Бажы кызматынын төрагасынын мурдагы орун басары Райымбек Матраимовдун Кыргызстандын ичиндеги кылмыштары боюнча иш изилденип бүттү, эми анын тышкы аткезчилик байланыштары боюнча өзүнчө иш ачылып, тергелүүдө. Бул тууралуу 24-декабрда журналисттердин суроосуна жооп берип жатып Улуттук коопсуздук боюнча мамлекеттик комитеттин (УКМК) төрагасы Камчыбек Ташиев билдирди:
“Эми Матраимовго сырт жактан кылган кылмыштары, башка өлкөлөр (Кытай, Өзбекстан, Казакстан, Орусия ж.б.) менен аткезчилиги боюнча жаңыдан кылмыш ишин ачып, ошону тергей баштадык. Эми биз сырт жакка чыгабыз. Анын сырттагы кайсы бир мүлкү болсо ошолорду да тактайбыз. Дубайда, Америкада, Европада мүлкү бар деп жатат. Матраимов үй камагында калат. Аны өлкөдөн чыгарбайбыз иштер такталып бүткүчө”.
Улуттук коопсуздук боюнча мамлекеттик комитет (УКМК) Матраимов кармалганын 20-октябрда кабарлап, ал өзү жана бажыдагы башка кызмат адамдары 2016-жылдын башында бажы системасында коррупциялык схема түзүшкөнүн, мамлекетке өзгөчө чоң өлчөмдө зыян келтирген бул схема азыркыга чейин иштеп турганын билдирген.
Ошол эле күнү сот Матраимовду тергөө менен кызматташканы үчүн эч жакка кетпөө жөнүндө тилкат жазып берүүгө милдеттендирип бошоткон.
Ташиевдин айтымында, бул айып боюнча Матраимов күнөөсүн моюнуна алып, мамлекетке төгө турган 2 миллиард сомду толук кайтарып бүттү, иш жакында сотко жөнөтүлөт. Далилдерге ал күнөөсүн моюнуна алганы, тергөө менен кызматташып, толук көмөктөшкөнү жана кылмыштын башка да катышуучуларынын жүзүн ачканы себеп болду.
Шайлоодон кийин ден соолугумду чыңдоо үчүн чет өлкөгө барам. Диагнозум тууралуу айта албайм.
Урматтуу журналистер! Менин тынчымды албагыла. Интервью бер деп сурабагыла. Бардык маалыматтар УКМКнын басма сөз кызматы аркылуу чыгат. Жаңы жылда бизде жаңы, жакшы президент болот деп ойлойм.
Садыр Жапаров мен үчүн негизги талапкер эмес. Мен үчүн бардык талапкерлер бирдей. Ал менин ушул өмүрдө тапкан жакшы досум. Экөөбүздү алла таалам гана ажыратышы мүмкүн. Эч кандай чагымчылар ажырата албайт.