Арменияда саясий кризис тереңдеди. Өкмөт башчынын армиянын Башкы штабы менен тирешинен тутанган чыңалуунун бул жолку айлампасы президент Саркисян менен премьер Пашиняндын пикир келишпестиктерин да ачыкка чыгарып койду. Ал тапта Пашинян Конституцияны өзгөртүп, жарым жартылай президенттик башкарууга кайтууну сунуш кылды. Кошуна Грузияда оппозиция лидерин коргоп чыккан премьер Гахария нааразылык иретинде кызматынан кетти.