Жаңы кызматка киришкен Сооронбай Жээнбековдун инаугурациясы соңуна чыкты.
Президент Соорнбай Жээнбеков менен Алмазбек Атамбаев Жогорку Кеңештин алдында Улуттук гвардиянын аскерлеринин парадын кабыл алды.
Ант берүү аземи 24-ноябрда саат 10:00дө "Ала-Арча" мамлекеттик резиденциясынын «Энесай» залында башталды. Инаугурацияга 450 киши чакырылды. Бул салтанатка жалпысынан 8 млн 404 миң сом сарпталары кабарланды. Кыргызстанда мамлекет башчы алты жылга шайланат. Ушуну менен экинчи ирет өлкөдө президент тынч жол менен алмашууда. 2010-жылы референдум аркылуу шайланып келген өткөөл мезгилдин президенти Роза Отунбаева 2011-жылы 1-декабрда Алмазбек Атамбаевге мамлекет башчылык кызматты өткөрүп берген.