Май куйган жайда кыйылган кырчын өмүр

Оштогу "Россия" май куюучу бекетте электрик болуп иштеген 23 жаштагы Нарынбек Мурзаканов март айында иш учурунда токко урунуп, набыт болгон. Атайын түзүлгөн комиссия кырсыкка маркум иштеген май куюучу бекеттин айыбы 60% деген тыянак чыгарып, иш берүүчүнү маркумдун үй-бүлөсүнө 864 миң сом кенемте төлөп берүүгө милдеттендирген. Ишкана жетекчилиги кенемтени төлөөдөн баш тартып, сотко кайрыларын айтууда.