2025-жыл "Азаттыктын" назарында
2025-жылдын 12 айында "Азаттыктын" ар кайсы кызматтарынын журналисттери, сүрөтчүлөрү дүйнөнүн булуң-бурчунан тарткан сүрөттөр топтомун сунуш кылабыз.
1
Эки буту ампутация болгон украиналык жоокер Артём өнөктөшү Полина менен бийлеп жатат. Киевде «Жоо жүрөк» деп аталган иш-чара 2025-жылдын 31-майында өткөн. "Бир жагынан алганда бул жеңил эле", - дейт Артем. "Экинчи жагынан - абдан оор. Кыялданып, максат коюп, алдыга умтулуп, аракет кылсаң мүмкүн болбой турган нерсе жок экенин далилдей аласың".
2
Приштина, 3-июль, 2025-жыл. Адвокат Арианит Кочи Косовонун улуттук кеңешинин имаратынын алдына төрт эшек жетелеп келди. Муну менен ал өкмөттөгү узакка созулган саясий кризиске каршылык билдирди. "Мен эшектерди тандадым, анткени бул жаныбарлар биздин депутаттардын кежирлигин түшүндүрөт", - деди ал журналисттерге.
3
"Азаттыктын" беларус кызматынын журналисти Игорь Лосик (оңдо) абактан чыгып, Литванын борбору Вильнюска баргандан кийин бир тууганы Микита менен көрүшүп жатат. 11-сентябрь, 2025-жыл. Игорь Беларуста саясий айып менен 15 жылга эркинен ажыратылып, анын 5 жылын өтөгөндөн кийин АКШнын дипломатиялык аракети менен бошотулду. Ал ушундай эле негизде абактан чыккан 50 киши менен чогуу Литвага барган.
4
Тажикстан. Баш калаа Дүйшөмбүдөгү «Рохат» чайканасы март айындагы "сностон" кийин. Имарат шаардагы эл көп барган жайлардын бири болчу. Өрөөндөгү мыкты чайканалардын катарын толуктачу. Жергиликтүү жашоочулардын имаратты бузбоо суранычы менен топтогон петициясына көңүл бурулган жок. Бийлик шаардын көрүнүшүн өзгөртүүгө аракеттенүүдө.
5
Кыргызстан менен Тажикстандын чек арасына тартылган зым. Кыргызстандык жоокер чек араны бойлой басып баратат. 14-октябрь, 2025-жыл. Баткен облусу. Бир нече жылга созулган талаш-тартыштан кийин 2025-жылы мартта Бишкек менен Дүйшөмбү чек ара маселесине чекит коюу тууралуу макулдашкан.
6
Сербия, Белград. 27-январь, 2025-жыл. Миңдеген киши, негизинен студенттер Белграддын башкы көчөлөрүнө чыккан. Алар Нови-Саддагы темир жол бекетинде бетон тосмо урап, 16 кишинин өмүрүн алгандан кийин өкмөттү жемкорлукка айыпташкан.
7
Курамында ураны бар минералдар. Чехиядагы кароосуз калган шахта. 4-ноябрь, 2025-жыл. Борбордук Европадагы изилдөөчүлөр 1960-жылдарда жабылган шахталарды кайра ачып жатышат. Бул жерлерде бир кезде саясий туткундарды Советтер Союзунун өзөктүк курал программасы үчүн радиоактивдүү минералдарды казууга мажбурлашкан.
8
Түркмөнстан. Ашхабаддын көчөсүндө бараткан бала. Февраль, 2025-жыл
9
Скопье, 18-март, 2025-жыл. Жоон топ киши "Кочани" түнкү клубундагы өрттө каза тапкан 63 кишини эскерүү акциясына чыгышты. Кырсыктан кийин күнкү клуб лицензиясыз иштегени, өрт өчүрүү системасынын жоктугу, кошумча эшиктери жетишсиз экени белгилүү болгон.
10
Болгария, София. 1-декабрь, 2025-жыл. Болгарияда 1990-жылдан берки эң ири каршылык акциясы бийликтин бюджет, үнөмдөө саясатынан улам чыккан.
11
Орусиянын өрттөлгөн желегин көтөрүп бараткан демонстрант. 1-март, 2025-жыл, Берлин. Орусиялык оппозициялык лидерлер Украинадагы согушка каршы акция уюштурушкан.
12
Босния жана Герцоговина. Сараеводо аптапта суусундук көтөрүп бараткан аял. 25-июль, 2025-жыл.
13
Молдовалык саясатчы жана олигарх Владимир Плахотнюкту сотко алып келген учур. 2-декабрь, 2025-жыл. Кишинёвдо ал "кылымдын шылууну" деп аталып, өлкөнүн банктарынан 1 миллиард долларга жакын кымырып алууга айыпталган.
14
Рибново, Болгария, 17-март, 2025-жыл. Бул кыштакта ислам динин карманган помактардын үйлөнүү үлпөтү. Тоолуу кыштакта үлпөт той көп күнгө созулат.
15
Украина, Киев. Орусиянын соккусунда каза тапкан 24 жаштагы Надя жана анын эки жашар кызы Ангелинаны акыркы жайга узатуу зыйнаты. 28-август, 2025-жыл.
16
Миңдеген киши Ооганстан менен чектешкен райондо тынч жашоону камсыздоо жана зомбулукту токтотуу талабы менен акцияга чыкты. Бул аймакта мурда пакистандык "Талибан" кыймылы турган. Бажур, Пакистан. 7-июль, 2025-жыл
17
Киев, 17-июнь, 2025-жыл. Орусиянын соккусунан кийин талкаланган батиринин алдында кучакташып турган жубайлар. Алардын кичинекей уулунун сөөгү уранды алдында калган.
18
14-январь, 2025-жыл, Тбилиси. Ортачала районундагы тогуз кабаттуу үйдө газ жарылып, бир киши каза тапкан, үчөө жаракат алган. Бул үйдө 107 үй-бүлө жашачу.
19
1-июль, 2025-жыл, Грузия. Украинада согушкан Вано Надирадзенин зыйнаты.
20
24-июль, 2025-жыл, Тбилиси. Твалчрелидзе көчөсүндөгү үйдүн жашоочуларын көчүрүү учурунда полиция кызматкерлеринин арасында отурган кыз.
