АКШ президенти Дональд Трамп Украина жана Орусия менен "жетишерлик жакшы" талкуу жүрүп жатканын, ал эми анын администрациясы эки өлкө менен да, башка жактар менен да "жолугушууларды жана сүйлөшүүлөрдү" пландап жатканын билдирди. Бул тууралуу ал 2-февралда журналисттердин суроолоруна жооп берип жатып айтканын 3-февралда "Азаттыктын" украин кызматы жазды.
"Ар кыл тараптар, анын ичинде Украина жана Орусия менен жолугушуулар жана сүйлөшүүлөр пландалууда. Дискуссия жетишерлик жакшы жүрүп жатат деген ойдомун", - деген Трамп андан башка деталдарды айткан жок.
Андан бир нече саат мурдараак Трамптын Украина жана Орусия боюнча атайын чабарманы Кит Келлогг эгер эки тарап тең согушту токтотуу келишимине жетишүүгө үмүттөнүп жатса шарттарга макул болушу керек экенин эскерткен.
Трамп орус президенти Владимир Путин менен сүйлөшүү жүргүзүүгө даяр экенин айткан. Бирок Кремль Вашингтондон азырынча эч кандай конкреттүү сунуш боло электигин билдирген.
Украин президенти Владимир Зеленский Associated Press агенттигине курган маегинде согушту токтотуу тууралуу сүйлөшүүлөрдү расмий Киевсиз өткөрүүнү кооптуу идея деп атаган.
Орус армиясынын Украинанын Полтава шаарындагы ракеталык соккусунан улам каза болгондордун саны 14кө жетти, арасында бир нече бала бар. 1-февраль күнү эртең менен орус армиясынын ракетасы Полтавадагы беш кабат үйгө тийген. Соккудан улам имараттын бир подъезди кулап түшкөн.
Зеленский Украинага көбүрөөк колдоо жана абага каршы коргонуу куралдары зарыл болуп турганын билдирген.
Орус армиясынын Полтава шаарындагы ракеталык соккусунан улам каза болгондордун саны 14кө жетти. Анын экөө жаш балдар. Полтава облустук администрациясы бери дегенде 17 киши жабыркаганын, анын төртөө жаш балдар экенин билдирип жатат.
1-февраль күнү эрте менен орус армиясынын ракетасы Полтавадагы беш кабат турак үйгө тийген. Соккудан улам имараттын бир подъезди кулап түшкөн. Куткаруучулар урандынын астынан 22 кишини алып чыгышкан.
Владимир Зеленский Украинага көбүрөөк колдоолор жана абага каршы коргонуу куралдары зарыл болуп турганын билдирген.
Зеленскийдин билдирүүсү боюнча, 31-январда жана 1-февралда эртең менен Украинанын Полтава, Запаорожье, Одесса, Сумск, Харьков, Хмельницк жана Киев облустары орус соккусуна кабылган.
Орус тарап Полтавадагы сокку тууралуу комментарий берген жок.
Украина: Орус армиясынын Полтавадагы соккусунун курмандыктары 12ге жетти
Украинанын Өзгөчө кырдаалдар боюнча мамлекеттик кызматынын маалыматына караганада, Орусиянын Полтавага 1-февралда урган соккусунан каза тапкандар 12 кишиге жетти. Анын экөө балдар.
Дагы 17 киши, арасында төрт бала жараат алды. 22 киши куткарылды. Урандыларды тазалоо, куткаруу иштери уланууда.
Украин аскерлеринин билдиришинче, орус армиясы ишемби күнү кечинде Курск облусунун Суджа шаарындагы мектеп интернатынын имаратына сокку урду. Имарат өткөн жылдын август айынан бери украин армиясынын көзөмөлүндө турган. Орусиянын Коргоо министрлиги соккуга украин аскерлерин айыптоодо.
Башкарылма авиабомба менен урулган сокку тууралуу алгач Суджада иштеп жаткан украин комендатурасы, андан кийин Украинанын куралдуу күчтөрүнүн (ВСУ) Башкы штабы кабар таркатты. Сокку маалында имаратта эвакуацияга камынып жаткан жай тургундар болгону айтылат.
Ишембинин кечинде Украина армиясынын Башкы штабы Суджадагы соккудан 4 киши курман болгонун, төртөө оор жарадар экенин жана 84 жабырлануучу канааттандырарлык абалда экенин кабарлады. Жеринде издөө-куткаруу иштери уланууда.
Мурдараак украин комендатурасынын өкүлү интернаттын имаратында 95 киши болгонун, негизинен кары-картаңдар жана майыптар экенин, алардын көпчүлүгү урандынын астында калышканын билдирген.
Башкы штаб имаратта ондогон адамдар, алардын ичинде аялдар жана балдар бар экенин билдирүүдө. Соккунун кесепеттерин көрсөткөн видеону дагы жарыялашты. Музыка менен коштолгон видеодо мектеп-интернаттын жарым-жартылай бузулган имаратынын сүрөттөрү көрүнөт.
Башкы штабдын маалыматында Суджадагы интернатка урулган сокку “орус бийлигинин жайкын калкка каршы кезектеги аскердик кылмышы” деп аталган.
Орусиянын Коргоо министрлиги бир нече сааттан кийин Суджадагы окуя боюнча өзүнүн маалыматын чыгарды. Мекеме интернатка урулган соккуну ырастап, бирок аны украин аскерлери жасаганын билдирди. Соккунун максаты чагым жасоо деп аталган. “Сумы облусунан душман ракета учурганын орус абага каршы коргонуу каражаттары байкаганы” айтылат. Мурдараак ушундай эле маалыматтар Орусиянын бир катар аскердик телеграм-каналдарында да пайда болгон. Украина тарап сыяктуу эле, Орусиянын Коргоо министрлиги дагы окуяны аскердик кылмыш деп атоодо.
Согуштан жана Суджада байланыштын жоктугунан улам тараптардын маалыматтарын ыкчам текшерүү мүмкүн эмес. Тараптар буга чейин да бири-бирин жарандык жайларга максаттуу сокку урууга айыптап келишкен