Текебаев: Кыргызстандан тонналаган алтын чыгарылып кеткен

«Ата Мекен» партиясынын лидери Өмүрбек Текебаевге түрмөдөн убактылуу которулуп келип, Улуттук кардиология борборунда дарыланып жаткан жеринен жолуктук. Ал «Азаттыктын» кабарчысына саламаттыгы, маанайы, экс-президент Алмазбек Атамбаевге карата мамилеси, Кыргызстандан чыгарылган миллиондор жана алтындар, Дача-СУ окуясы тууралуу маек курду. Текебаев 2017-жылы орусиялык жаран Леонид Маевскийдин көрсөтмөсүнүн негизинде коррупцияга байланыштуу айыпталып, сегиз жылга кесилген.