Кыргызстандыктарды тазалык, тартипке чакырган жаңы мыйзамдар коомдо кызуу талкууланып жаткан кез. Негизинен кеп айып акынын көлөмү гана туурасында болуп, тартип үчүн жеке жоопкерчилик, эрежени сактоо жагына көңүл бурган киши жок. Ал арада “Тазалык” ишканасынын жумушчулары күн сайын борбордон 500 тонна таштанды чыгарып, шаар тургундары уйкудан ойгонгуча көчөлөрдү иретке келтирүү менен алек. Алардын бири - Турат Жаныбеков.