Украинадагы кыйроолор жана орус аскерлери.
Украина: космос жана жерден тартылган сүрөттөр
Харьковдо аба коркунучу тууралуу эскертүү жарыяланды.
Британиянын Коргоо министрлиги Украинадагы куралдуу кагылышуунун жүрүшү тууралуу
Британиянын аскер мекемеси чалгын булактарына таянып Украинадагы окуялар тууралуу ишенимдүү делген маалыматтарды жарыялады.
Азыркы учурда булар:
- Орусиялык аскерлер өткөн суткада ар кайсы багытты көздөй жылууда, бирок Украинанын куралдуу күчтөрүнүн катуу каршылыгына кабылууда.
- Орусиялык аскер техникалары Киевге карай ар кайсы багыт менен жылып, шаарды курчоого алууга аракет кылууда.
- Орусия Мариупол жана Мелитопол ортосундагы деңиздин жээгине аскерлерин жайгаштырышы мүмкүн.
- Украинанын бийлиги бардык ири шаарларда көзөмөлдү сактап турат.
-
Николаев шаары Украинанын аскер күчтөрүнүн көзөмөлүндө турганын Николаев облустук администрациясынын башчысы Виталий Ким билдирди.
"Николаевди коргоп калдык. Абадан коргонуу күчтөрү чабуулдун мизин кайтарды", - деди ал.
Анын айтымында абадан коргонуу күчтөрү орусиялык десанттардын Очаковго конуусуна жол берген жок.
Жума күнү кечинде жана ишембиге караган түнү Орусиянын күчтөрү Украинанын бир катар аймактарындагы объекттерге сокку урууну улантты.
Киевде болжолдуу аба чабуулдарына байланыштуу сирена угулуп жатты. Айрым райондордо жарылуу жана атышуу болуп жатканын социалдык тармактарда жарыяланган видеолордон көрүүгө болот.
Украинанын баш калаасынын түндүк-чыгышындагы ТЭЦ-6 жылуулук электр борбору жайгашкан райондо бир нече жарылуу болгону кабарланды. Кандайдыр бир кыйроо же жоготуулар тууралуу маалымат жок.
Хмельницк облусунун Староконстантинов шаарындагы аэродромго да чабуул коюлду. Аба соккуларынан улам Николаев шаарындагы күйүүчү май кампасын өрт чулгаганы кабарланды.
Орусиянын Коргоо министрлиги Украинанын түштүгүндөгү Мелитопол шаары орус күчтөрүнүн колуна өткөнүн билдирди. Бирок бул маалыматты украин тарап толук ырастай элек.