УКМК: Чотонов боюнча тергөө аракеттери жүрүүдө
“Ата Мекен” фракциясынын лидери Өмүрбек Текебаевге кылмыш иши козголгонуна байланыштуу УКМК Дүйшөнкул Чотонов боюнча да тергөө аракеттерин жүргүзүп жатат.
УКМКнын маалымат кызматы кабарлагандай, айрым бир жагдайларды тактоо үчүн Чотонов УКМКга алынып келинди.
Дүйшөнкул Чотоновду бүгүн таңкы саат 6.30дарда үйүнөн кармап кетишкенин жакындары кабарлаган.
25-февралда Башкы прокуратура оппозициядагы «Ата Мекен» фракциясынын лидери Өмүрбек Текебаевге карата кылмыш ишин козгогон. Аны 26-февраль таңда Венадан Европа Кеңешинин Парламенттик ассамлеясынын жыйынынан Бишкекке учуп келгенде Бишкектеги аба майдандан УКМК кармаган эле.
Учурда Текебаев Коопсуздук органынын убактылуу кармоочу жайында 48 саатка камакка алынды.
Башкы прокуратура Текебаевди 2010-жылы «Альфа Телеком» компаниясы боюнча орус ишкери Леонид Маевскийден 1 миллион доллар пара алган деп айыптоодо.
Мындан соӊ Леонид Маевскийдин бул иш боюнча видео тасмасы интернетке тараган.
Анда Маевский 2010-жылы Өмүрбек Текебаев жана анын партиялашы Дүйшөнкул Чотонов менен бир нече жолу жолукканын жана 1 миллион доллар бергенин айтып берген.
Дүйшөнкул Чотонов буга чейин Өзгөчө кырдаалдар министри, Кыргызстандын Түштүк Кореядагы элчиси болуп эмгектенген.
Чотонов бул иш боюнча коюлган айыпты четке кагууда.
Өмүрбек Текебаев өзүнө карата козголгон иш УКМК тарабынан атайын пландалганын билдирген. Ал акыркы айларда Атамбаевдин байлыгын, айрыкча 2010-жылдан кийинки киреше-чыгашасын иликтеп жүргөн жана президентке импичмент жарыялоо демилгесин да көтөргөн.
Карамушкина: топтолгон фактылар Текебаевдин күнөөсүн далилдейт
Камакка алынган «Ата Мекен» фракциясынын лидери Өмүрбек Текебаевге козголгон кылмыш иши боюнча топтолгон фактылар анын күнөөсүн далилдейт. Бул тууралуу бийликтеги Социал-демократтар фракциясынын депутаты Ирина Карамушкина «Азаттыкка» билдирди.
Анын оюнча, Текебаевдин бул коррупциялык иштерге катышы тууралуу маалыматтар буга чейин эле айтылып жүргөн. Акыркы күндөрдөгү көрсөтмөлөр аны тастыктап жатат.
Карамушкина Текебаев күнөөсүз экенин сотто далилдеши зарыл деген пикирин кошумчалады.
Бүгүн таңкы саат 3төрдө “Манас” аэропортуна Түркиядан конгон учактан “Ата Мекен” фракциясынын лидери Өмүрбек Текебаевди УКМК кызматкерлери кармап кеткен жана ал 48 саатка камакка алынганы кабарланган.
25-февралда Башкы прокуратура “Ата Мекен” фракциясынын лидери Өмүрбек Текебаевге Кылмыш-жаза кодексинин “коррупция” жана “алдамчылык” беренелери боюнча УКМКдан келген материалдардын негизинде иш козгогон. Башкы көзөмөл органдын маалыматында Текебаев орусиялык жаран Леонид Маевскийден 2010-жылы бир млн доллар алып, “Мегаком” сатылгандан кийин каражатты кошумчасы менен кайтарып берерин айткан.
Өмүрбек Текебаев өзүнө карата козголгон иш УКМК тарабынан атайын пландалганын билдирген. Ал акыркы айларда Атамбаевдин байлыгын, айрыкча 2010-жылдан кийинки киреше-чыгашасын иликтеп жүргөн жана президентке импичмент жарыялоо демилгесин да көтөргөн.
Текебаевге козголгон кылмыш иштин алкагында Дүйшөнкул Чотонов да кармалды. 2010-жылдан кийин Өзгөчө кырдаалдар министри, Кыргызстандын Түштүк Кореядагы элчиси болуп эмгектенген Чотонов бул иш боюнча коюлган айыпты четке кагууда.
УКМК: Текебаев боюнча тергөө аракеттери жүрүүдө
Бүгүн «Манас» аэропортунда кармалган «Ата Мекен» фракциясынын лидери Өмүрбек Текебаев боюнча УКМК тергөө аракеттерин жүргүзүүдө. Бул тууралуу аталган органдын расмий өкүлү Рахат Сулайманов «Азаттыкка» билдирди. Анын айтымында, тергөө аракеттери жүрүп жаткан учурда Текебаев аталган органда кармалат.
Бүгүн таңкы саат үчтөрдө “Манас” аэропортуна Түркиядан конгон учактан “Ата Мекен” фракциясынын лидери Өмүрбек Текебаевди УКМК кызматкерлери кармап кетти. Мындан соӊ УКМКнын имаратына алып келинген. Текебаевдин адвокаты саясатчынын 48 саатка камакка алынганын билдирген эле.
25-февралда Башкы прокуратура “Ата Мекен” фракциясынын лидери Өмүрбек Текебаевге Кылмыш-жаза кодексинин “коррупция” жана “алдамчылык” беренелери боюнча УКМКдан келген материалдардын негизинде иш козгогон. "Ата Мекен" партиясынын депутаттары бул айыптарды "саясий куугунтук" деп мүнөздөшүүдө.
