Бакирдин Субанбеков: Эл шайлаган депутат болгондон кийин элдин кызыкчылыгын коргойлу. Оор кырдаалда келип жатасыз. Беш күн иштегениңиз, беш жылга татыйт.
Каныбек Иманалиев: Мамлекет үчүн амбицияларды жыйыштыралы
- Президенттерди, депутаттарды кууп аткан өлкөдө парламент спикери болуш оңой эмес.
Биринчи жолу оппозиция, "Ата Мекен" спикерди колдоп атат. Анткени бүгүн талаша турган убак эмес.
Мына жакында АКШнын, Жапониянын медиасы "Кыргызстан эгемендигин жоготкону калды" деп жазды.
Ушул мүнөттөн баштап ким Сооронбай Жээнбековго каршы чыкса, мен аны Кыргызстандын душманы деп эсептейм. Башка мамлекетке уулуң кул, кызың күң болсо бул бийлигиң бир тыйын.
Бүгүнтөн баштап Кыргызстанда эки оппозиция бар. Бири сырткы күчтөр, бири алардан акча сураган саясатчылар жана криминалдар.
Бүгүн чөгөлөп туруп Кыргыз элинен кечирим сурайлы. Эгерде эртең кыргыз эли шайлоого барбагыла десе, мен ошого макулмун. Бир да партия коммунизм кура албайт. Партиялык, диний кызыкчылыктарды артка таштап, Кыргызстандын кызыкчылыгын биринчи орунга коелу.
Мамлекет үчүн амбицияларды жыйыштыралы, - деди Каныбек Иманалиев.
Төрөбай Зулпукаров: Сиз өкмөт башчы менен иштешиңиз керек. Анын курамын легитимдештирип бериңиз. Азыркы курамды колдоп беришиңиз керек.
Мирлан Жээнчороев: Элдин ызасы, элдин коррупционер менен бандиттердин бийлигине каршы чыкканы бешиндеги окуяга алып келди. Бүгүн сиз адилетсиздикти жоюуга аракет кылыңыз. Темирлан Султанбеков, Курсан Асановду бошотушуңуз керек. Эгер адилетсиздик улана берсе, бийликтин өмүрү кыскара берет.
Канат Кедейканович, сиз адилетсиздикти көргөнсүз. Абакта жаткансыз. Кошоматчылар ошол кезде качып кеткен. Жаныңызда биз калганбыз. Кошоматчылардын өмүрү кыска болот. Аны азыр да көрүп жатабыз. Ошол себептүү сиз калыс, адилет болушуңуз керек.