Депутат Иманалиев: Азыркы кырдаалда криминал гана утушка ээ болууда
Жогорку Кеңештин депутаты Каныбек Иманалиев 4-октябрда өткөн парламенттик шайлоодогу мыйзамсыздыктан криминалдык күчтүн лидерлери гана утту деп эсептейт. Мындай пикирин ал 13-октябрда журналисттердин суроосуна жооп берип жатып билдирди.
Депутаттын пикиринде, 500 миңдей шайлоочу №2 форма менен добуш бергени партиялар алардын добушун сатып алган дегенди түшүндүрөт.
«Чоң чырдын башы №2 форма болду. Шайлоо мыйзамына чукул өзгөртүү киргизишибиз керек. Бүгүнкү катастрофа кайталанбашы зарыл. Бүт дүйнөгө уят болдук. Эч ким уткан жок, мында. Президент да, оппозиция да, парламент да, өкмөт да, партия да. Уткан ким болду? Криминалдык күчтүн лидерлери утту. Ошолор ар кайсы жерде таасир көрсөтүп, мыйзамсыз иштерге барып...»
Борбордук шайлоо комиссиясы (БШК) жарым миллионго чукул шайлоочу №2 форма менен добуш бергенин расмий жарыялаган.
Кезектеги парламенттик шайлоодон кийин Кыргызстан саясий кризисте турат. Шайлоодо бийликчил партиялар добуштардын көпчүлүгүнө ээ болгону коомчулук жана башка партиялар арасында күмөн жараткандыктан, 5-октябрда нааразылык митинги башталып, ал бийликтин легитимдүүлүгүнө күмөн жараткан жагдайды түзгөн окуялар менен уланды.
Кийин БШК бул шайлоонун жыйынтыгын жокко чыгарган.
Депутат Садык Шер-Нияз Канат Исаевге "жеке амбиция эмес, мамлекеттин кызыкчылыгын жогору коеруңузга ишенем" деп айтты.
Иса Өмүркулов: Азыр оор абалда турабыз. Мамлекет үчүн өтө кооптуу мезгилде турабыз. Парламенттин ушундай учурда туруктуулукту камсыздап берүүгө толук укугу бар. Ар бир депутаттын билими, амбициясы бар. Мамлекет үчүн, эл үчүн, стабилдүүлүк үчүн ушул абалдан чыгып кетүү үчүн Канат Кедейкановду спикерликке шайлоого чакырып кетем.
Дастан Бекешев: Сиз шайлоого катышасызбы? Катышсаңыз, административдик ресурсту, каражатты колдонобуз.
Канат Исаев: Шайлоого чейин 6-чакырылыштын мөөнөтү деле аяктап калды. Аны көрөбүз. Балким партиялаштар башка партияларга бөлүнөбүз.