БШК: Шайлоочулар активдүү добуш берүүдө
БШК саат 10:00гө карата үч шаардагы кайра шайлоого катышкандар апрель айына караганда көп экенин билдирди. Добуш бергендер апрель айына салыштырмалуу 8 808 шайлоочуга көп, же 1,37% жогору.
Ал эми шаарлар боюнча караганда абал төмөнкүдөй:
Бишкек – 4 649 шайлоочуга.
Ош – 2 829 шайлоочуга көп.
Токмок – 1 267 шайлоочуга көп.
Боршайком саат 10:00гө карата 35 506 шайлоочу добуш бергенин билдирген. Бул шайлоочулардын 5,75% түзөт. Бишкекте 17 569 (4,12%), Ошто 14 868 (9,74%), Токмокто 3 069 (8,06%) шайлоочу добуш берген.
Расмий маалымат боюнча, үч шаарда шайлоочулардын тизмесине 617 миң 517 шайлоочу киргизилген. Бишкек шаарында 426 миң 699, Ошто 152 миң 718 жана Токмокто 38 миң 100 шайлоочу.
Ошто бюллетенди тытып салган шайлоочу мындай кадамга башка партияны белгилеп алгандыктан барганын айтты.