Адамга жамалган чочконун бөйрөгү, мээ башкарган дрон

Америкада биринчи жолу чочконун бөйрөгүн кишиге ийгиликтүү жамашты. 62 жаштагы бейтап өзүн жакшы сезип, ооруканадан үйүнө чыкты. Окумуштуулар суу алдында бир ай жүрүп, деңиздин түбүн изилдөөгө кызыкдар. Бул үчүн атайын капсуланы үч мерчемдүү принтер басып чыгат. Кытайда мээ менен башкарылчу дрондор күнүмдүк турмушта пайдаланыла баштады. Акыл-эс башкарган технологиялар Альцгеймер оорусун эрте аныктоого шарт түзөт.