Муз-Тоонун этегиндеги алыскы айылда алгачкы мектеп ачкан жазуучу Аким Кожоев азыр Бишкекте жашайт. Жакында ал киндик каны тамган Жерге-Талдагы Депшаар же Дөөлөрдүн шаары деген айылында болгондо ага Жаңыл Жусупжан барып жолугуп, жазуучу менен анын мектебин, кароосуз калган атасы тиккен бакты кыдырып, Кыргызстанга кетебиз деп ыргылжың жашоону башынан өткөрүп жаткан ветеринар агасынын үйүндө болуп, маек курду.
Өз публицистикасында бүгүнкү күндүн урунттуу темаларына көп кайрылып келаткан Аким Кожоев кебин Депшаар айылын алгач сел басып, кийин сталиндик репрессияда айыл тургундары жапырт алыскы Шаартуз чөл аймагына көчүрүлгөн тайкы тагдырын сүрөттөөдөн баштады:
