Кулчулук азабына кабылган Муралимов «Азаттыкка» курган маегинде аны чет өлкөгө соодалап жиберген аял азыр да телефон аркылуу коркутуп жатканын, прокуратурага жолдонгон арызын да жаптырып салганын билдирген эле.
Учурда облустук миграция кызматтары чет жерге жүздөгөн адамдарды сатуу менен алектенген деп шектелип жаткан Уулкан Умарованын үстүнөн тергөө иштерин баштады. Ал ортодо жергиликтүү укук коргоочулар болсо, Умарованын ушул күнгө чейин жазага тартылбай эркиндикте жүрүшүн, тартип коргоо органдарынын коррупциялашып кеткендигинде деп сындап жатышат.
Мындан дээрлик эки ай мурун Орусиянын Тюмен шаарында кулчулук азабын тарткан Абитжан Муралимов бүтүндөй үй-бүлөсү менен ал жактан мекенине качып келүүгө аргасыз болгонун билдирген. Муралимов ошондон тарта бул окуя тууралуу Оштогу бир катар миграция боюнча эл аралык уюмдарга, укук коргоочуларга жана прокуратурага даттанып келген.
“Чет өлкөгө соодалап жиберген аял эми өз жеримде да коркутууда” деп тынчсызданган Муралимовду 7-октябрь түнү белгисиз бирөөлөр эс-учун жоготкончо ур-токмоко алган. Оор абалда жаткан Муралимов "Азаттыкка" буларды айтты:
-Караңгы кирип калганда үйгө келаткам. Аларды тааныганга да үлгүрбөй калдым, үчөө-төртөөлөп эле сабап киришти. Эсимди жоготуп коюптурмун, эшиктин алдына таштап кетишиптир. Азыр туралбай жатам, турайын десем башым айланат. Колум дагы ооруп жатат. Менин душмандарым деле жок болчу, кимден көрүшүмдү деле билбейм.
Белгисиз бирөөлөрдөн катуу токмок жеген Абитжан Муралимов мындан туура эки күн мурун "Азаттыкка" берген маегинде буларды айткан:
- Ал мага "сен жанагы кишисиңби? Мындан ары мага келбей эле кой, мен сенин прокуратурага жолдогон арызыңды жаап койдум. Иш жабылды. Сенин колуңдан эч нерсе келбейт. Эсиңден чыгарба, Орусияда сенин жээндериң бар" деди. Мен ошондон корктум.
Учурда өз үйүндө дарыланып жаткан Муралимов жакынкы күндөрү бул иш тууралуу укук коргоо органдарына арыз менен кайрылууну болжоп жатат. Ал эми Ош аймагынан бир нече адамды Орусияга сатып жиберди деп шектенип жаткан Уулкан Умарова, ал эч кандай адам сатуу менен алектенбегенин, тескерисинче, Муралимовдор ага өздөрү жардам сурап кайрылгандыгын айтат:
- Мен аны сабатып эмне кылам, Талап-тоноп кетти дегени менен аны далилдеп бере аласыңарбы? Менде андай кызыкчылык да, ой да жок. Мен кудайдын алдында да, органдарга да, кимге болбосун жооп берем. Мен адам сатуу менен эч качан шугулданган эмесмин.
Умарованын ырасташынча, ал Орусиядан жумуш издегендер үчүн болгону өз жардамын берип келет. “Башкалар сыяктуу эле Муралимовго да Тюменге барып таштандыда бөтөлкө чогултуп иштейсиң деп башында эле айткам” дейт Уулкан айым. Анткен менен Оштогу "Тартип жана мыйзам" укук коргоо уюмунун жетекчиси Изатулло Рахматуллаев жабырлануучу Муралимов мындан эки ай башта тиешелүү органдарга кайрылган менен, прокуратура эмгиче Умаровага тиешелүү чараларды колдонбой келгенине нааразы:
-Бул иш боюнча ушул күнгө чейин кылмыш иши ачылып, аягына жеткен жок. Мунун биринчи эле себеби укук коргоо органдарындагы коррупция! Экинчиден, бул аял боюнча 2007-жылы да ушундай эле маселе боюнча кылмыш иши козголуп, кайра жабылып калган экен. Демек бул аялды жогору жакта кимдир-бирөө колдоого алышы мүмкүн деген ой туулат.
Азыркы тапта Оштогу миграция кызматтары, ошондой эле «Тартип жана мыйзам» укук коргоо уюмунун өкүлдөрү бул иш боюнча Орусиянын Тюмен шаарында да иликтөө иштерин жүргүзүп жатышкан чагы.
Эскерте кетсек, аталган аймакта беш жүзгө чукул Кыргызстандыктар таштанды арасынан бөтөлкө чогултууга мажбурланып иштеп жатканын айтып, оштук он чакты тургун качып келишкен эле. Укук коргоочу Рахматуллаевдин билдиришинче, учурда бул ишти териштирүү үчүн Орусиядагы «Мемориал» укук коргоо борборунун өкүлдөрү Тюмен шаарында иш алып барышууда.
Учурда облустук миграция кызматтары чет жерге жүздөгөн адамдарды сатуу менен алектенген деп шектелип жаткан Уулкан Умарованын үстүнөн тергөө иштерин баштады. Ал ортодо жергиликтүү укук коргоочулар болсо, Умарованын ушул күнгө чейин жазага тартылбай эркиндикте жүрүшүн, тартип коргоо органдарынын коррупциялашып кеткендигинде деп сындап жатышат.
Мындан дээрлик эки ай мурун Орусиянын Тюмен шаарында кулчулук азабын тарткан Абитжан Муралимов бүтүндөй үй-бүлөсү менен ал жактан мекенине качып келүүгө аргасыз болгонун билдирген. Муралимов ошондон тарта бул окуя тууралуу Оштогу бир катар миграция боюнча эл аралык уюмдарга, укук коргоочуларга жана прокуратурага даттанып келген.
-Караңгы кирип калганда үйгө келаткам. Аларды тааныганга да үлгүрбөй калдым, үчөө-төртөөлөп эле сабап киришти. Эсимди жоготуп коюптурмун, эшиктин алдына таштап кетишиптир. Азыр туралбай жатам, турайын десем башым айланат. Колум дагы ооруп жатат. Менин душмандарым деле жок болчу, кимден көрүшүмдү деле билбейм.
Белгисиз бирөөлөрдөн катуу токмок жеген Абитжан Муралимов мындан туура эки күн мурун "Азаттыкка" берген маегинде буларды айткан:
- Ал мага "сен жанагы кишисиңби? Мындан ары мага келбей эле кой, мен сенин прокуратурага жолдогон арызыңды жаап койдум. Иш жабылды. Сенин колуңдан эч нерсе келбейт. Эсиңден чыгарба, Орусияда сенин жээндериң бар" деди. Мен ошондон корктум.
Учурда өз үйүндө дарыланып жаткан Муралимов жакынкы күндөрү бул иш тууралуу укук коргоо органдарына арыз менен кайрылууну болжоп жатат. Ал эми Ош аймагынан бир нече адамды Орусияга сатып жиберди деп шектенип жаткан Уулкан Умарова, ал эч кандай адам сатуу менен алектенбегенин, тескерисинче, Муралимовдор ага өздөрү жардам сурап кайрылгандыгын айтат:
- Мен аны сабатып эмне кылам, Талап-тоноп кетти дегени менен аны далилдеп бере аласыңарбы? Менде андай кызыкчылык да, ой да жок. Мен кудайдын алдында да, органдарга да, кимге болбосун жооп берем. Мен адам сатуу менен эч качан шугулданган эмесмин.
Умарованын ырасташынча, ал Орусиядан жумуш издегендер үчүн болгону өз жардамын берип келет. “Башкалар сыяктуу эле Муралимовго да Тюменге барып таштандыда бөтөлкө чогултуп иштейсиң деп башында эле айткам” дейт Уулкан айым. Анткен менен Оштогу "Тартип жана мыйзам" укук коргоо уюмунун жетекчиси Изатулло Рахматуллаев жабырлануучу Муралимов мындан эки ай башта тиешелүү органдарга кайрылган менен, прокуратура эмгиче Умаровага тиешелүү чараларды колдонбой келгенине нааразы:
-Бул иш боюнча ушул күнгө чейин кылмыш иши ачылып, аягына жеткен жок. Мунун биринчи эле себеби укук коргоо органдарындагы коррупция! Экинчиден, бул аял боюнча 2007-жылы да ушундай эле маселе боюнча кылмыш иши козголуп, кайра жабылып калган экен. Демек бул аялды жогору жакта кимдир-бирөө колдоого алышы мүмкүн деген ой туулат.
Азыркы тапта Оштогу миграция кызматтары, ошондой эле «Тартип жана мыйзам» укук коргоо уюмунун өкүлдөрү бул иш боюнча Орусиянын Тюмен шаарында да иликтөө иштерин жүргүзүп жатышкан чагы.
Эскерте кетсек, аталган аймакта беш жүзгө чукул Кыргызстандыктар таштанды арасынан бөтөлкө чогултууга мажбурланып иштеп жатканын айтып, оштук он чакты тургун качып келишкен эле. Укук коргоочу Рахматуллаевдин билдиришинче, учурда бул ишти териштирүү үчүн Орусиядагы «Мемориал» укук коргоо борборунун өкүлдөрү Тюмен шаарында иш алып барышууда.
