Жардыруу Согд облусунун борбору Хужанд шаарындагы милициянын имаратында болду. Эгер аны чын эле жанкечти жасаганы тастыкталса, бул окуя Борбор Азиядагы мамлекеттин тарыхындагы “алгачкы жанкечти жардыруусу” катары эсте калат.
Тажикстандын ички иштер министрлигинин расмий өкүлү Мухаммаджон Назриев ал тууралуу “Азаттыктын” тажик редакциясына: “Жанкечти машинеси менен катуу келип, уюшкан кылмыштуулукка каршы күрөшүү органынын Согд облустук бөлүмүнүн имаратын сүзүп кирди. Ал учурда полициянын эки машинеси киргенден кийин, дарбаза эми эле жабылып жаткан. Анан эле дүрмөттөлгөн машине жарылып кетти”, - деп билдирди.
Бирок министрликтин өкүлү Назриев ошол жардырууда чабуул койгон киши өлгөн-өлбөгөнүн тактаган жок. Айрым маалымат агенттиктери ал киши жанынан кечкенин кабарлашкан эле.
Назриевдин кабарына караганда, жардыруудан милициянын ага лейтенанты Аюбжон Махкамов оор жарааттан курман болду. Машине дарбазага урулган учурда имаратты кайтарып турган ага сержант Алижон Майокубов азыр каерде экени белгисиз. Ал жанкечтилердин машинесин токтотконго аракет кылганы айтылып жатат. Ал дагы өлгөн болсо керек дешет. Министрликтен кабарлашкандай, дүрмөттөлгөн унаанын ичинде эки адам болгон.
Жардыруудан милициянын имаратынын бир бөлүгү бузулуп, анын жанындагы имараттар, ошол жердеги оорукана да жарым жартылай кыйраганы кабарланды.
“Азаттыктын” Хужанддагы кабарчысынын айтымында, жардыруу болгон аймакты азыр милиция толугу менен курчоого алган жана журналисттерди киргизбей турат. Ал жерди сүрөткө же видеого тартам деген айрым кабарчыларды милиция кыска убакытка кармап, тасмаларын, камера, диктофондорун тартып алыптыр.
Исламчыл топ айыпталууда
Ички иштер министрлиги азыр бул чабуулду ишине тыйуу салынган Өзбекстан Ислам Кыймылы менен байланыштагы бирөөлөр жасаган деп жатат.
Лидерлери "Ал-Каида" террор уюму менен байланышта делген бул кыймыл негизи Тажикстанга 1992-97-жылдардагы жарандык согуш учурунда кирген деп айтылып жүрөт. Анткени ал өлкөнүн мурдагы исламий оппозициясынын согушкерлери менен байланышта болгон.
Акыркы жылдары тажик жетекчилери кыймылды өлкөдөгү бир топ чабуулдар үчүн айыптап келишти. Маселен, 2008 жана 2009-жылы түндүктөрү Исфара шаарында бир топ милиционерлердин киши колдуу болушуна ушул тыйуу салынган кыймылдын тийиштиги бар экени айтылды эле.
Мындан сырткары, 2006-жылы Кайракум түрмөсүнүн башчысын өлтүрүп, исламчыл топтун түрмөдө жаткан эки өкүлүн качырып жибергендер да ушул Өзбекстан ислам кыймылынан деп айыпташкан.
Кантсе да соңку жардыруу Душанбедеги түрмөдөн 25 адам качып кеткенден болгону эки апта өткөндөн кийин болуп жатат.
Хужанд өзү чоңдугу боюнча Тажикстанда Душанбеден кийинки экинчи шаар, борбор калаадан 350 чакырым түндүктө жайгашкан. Ал азыр – Согд облусунун борбору.
Бул – Кыргызстанга эң эле жакын болгон Тажикстандын ири шаары. Кыргызстандын Лейлек районунун Интернационал айылы менен Хужанд шаарынын аралыгы 20 чакырымга да жетпейт.
Тажикстандын ички иштер министрлигинин расмий өкүлү Мухаммаджон Назриев ал тууралуу “Азаттыктын” тажик редакциясына: “Жанкечти машинеси менен катуу келип, уюшкан кылмыштуулукка каршы күрөшүү органынын Согд облустук бөлүмүнүн имаратын сүзүп кирди. Ал учурда полициянын эки машинеси киргенден кийин, дарбаза эми эле жабылып жаткан. Анан эле дүрмөттөлгөн машине жарылып кетти”, - деп билдирди.
Жардыруу болгон Хужанд шаары менен Кыргызстандын Лейлек районундагы Интернационал айылынын аралыгы 20 чакырымга да жетпейт
Бирок министрликтин өкүлү Назриев ошол жардырууда чабуул койгон киши өлгөн-өлбөгөнүн тактаган жок. Айрым маалымат агенттиктери ал киши жанынан кечкенин кабарлашкан эле.
Назриевдин кабарына караганда, жардыруудан милициянын ага лейтенанты Аюбжон Махкамов оор жарааттан курман болду. Машине дарбазага урулган учурда имаратты кайтарып турган ага сержант Алижон Майокубов азыр каерде экени белгисиз. Ал жанкечтилердин машинесин токтотконго аракет кылганы айтылып жатат. Ал дагы өлгөн болсо керек дешет. Министрликтен кабарлашкандай, дүрмөттөлгөн унаанын ичинде эки адам болгон.
Жардыруудан милициянын имаратынын бир бөлүгү бузулуп, анын жанындагы имараттар, ошол жердеги оорукана да жарым жартылай кыйраганы кабарланды.
“Азаттыктын” Хужанддагы кабарчысынын айтымында, жардыруу болгон аймакты азыр милиция толугу менен курчоого алган жана журналисттерди киргизбей турат. Ал жерди сүрөткө же видеого тартам деген айрым кабарчыларды милиция кыска убакытка кармап, тасмаларын, камера, диктофондорун тартып алыптыр.
Исламчыл топ айыпталууда
Ички иштер министрлиги азыр бул чабуулду ишине тыйуу салынган Өзбекстан Ислам Кыймылы менен байланыштагы бирөөлөр жасаган деп жатат.
Лидерлери "Ал-Каида" террор уюму менен байланышта делген бул кыймыл негизи Тажикстанга 1992-97-жылдардагы жарандык согуш учурунда кирген деп айтылып жүрөт. Анткени ал өлкөнүн мурдагы исламий оппозициясынын согушкерлери менен байланышта болгон.
Акыркы жылдары тажик жетекчилери кыймылды өлкөдөгү бир топ чабуулдар үчүн айыптап келишти. Маселен, 2008 жана 2009-жылы түндүктөрү Исфара шаарында бир топ милиционерлердин киши колдуу болушуна ушул тыйуу салынган кыймылдын тийиштиги бар экени айтылды эле.
Мындан сырткары, 2006-жылы Кайракум түрмөсүнүн башчысын өлтүрүп, исламчыл топтун түрмөдө жаткан эки өкүлүн качырып жибергендер да ушул Өзбекстан ислам кыймылынан деп айыпташкан.
Кантсе да соңку жардыруу Душанбедеги түрмөдөн 25 адам качып кеткенден болгону эки апта өткөндөн кийин болуп жатат.
Хужанд өзү чоңдугу боюнча Тажикстанда Душанбеден кийинки экинчи шаар, борбор калаадан 350 чакырым түндүктө жайгашкан. Ал азыр – Согд облусунун борбору.
Бул – Кыргызстанга эң эле жакын болгон Тажикстандын ири шаары. Кыргызстандын Лейлек районунун Интернационал айылы менен Хужанд шаарынын аралыгы 20 чакырымга да жетпейт.
