Кочкор районуна караштуу Чолпон айылында 4150 шайлоо тилкесинде жана Кочкор айылындагы 4134 шайлоо тилкесиндеги урналар алмашылды. Урналар бюллетендерди кабыл албай калгандыктан акт түзүлүп, ордуна башка урналар коюлду.
Ысык-Көлдө шайлоо тилкелерине келген айрым жарандар добуш берүүдөн баш тартышты.
Бул тууралуу Борбордук шайлоо комиссиясынын аймакмагы өкүлү Айбек Сатиев "Азаттыкка" сүйлөп жатып билдирди.
"Таңдан бери облустагы бардык шайлоо тилкелери иштеп жатат. Элдин активдүүлүгү орто. Бирок мага айрым шайлоо тилкелеринин төрагалары, төрайымдары маалымат берген. Ага ылайык, кээ бир шайлоочулар референдумга байланыштуу добуш берүүдөн такыр эле баш тарткан. Ал эми айрымдары жергиликтүү кеңешти шайлоонун кажети жок деп эсептеген. Бул ар бир шайлоочунун өз укугу", - деди Айбек Сатиев.