Бишкектеги 8-марттагы аялдар маршынын катышуучуларына белгисиз адамдар кол салып, үзгүлтүккө учурады. Коомдук тартипке көз салган милиция чагымчыларды эмес, митингдин катышуучуларын күч менен кармаганы абдан кызуу талкууланууда. Кыргызстанда айымдардын укугу үчүн жүрүштөгү күч колдонуу эмнеден кабар берет? Өлкө мыйзам мененби жашайбы же түшүнүктөр үстөмдүк кылган абалга келдиби? Талкууга Жогорку Кеңештин депутаты Элвира Сурабалдиева, укук коргоочу Динара Ошурахунова, жарандык активист Азамат Аттокуров жана журналист Гүлзада Шаршеналиева катышты.