АКШ Кыргызстандагы конституциялык тартиптин коопсуздугуна кабатыр
Мындай билдирүүнү АКШнын Кыргызстандагы элчилиги бүгүн, 13-октябрда таратты.
Билдирүүдө: «Америка Кошмо Штаттары Кыргызстандагы тынчтык менен демократиялык өзгөрүүлөрдү колдойт. Толугу менен ачык көрүнүп тургандай, демократиялык процесстердин жолунда турган бөгөттөрдүн бири – уюшкан кылмыштуу топтордун саясат менен шайлоого таасир этүү аракети.
Буга 4-октябрь күнү шайлоодогу добуш сатып алуу, 9-октябрда Ала-Тоо аянтындагы зомбулук жана коркутуу жана ошондой эле 10-октябрдагы парламенттик жыйындагы эреже бузуу далил болуп турат», - деп жазылган.
Кошмо Штаттар президент Жээнбековдун, саясий лидерлердин, жарандык коомдун жана мыйзам талдоочу окумуштуулардын өлкөнүн саясий турмушун мыйзам жолуна кайтаруу аракетин колдой турганы жазылган.
Өлкөдө уюшкан кылмыштуулук менен коррупциянын саясатка тийгизген таасирине каршы күрөштү улантуу зарыл экендиги белгиленген.
Мындан тышкары АКШ элчилигинин билдирүүсүндө: «Кыргызстандын Конституциясын аткаруу жана мыйзам үстөмдүгү башкы максат болууга тийиш. АКШ кыргыз элин колдоп, Кыргызстандын бардык кошуналарын жана эле аралык өнөктөштөрүн өлкөнүн эгемендигин урматтоого чакырат. Анткени кыргыз эли бул маселелерди чечиш үчүн зомбулуксуз жана өз алдынча иш алып барууда», - деп жазылган.
Спикерликке көрсөтүлгөн Канат Исаев президент иштеши керек экен, өлкө мыйзамдуу нукка түшкөнгө чейин иштеши керетигин айтты. Ал мөөнөтү бүтүп бараткан парламенттин спикери президенттин милдетин аткара албасына токтолду.