Акылбек Жапаров: Кумшекер, ун, ж.б жашоого керектүү азык-түлүктү КНСтен бошоттук, бюджетке 580 млн. сом каражат түшпөй калды. Зарыл дары-дармекти алып келүүгө да КНС албай калдык. Андан 870 млн. сом бюджетке түшпөй калды. Ушунча каражаттан элибиз үчүн баш тарттык. Быйыл инфляция 9, 1 пайызды түздү. Эгер жогорудагы зарыл чараларды кабыл албасак, инфляция андан жогору болмок.
Акылбек Жапаров: Баткен облусун өнүктүрүү программасына 500 млн. сом бөлүндү. Кыргызстанда өнүгүүнүн экинчи борбору пайда болгону турат. Ал борбор Жалал-Абад болот деп турабыз. Бул шаардын Бишкекке атаандаш боло турган дараметин ачканга даярданып жатабыз.
Жыл сайын улам бир шаарды өнүктүргөнү жатабыз.
Акылбек Жапаров: Тоо-кен тармагындагы салыктык кирешелер 25,8 миллиард сомду түздү. Ал эми 2021-жылы 22,9 миллиард гана сом киреше алганбыз. Биз бир жылда чогулткан салыкты жарым жылда эле алдык. Мунун 75% ашыгын Кумтөр берди. Бул Кумтөрдү алганыбыздын биринчи жыйынтыктары. Бул биздин кирешебиз үчүн эң чоң булак болду. Калганын башка кендер берди. Мындан башка кендер дагы салмактуу киреше бере баштаганын көрүүгө болот. Мындан сырткары лицензияларды тартипке келтире баштадык. Лицензияларды бекер кармап отургандар лицензияларды кайра тапшыра башташты. Бүгүнкү күнгө карата 100дөн ашык лицензия мамлекетке тапшырылды. Лицензияны кармап туруу боюнча төлөмдүн суммасын көбөйттүк. Жарым жылдын жыйынтыгы боюнча 87% төлөндү, 213 миллион сомдон ашык каражат түштү. Суу ресурстарын кен иштетүүгө пайдалангандыгы үчүн бул жылы биринчи жолу акча төлөмдөрүн ала баштадык. 13-июлга карата 216 миллион сом түштү. Таза суулардын баасы мындан ары дагы өсөрүн белгилеп кетем.
Акылбек Жапаров: 2021-жылы 59, 2022-жылы 66 мектеп курулду. 120 мектеп жаңыланды, анын ичинен 104ү жаңы мектеп. Бишкекте ушу тапта 15 мектептин, бир бала бакчанын курулушу жүрүп жатат.