Каныбек Иманалиев: Мамлекет үчүн амбицияларды жыйыштыралы
- Президенттерди, депутаттарды кууп аткан өлкөдө парламент спикери болуш оңой эмес.
Биринчи жолу оппозиция, "Ата Мекен" спикерди колдоп атат. Анткени бүгүн талаша турган убак эмес.
Мына жакында АКШнын, Жапониянын медиасы "Кыргызстан эгемендигин жоготкону калды" деп жазды.
Ушул мүнөттөн баштап ким Сооронбай Жээнбековго каршы чыкса, мен аны Кыргызстандын душманы деп эсептейм. Башка мамлекетке уулуң кул, кызың күң болсо бул бийлигиң бир тыйын.
Бүгүнтөн баштап Кыргызстанда эки оппозиция бар. Бири сырткы күчтөр, бири алардан акча сураган саясатчылар жана криминалдар.
Бүгүн чөгөлөп туруп Кыргыз элинен кечирим сурайлы. Эгерде эртең кыргыз эли шайлоого барбагыла десе, мен ошого макулмун. Бир да партия коммунизм кура албайт. Партиялык, диний кызыкчылыктарды артка таштап, Кыргызстандын кызыкчылыгын биринчи орунга коелу.
Мамлекет үчүн амбицияларды жыйыштыралы, - деди Каныбек Иманалиев.
Бакирдин Субанбеков: Эл шайлаган депутат болгондон кийин элдин кызыкчылыгын коргойлу. Оор кырдаалда келип жатасыз. Беш күн иштегениңиз, беш жылга татыйт.
Элвира Сурабалдиев: 5-октябрда 20 миңдей кыргызстандык келди. Алардын көбү жаштар болду. Эмнеге мыйзам бузуулар, элди шылдыңдоо менен шайлоону өткөрдүңөр. Бүгүн миңдей адам ооруканада жатат. Төраганын фондунда 30 млн. сом бар. Ошондон жардам берүү керек.
Мен да кворум үчүн келдим. Газ менен, желим октор менен өз элин аткан бийлик, ИИМ моралдык жоопкерчиликти сезиши керек.
Айрым депутаттар жыйынга катышпай чыгып кетишти. Алар муну протесттик маанай эмес, иши чыгып калып кетип жатышканын айтышты. Элвира Сурабалдиева муну "уккусу келбегени үчүн чыгып кетти" деп мүнөздөдү.