Кыргызстандын жаңы шайланган президенти Сооронбай Жээнбековдун ант берүү аземине экс-президент Роза Отунбаева келген жок. Инаугурация "Ала-Арча" мамлекеттик резиденциясынын "Энесай" аземинде өттү. Ага жалпы 450дөй конок чакырылганы айтылган. Катышкандардын арасында мурдагы президент Роза Отунбаева, Убактылуу өкмөттүн көптөгөн мүчөлөрү көрүнгөн жок.
Отунбаева салтанатка чакырылганбы же жокпу белгисиз. Президенттик аппараттан, инаугурацияны уюштуруу комитетинен жана Роза Отунбаеванын өзүнөн бул маалыматты тактоого мүмкүнчүлүк боло элек.
2010-жылы референдум аркылуу шайланып келген өткөөл мезгилдин президенти Роза Отунбаева 2011-жылы 1-декабрда Алмазбек Атамбаевге бийликти өткөрүп берген.