын эскертти.
Украинада согуш башталгандан бери украин жерегесинде жашаган Кыргызстандын 400дөй жараны үчүнчү өлкөлөргө чыгып кетти. Алар Польша, Венгрия, Чехия жана башка мамлекеттер аркылуу мекенине кайтышууда.
Орусияда болжол менен 1 миллиондой кыргызстандык эмгектенет. Алар Кыргызстанга жылына 2,5 миллиард долларга чейин которушчу. Бул өлкөнүн ички дүң өнүмүнүн дээрлик 30% түзөт. Орус экономикасы артка кетип, жумуш орундары кыскарса, ал жакта эмгектенген мигранттардын жашоосу кандай өзгөрөт? Кыргызстан мекенине кайтып келген жарандарын жумуш менен камсыз кыла алабы? Ошол эле маалда Орусиядагы кризис мигранттарга кандай мүмкүнчүлүктөрдү ачат?
Украиналык Петр Верко орусиялык аскерлерден коркпой турганын айтат. Ал Киевдин түндүк-батыш жагындагы Горенка кыштагында жашайт. 3-мартка караган түнү орусиялык аскерлер бул кыштакты бомбалап, бир нече турак үйүн жок кылышкан.
Украинанын бир катар аймактарында улуттук армия менен өлкөгө басып кирген орус аскерлеринин салгылашуусу уланып жатат. Украинанын саламаттык сактоо министрлиги билдиргендей, куралдуу чабуулдарда 350 карапайым тургун, анын ичинде 16 бала курман болду. 360 миңден көп киши кошуна мамлекеттерге качты.
Дагы жүктөңүз
