Садыр Жапаров Жогорку Кеңештин кезексиз жыйынында Кыргызстандын өкмөт башчысы болуп шайланды.
Садыр Жапаров өкмөттүн программасы да, курамы да азырынча өзгөртүлбөй турганын, азыр иштеп жаткандардын баары ордунда кала берерин билдирди.
Вице-премьер-министр Эркин Асрандиев бул өкмөттүн курамы менен иштебей турганы белгилүү болду.
Садыр Жапаров Кумтөр кенин мамлекетке кайтаруунун зарылчылыгы жок экенин ушул жыйынында айтты. Ал бул идеяны сегиз жыл мурда көтөргөнүн, азыр анын мааниси кеткенине токтолду.
Журналисттердин бир топ суроолоруна жооп берди.
Садыр Жапаров: Жакын арада жаштарды бийликке кошобуз. Саясий күчтөрдү бириктиргенге аракет кылам.
Садыр Жапаров: Биз баары менен сүйлөштүк. Биригели деген сөздөр болду. Бирок баары эле кызматты көздөйт экен.
Садыр Жапаров: "Спутникке" баргандар менин тарапташтарым эмес. Алар биздин оппоненттерибиз. Кечээ Алмазбек Атамбаевдин машинесин аткандар өзүнүн балдары болуп чыкты.
