Исмаил Исаков: Сооронбай Жээнбековду бийликке Атамбаев алып келген эмес. Аны эл алып келген. Мен да колдогом. Алмазбек Атамбаевдин "шайлоого чейин Сооронбай Жээнбековду элдин үч пайызы эле колдочу" дегени туура эмес. Аны ошол кезде элдин 50 пайызы колдогон.
Айбек Мырза: Сооронбай Жээнбековдун да кемчиликтери бар. Бул киши сындан коркпошу керек. Кадр саясатын терең ойлонуп жүргүзбөсө болбойт.
Жарандык активист Айбек Мырза: Бул парламент Сапар Исаковду шайлаган. Азыркы премьер-министр Мухаммедкалый Абылгазиевди шайлады. Депутаттардын ишине да баа берилиши керек. Жалаң бизнесмендер келип алып, үн чыгаргандан коркуп отурушат.
Акматбек Келдибеков: Мамлекеттик органдарда жоопкерчилик болбой жатат. Акыркы алты жылда Кумтөрдөн 120 тонна алтын казылып кетти. Кумтөр боюнча келишимди эч коркпой туруп дененсациялоо керек эле. "Кыргызгаз" да элдин байлыгы. Биз мамлекеттүүлүктү унутуп жатабыз. Биз ошол мамлекеттин өзөгүн түзгөн байлыктардан айрылып жатабыз.