Алтынбек Сулайманов: Кечээ мага жаштар келди, ушул трибунадан айтып кой дешип.
Жаштар "5-октябрда биз эмнеге көчөгөн чыктык? Шайлоонун жыйынтыгын жокко чыгаргыла дедик. Ошол орундалды. Андан бери үч жолу премьер, эки жолу спикер шайладыңар" дешти.
Жаштардын азыр үч талабы бар. Күрөө, шайлоо босогосу, анан №2ни жокко чыгаруу. Ошону укпай 7% менен келсек, 5-октябрдагы дагы окуя кайталанбайт деген кепилдик жок.
Садыр Жапаров: Түндө мен мыйзамдарды карап чыктым. Мыйзам нугунан чыкпашыбыз керек экен. Бир мандаттуу деген туура эмес экен. Эгер биз шайлоону өткөрүшүбүз керек. 3% пайыз демекчи, аны 5% кылса болчудай экен.
Төрөбай Зулпукаров: Мен 11% колдоп келгем. Ал оюман кайттым. Аны 3% түшүргөн туура экен. Анан люстрация. Эл ошону күтүп турат. Анан эки жолу депутат болгон адам кайра шайланбасын деген сунуш киргизгим келет.
Жогорку Кеңеште Жээнбековдун кыйын кырдаалдагы кадамдары бааланууда
Жогорку Кеңештин төрагасы Канатбек Исаев парламентте сүйлөгөн сөзүңдө кызматын өткөрүп берип жаткан президент Сооронбай Жээнбековго өлкө кыйын кырдаалда турганда башка президенттердей болбой, элдин жанында болгону үчүн ыраазчылык билдирди:
"Өлкөбүздү, элибизди канга боебой, өз ыктыяры менен баш тартканын эске алып, мыйзамдарда өлкө башчылар үчүн каралган кепилдиктер Сооронбай Шариповичке (Жээнбеков-ред.) ыйгарылса деп ойлойм."
Ушул эле жыйында депутаттык ишине кайрадан киришкен "Ата-Мекен" партиясынын лидери Өмүрбек Текебаев өз сөзүндө кыргызстандыктарды Сооронбай Жээнбековду кордобоого чакырды
Текебаев "Мен кыргызстандыктарга кайрылгым келет, кызматтан кеткен президент Сооронбай Жээнбековду кордогонго жол бербейли. Ал өз иши үчүн тарых алдында, мыйзам алдында жооп берер", - деп айтты.
Анын алдында парламентте Жээнбеков президент катары акыркы сөзүн сүйлөп, депутаттар анын отставкасын кабыл алышкан.
Соңку күндөрү Бишкекте өтүп жаткан митингдерде Жээнбековдун кетиши талап кылынып, анын дарегине көп сын-пикир айтылган.
"Өлкөбүздү, элибизди канга боебой, өз ыктыяры менен баш тартканын эсве алып, мыйзамдарда каралган өлкө башчылар үчүн каралган кепилдиктер Сооронбай Шариповичке (Жээнбеков-ред.) ыйгарылса деп ойлойм."
Кыргызстанда 4-октябрда кезектеги парламенттик шайлоо өткөн. Анын жыйынтыгына нааразы саясий партиялар эртеси күнү Бишкекте митинг өткөрүп, башаламандык башталган. 15-октябрда президент отставкага кетерин жарыялаган. Ошол эле күнү премьер-министр Садыр Жапаров мамлекет башчынын да милдетин аткарарын, себеби парламент спикери Канатбек Исаев бул милдетти аткаруудан баш тарканын жарыялаган.