АКШ президенти Жо Байден Израил менен ХАМАСтын куралдуу жаңжалында гуманитардык тыныгуу жарыялоону колдорун билдирди. Миннесота штатында элдин арасынан берилген суроого жооп кайтарып, президент: "Тыныгуу керек деп ойлойм", -деди.
"Туткунда кармалып жаткандарды чыгаруу үчүн убакыт берүүгө тыныгуу зарыл экенин" тактай кетти.
Кийинчерээк Ак Үйдүн өкүлү Байден туткундарды эмес, ХАМАС 7-октябрда кармап кеткен барымтадагы кишилерди айтканын түшүндүрдү.
Президент азыркы кырдаал израилдиктер жана мусулман дүйнөсү үчүн «өтө татаал» деп айтты.
«Мен «эки мамлекет» формуласын колдойм. Эң башынан эле колдоп келгем. ХАМАС террордук уюм, ачыктан-ачык террордук уюм», - деп билдирди АКШ лидери. Муну менен катар гуманитардык жардамдын үстүнөн иштеп жатканын, Израилдин премьери Биньямин Нетаньяхуну жана Египет президенти Фаттах ас-Сисини Газага гуманитардык жүк жеткирүүгө уруксат берүүгө көндүргөнүн белгиледи. Ошол эле маалда ал ок атышууну толук токтотууну колдогон жок.
Буга чейин Байден жана Ак үйдүн өкүлдөрү Израилге жоочуларга каршы согушту кандай жүргүзүү керектигин таңуулабасын билдиришкен.
«Свобода» радиосу жазганына караганда, америкалык президент укук коргоочулардын, дүйнө лидерлеринин жана демократтар партиясындагы либералдардын кысымына туш болууда. Алардын пикиринде, Израилдин Газаны бомбалоосу коллективдүү жазалоо болуп эсептелет жана муну токтотуу зарыл.
Анклавды башкарган ХАМАС радикал тобу 7-октябрда Израилге кол салгандан кийин жөөт армиясы Газаны камоолго алып, бомбалап, бир нече күн мурун жерде операция баштаган.
Газанын Саламаттык сактоо министрлиги жаңжал башталгандан бери 8,5 миңден ашуун киши каза тапканын, көбү балдар менен аялдар экенин билдирди.
Израил тараптагы жоготуулар 1400 киши деп кабарланган. Барымтага алынган 250дөй киши Газада кармалууда.
Израил шейшемби жана шаршемби күндөрү Газадагы Жабалия качкындар лагерине абадан сокку урганда ХАМАСтын эки аскердик командачысын жок кылганын билдирди. Бул тууралуу "Рейтерс" агенттиги жазды.
Маалыматка караганда, Израил радикал топ командалык борборун жана “террордук инфраструктурасын калк жашаган имараттардын айланасына жайгаштырып, элди кооптуу абалга атайлап кептеген”, - деп айтты.
БУУнун Адам укуктары боюнча комиссары Израилдин “пропорционалдуу эмес соккулары согуш кылмыштарына жакындашы мүмкүн” деген камтамасын билдирди.
Газаны башкарган ХАМАСтын басма сөз кызматы Жабалияда эки соккудан кеминде 195 палестиналык каза тапканын, 120 кишинин дайыны белгисиз болуп жатканын, 777 киши жараат алганын жазды.
Анклавды башкарган ХАМАС радикал тобу 7-октябрда Израилге кол салгандан кийин жөөт армиясы блокадага алган Газаны бомбалап, бир нече күн мурун жерде операция баштаган. Эл аралык уюмдар тилкедеги гуманитардык абалга тынчсызданууда.
Газанын Саламаттыкты сактоо министрлиги жаңжал башталгандан бери 8 миң 796 киши каза тапканын, 3 жарым миңден ашууну балдар экенин билдирди.
Израил тараптагы жоготуулар 1 миң 400 киши деп кабарланган, алардын 300 чактысы аскерлер.
Ал тапта чет өлкөлүк жарандардын дагы бир тобу Газадан Египетке чыгып кетүүгө даярданууда. Израил, Египет жана ХАМАС тобу Катардын арачылыгы менен жетишкен макулдашуунун алкагында 1-ноябрда 350 чет элдик жана жарадар болгон газалыктар согуш аймагынан чыгарылган.
Газадан эвакуацияланган карапайым кишилердин алгачкы тобу Египетке келди. Куралдуу жаңжал башталгандан бери тилкеде камалып калган чет элдик жарандарды жана жарадарларды Рафах чек ара бекетине жеткиришти.
Катардын ортомчулугу менен жетишилген макулдашууга ылайык, Египет менен Газанын ортосундагы Рафах чек ара пункту чет элдиктерди жана изралдиктердин аба соккуларынан жарадар болгон ондогон жергиликтүү кишилерди чыгаруу үчүн шаршембиде убактылуу ачылган. 1-ноябрда ал жерден 500 кишинин өткөрүлөрү кабарланган.
“Рейтерс” агенттиги жазганына караганда, гуманитардык жааттагы мындай алга жылууга карабай, Израилдин согуштук учактары, кемелери жана артиллериясы Газага сокку урууну улантып жатат. Палестинанын жашоочулары жайкын адамдар арасындагы көптөгөн жоготуулар тууралуу айтышууда.
Ооруканалар күйүүчү майдын тартыштыгынан жапа чегип келатат. Тилкедеги гуманитардык абалды эл аралык уюмдар «апаат» деп сүрөттөшөт.
Анклавды башкарган ХАМАС радикал тобу 7-октябрда Израилге кол салгандан кийин жөөт армиясы блокадага алган Газаны бомбалап, бир нече күн мурун жерде операция баштаган.
Газанын Саламаттыкты сактоо министрлиги жаңжал башталгандан бери 8 миң 796 киши каза тапканын, 3 жарым миңден ашууну балдар экенин билдирди.
Израил тараптагы жоготуулар 1 миң 400 киши деп кабарланган, алардын 300 чактысы аскерлер.
Израилдин армиясы шейшембинин кечинде Газанын түндүгүндөгү Жабалия качкындар лагери орун алган аймакка сокку урганда кеминде 50 киши каза болгонун палестин жетекчилиги маалымдаган. Жөөт аскерлери ХАМАСтын кол башчысын жок кылууну көздөгөнүн айтышкан.
БУУ, Евробиримдик тараптарды эл аралык гуманитардык укукту сактоого, карапайым элди коргоого чакырышууда.
Египет менен Газанын ортосундагы Рафах чек ара пункту шаршембиде эртең менен аймакта калган чет элдиктерди жана изралдиктердин аба соккуларынан жарадар болгон ондогон жергиликтүү кишилерди чыгаруу үчүн убактылуу ачылды.
«Рейтерс» агенттиги мындай макулдашууга Катардын ортомчулугу менен жетишилгенин билдирди. Сүйлөшүүлөргө АКШ дагы катышкан.
Маалыматтарга караганда, 1-ноябрда ал жерден 500 киши өткөрүлөт.
Араб маалымат каражаттары Египеттен Газага бир нече тез жардам машинеси бет алганын, алар 81 жарадар кишини алып кетерин кабарлашты.
Газа тилкеси менен Египеттин ортосундагы жападан-жалгыз чек ара өткөөлү кадимки режимдеги ишин токтоткон. Египет палестин качкындарынын агымынан чочулайт. Анын үстүнө Израил анын айланасына сокку урганы да айтылган. Рафах акыркы жумаларда бир нече жолу гуманитардык жүктү коё берүү үчүн ачылган.
Анклавды башкарган ХАМАС радикал тобу 7-октябрда Израилге кол салгандан кийин жөөт армиясы Газаны бомбалап, бир нече күн мурун жерде операция баштаган. Тилкедеги гуманитардык абалды эл аралык уюмдар «апаат» деп сүрөттөшөт.
Газанын Саламаттык сактоо министрлиги жаңжал башталгандан бери 8 жарым миңдей киши каза тапканын, көбү балдар менен аялдар экенин билдирди.
Израил тараптагы жоготуулар 1 миң 400 киши деп кабарланган.