Уюштуруучулардын маалыматында курултайга 28 саясий жана коомдук уюмдар, 19 партиянын өкүлдөрү катышууда.
Президенттик аппараттын өкүлү Алмаз Кененбаев: Курултай элди бириктириши керек. Баарыбыз мамлекетибизди көздүн карегиндей сактоого милдеттүүбүз. Ал коомдогу бардык маселелерди ачык талкуулоого аянт болуп бериши керек. Курултайда айтылган сын пикирлер, сунуштар мамлекет башчыга жеткирилет жана тыкыр текшерилет. Мамлекет башчы коррупцияга каршы жүрөштү жүргүзүп жатат. Анын жыйынтыгын көрүп жатасыңар. Мамлекетибизди бириктүү идеясы баарыбызды бириктириши керек.
Курултайдын жүрүшү
Азимбек Бекназаров: Мурдагы айрым аткаминерлер улам жаңы келген президенттердин коюн-колтугуна кирип, коррупциянын үрөнүн себишкен. Алардын Сапар Исаковдон, Жантөрө Сатыбалдиевден эмне айырмасы бар? Азыркы президенттин дагы бир иши: ал ушул коррупция менен күрөшүп жатканы. Бирок коррупция менен күрөшүү тандалма жүрүп жаткандай сезилүүдө.