Митингде резолюция кабыл алынды. Анда өкмөттү кетирүү, саясий куугунтукту токтотуу, парламентти таркатуу ж.б. талаптар камтылган. Чогулгандар резолюцияны ишке ашырууга бийликке эки ай мөөнөт берди. Эгер эки ай ичинде талап аткарылбаса, массалык митингдер башталарын эскертишти.
"Ата Мекен" фракциясынын лидери Алмамбет Шыкмаматов бүгүнкү митинг тууралуу мындай пикирин билдирди.
"Алмазбек Атамбаев азыр оппозиция эмес, ультра-радикал оппозиция болуп турат. Саясий кризис чынында бар. Эл арасында бөлүнүү да бар. Мен жакында эле Нарындан келдим. Элдин пикири ар кандай болуп жатат. Ошондуктан күч органдары тез аранын ичинде чара көрүп Атамбаевдин күнөөсү барбы же жокпу деп элден сурашы керек. Ошого жараша бар болсо бар, жок болсо жок деп маселеге чекит коюшу зарыл", - деди Алмамбет Шыкмаматов.